يساكن بالي شكد احبك

البارت الثامن

تكله:
يصغر كلشي بيه وياك مِـــنْ تكلي يبنيتي❤️🥺
.................

محمد : وأخيراً اجه اليوم اللي جنت منتظرة ؏ـلىْ أحر مِـــنْ الجمر اليوم اللي حبيبتي راح تصير بي ملكي شرعاً شكد ما احاول ماراح اكدر اوصفلكم شنوو احساسي بهذا اليوم ، كعدت مِـــنْ الصبح واني كلي نشاط وفرح نزلت ؏ـلىْ الدرج امي وزهراء وسماء هم جانت بايته عدنه تلكني بالهلاهل وباركلي وحضنني وابوية هم باركلي وبست راسه ، تريكت وخلصت كامن يجن عمتي وخالاتي البيت انترس وبناتهن هم صار هووسة ماينعرف منو يحجي ومنو ساكت باركلي كلهن بعدين صعدت لغرفتي اروح وارجع ماعرف شسوي مِـــنْ كثر مافرحان مشى الرقت بدلت ملابسي ونزلت ...
محمد : سمااااااء زهرااااااااااء يلة منتظرجن برة ... ٲنِـي اللي راح اوصلهن للصالون ثواني واجن ركبن بالسيارة نص ساعة ووصلنه تمنيت اشوف حنين بس مع الاسف ماصارت نزلن واني رحت للحلاق رتبت نفسي ورجعت للبيت سبحت الى ان صار الوقت طفرت مِـــنْ فراشي بدلت ولبست القاط مالتي

طلعت كشخة مو بلة ؟؟ هههههههه
شسورت شعري ورتبته لبست ساعتي ورشيت عطر اخذت نظارتي الشمسية وسويج سيارتي ونزلت ... الجكليت والهلاهل مالهن والي امي وعماتي وخالاتي داير مدايري ويهوسن ويركصن وفرحانات ، فرحت لفرحة امي ابتسمت واني اشوفها شلون تضحك وتصفك وتركص ، عمامي هم اجو وولد عمامي العشيرة كلها موجودة والسيارات كبال البيت تكول اليوم عرسي مو خطوبتي اخذت امي وابوي بسيارتي وعماتي اثنين هم اجن وياي وعماتي الباقيات وخالاتي صعدن ببقية السيارات مشيت ٲنِـي كدامهم والسيارات كلهن وراي واصدقائي هم موجودين والهورنات صارن جنهن معزوفة نص ساعة ووصلنه لبيت حبيبتي اخخ بس اريد اشوفها شلون طالعة بَــ؏ــد ماتحمل نزلنه تلكانه بالبداية علي حضني وكمنه نضحك ثنينه وعمامها وخوالها وولد عمامها كلهم رحبوا بينه دخلنه للبرانية انترست ٲنِـي كعدت يم السيد قدمولنه عصير وبقوا يسولفون اللي سمعته حنين بعدها مجايه مِـــنْ الصالون حيييل ادري مِـــنْ الصبح لسه ماخلصن شوية وانتبهت ؏ـلىْ علي خابروا وكام طلع ورة ربع ساعة دخل علي وسمعنه صوت الهلاهل يم النسوان الظاهر وصلت مريتي .......... بدة السيد يعقدلنه كعدنه قريب ؏ـلىْ الباب وعلي واكف لازم الباب فاتحها شوية بدة السيد يحجي عادها خمس مرات وصل للمرة الخامسة وكاللها فأن قبلتي فقولي نعم وانت وكيلي هي سكتت شوية وكالت نعم وانت وكيلي  وعلت اصوات الهلاهل يا الله اروح فـدوﯢهہ لصوتها حسيت بي رجفة الظاهر خايفة شوية بعدين لزم ايدي السيد وبدة يحجي الى ان كتله نعم اقبل ووقعت كال مبروك الله يهنيكم ان شاءالله كمت سلمت ؏ـلىْ بابا وبست راسه وايده وسلمت ؏ـلىْ ابو حنين وهم بست راسة وتشكرت منه ومشيت عليهم بالسرة كلهم سلمت عليهم وباركولي ،
شوية وابو حنين كال كوم ابني ادخل حتى تلبسها الذهب ماصدكت اجتي اللحظة اللي منتظرها .....
...............