يساكن بالي شكد احبك

البارت السادس والثلاثون

أنه امنيتي اكلك عايش بخير
بس المشكله مبين عليه

_____________

حور : ماريد حفلة للعقد واذا جانوا ناوين يسوون ف هنا بيناتنه بس لانو بابا انت تدري ٲنِـي سادس وماراح اكدر
عادل : ماشي بابا براحتج
حور : شڪراً بابا
عادل : الله يوفقج ان شاءالله
حور : ابتسمتله ورحت صعدت لغرفتي
عادل : طلع راح كعد يمهم ... عيني ابو زيد حور وافقت
وليد : ابتسم ... الحمدلله والله فرحت وين نلكه احسن من حور
لمياء : الله يوفقهم ان شاءالله
زيد : ابتسم
عادل : بس حور عدها شرط
الكل : استغربوا
وليد : شنو الشرط ؟
عادل : تڪول ماريد حفلة للعقد واذا جانوا يردون يسوون ف هنا بيناتنه
وليد : ؏ـلىْ راحتها ماعدنه اشكال انت شتكول زيد ؟؟
زيد : ضاج ... ؏ـادي ماكو مشكلة
عادل : الحمدلله
وليد : ابتسم ... هاا نقرأ الفاتحة ؟
عادل : رد الابتسامة ... اي نقراها ليــش لا ... قروا الفاتحة
وليد : بابا غيث روح صيح حور خلي تجي اريد احجي وياها
غيث : ماشي بابا ... كام دخل للبيت صعد لفوك راح لغرفة حور دك الباب
حور : منوو ؟؟
غيث : ٲنِـي غيث
حور : ادخل غيوثي
غيث : فتح الباب ... بابا يريدج جوة يريد يحجي وياج
حور : ارتبكت ... هاا ماشي ههــسةة راح اجي
غيث : ابتسم ... راح تصيرين زوجة اخوي
حور : خجلت وضحكت ... هههه ان شاءالله
غيث : همزين لانو إِنتِــي حبابة وزينة
حور : ابتسمتله ... فديتك
غيث : يلة ٲنِـي نازل بابا ينتظرج جوة تـ؏ـالي بسرعة
حور : ماشي بس البس شالي واجي ... طلع غيث واني كمت لبست شالي وعدلت نفسي اكيد راح يحاجيني ؏ العقد وهاي السوالف وكدام زيد ياربي طلعت مِـــنْ الغرفة ونزلت رحت للحديقة
وليد : هاا حور اجيتي تـ؏ـالي عموو ... اشرلها تكعد يمه
حور : وهي مدنكة راحت كعدت بصفه
وليد : اريد اسألج إِنتِــي تردين العقد ههــسةة لو بَــ؏ــد ما تخلصين السادس ؟
حور : مادري عمو بكيفكم
وليد : إِنتِــي اللي راح تتزوجين عمو مو احنه
حور : ؏ـادي بأي وقت
وليد : زيد انت شتكول
زيد : بَــ؏ــد اذن اهلها طبـ؏ـﺎَ ياريت نعقد ههــسةة لانو اصلا احنه ماراح نسوي حفلة مثل ماتريد هــيٰ ف مجرد نروح نعقد ونرجع وحتى يبقى بس العرس بَــ؏ــد ماتخلص السادس
وليد : هاا ابو علي
عادل : زيد كلامه صحيح هم ماراح يسوون حفلة ف ماراح يأثر شي اذا عقدوا ههــسةة
وليد : خوش ان شاءالله الجمعة الجاية ترحون تعقدون سيد ومحكمة هيج زين
عادل : كلش زين
زيد : زين
وليد : حور عمو عندج شي الاسبوع الجاي ؟
حور : لا عمو خلص ماعندي شي
وليد : تمام لعد
حور : كامت وكفت ... عن اذنكم اريد اروح ادرس
الكل : اخذي راحتج
حور : دخلت للبيت وراحت لغرفتها دخلت وسدت الباب معقولة يوم الجمعة زيد راح يصير زوجي !! ما جاي اكدر استوعب ليــش هيج ڪلشي جاي يصير بسرعة ، خطبني وراح يصيرلنه شهر ما حاجين سوة ... دمعت عيونها ... واللّٰـه اشتاقيتله مشتاقة يكلي دكتورتي مشتاقة يشرحلي الشي اللي ما افهمه مشتاقة يشجعني ؏ـلىْ دراستي وتحقيق حلمي ليــش صار ڪل هذا ليــش المفروض ههــسةة اكون اسعد انسانه بالدنيا لانو اللي احبه راح يصير زوجي ياربي تعبت واللّٰـه تعبت ..