يساكن بالي شكد احبك

البارت الثالث

تشوفين هالنآس شكثرهُم ؟
أنتي وحدچ عندي كلهُم ،،
........................

حنين : يوم الجمعة راح يجون واليوم اربعاء خايفة حيل ولازم اطلع اشتري فستان علمود البسه لمن يجون يشوفوني خلصت المواعين ورحت كعدت يمهم اشرب جاي حاجاني علي
علي : حنونة راح يجون يوم الجمعة جهزي نفسج
حنين : ان شاءالله ، ماما خلي لوو اليوم العصر لوو باجر الصبح نروح للسوك لان اريد اشتري فستان حتى البسه
ايمان : خلي نروح اليوم العصر احسن لان هم يلة باجر نرتب البيت وشوية نغير ديكور غرفة الخطار ونرتبها وهم عدنه شغل هواية هم يلة نلحك جهزن نفسجن العصر
حور : ماما ٲنـي ماروح ابقى هناا ارتب بالبيت شوية
هدى : ٲنـي هم ماروح ماما نبقى ٲنـي وحور هنا نرتب البيت وانتي وحنين روحوا براحتكم
ايمان : خوش يمة علاوي توصلنه انت العصر لو اخلي واحد من اخوانك ياخذنه
علي : لا عادي يمة ماعندي شي اخذكم ان شاءالله
ايمان : خووش يمة اكوم ارتاح شوية حنين الساعة ب4 نطلع
حنين : ماشي ماما .... كمنه نرتاح شوية ظليت اكلب بالفون ماعندي شي صارت الساعة ب3 وربع كمت اخذت شاور وبدلت لبست قميص وتنورة حلوين وحذاء سبورت لفيت شالي صارت الساعة ب4 الا ربع اخذت جنطتي ونزلت لكيت ماما مخلصة وواكفة جوة وعلي يمهااا
ايمان : ها يمة خلصتي
حنين : آي ماما خلصت هاا نطلع
ايمان : يلا امشوا
حنين : طلعنة وصلنه للسوك علي راح كال من تخلصون خابروني دخلنة لمول رحنه للمحل مال الفساتين كلش حلوات ونازكات حرت شنو اختار بعدين شفت فستان كلش حلوو ونازك طويل ولونه ماروني يجنن متت عليييه حتى ماما كالت كلش حلوو اخذته وبعدين رحت ع الاحذية اشتريت حذاء كعب بس موو كلش عالي نسقتهاا وي الفستان ورحت ع الشالات ونسقت شال وي الفستان والحذاء
والنوب رحت ع المكياج امووت على شي اسمه مكياج مع انوو ما احط هواية بس بالمناسبات حور وماما وهدى دائما يكللي انو ٲنـي احلى بدون مكياج بس احبه شسوي اشتريت كم شغلة وبعدين افترينة ع المحلات هم اشتريت بعد ملابس حلوات صارت الساعة ب7 الا ربع خابرنه علي اجه ورجعنه للبيت يمة تكسرت لكينه حور وهدى منظفات البيت وباقية بس غرفة الخطار لان نريد نغير الديكور مالتهاا راويتهن الفستان كلش عجبهن وحبنه وراويتهن بقية الملابس طبعا احنه دائما وحدة تاخذ من الثانية ملابس ف هنة عادي ياخذن مني صعدت رتبت الملابس بغرفتي بدلت ملابسي صلينه وتعشينه النوب رحنه ننام شمرت روحي ع الفراش احس جسمي مكسر اذا صارت الخطوبة شسوي فتحت الفون كعدت اكلب بي شفت محمد ناشر ستوري طفرت على حسابي الوهمي ورحت شفت الستوري ناشر،،،

‏يمتة أَشوفك ؟
تتعب عيوني مِن أَركز بنتظارك .
وكاتب جوا كتابه صغيرة،
شوكت يجي يوم الجمعة

اني بس قريته گـلـبـي كام يدك سريع عبالك محمد واكف كدامي كلت شنوو معقولة يحبني؟؟
ليش دائماً هيج ينشر وهيج يريد يوم الجمعة يجي بسرعة طفيت الفون ولفيت راسي اريد أنــآم ماكدر الى ان اذن الفجر كمت صليت وادعي الله يسهل اموري خلصت صلاة وبس حطيت راسي عالمخدة نمت ،،
كعدت ثاني يوم الساعة ب9 ونص بعدني نعسانة بس كمت غسلت وجهي ونزلت لكيت ماما وهدى وحور كاعدات ظليت صافنة حور شعجب اليوم كاعدة
حنين : صباح الخير
ايمان وهدى : صباح النور
حور : صباح الخيرات هلا بعروستنا
حنين : انجبي حور
حور : ما انجب
ايمان : حور ماما موو تنسين تسوين حلويات حتى نقدم للناس
حور : ماشي ماما بس اسويهن اليوم لو باجر الصبح
ايمان : بكيفج بس سويهن اليوم بليل احسن حتى باجر ماا تستعجلين وبراحتج
حور : خووش ، عيني عروستنا بماا انوو انتي مهندسة ديكور ف انتي غيري ديكور غرفة الخطار
حنين : ماشي ... ماما احنة عدنة بردات جديدات موو
ايمان : اي عدنة ضامتهن فوك بس يرادلهن غسل
حنين : ماشي غرفة الخطار خلوهاا عليه ٲنـي ارتبهاا بس هدى اريدج وياي تساعديني
هدى : ماشي
حنين : صار الظهرر الساعة ب2 رحت لغرفة الخطار مع انوو ديكورها حلوو بس يحتاجله تغييرات شوية جبت البردات الجديدات حطيتهن بالغسالة غسلتهن وجففتهن بس بعدهن شوية رطبات شريتهن كبال الشمس ورجعت ٲنـي وهدى نزلنة البردات القديمات وخليناهم على صفحة فرغنة المكان ونظفنة الكاع كنسناهة ومسحناهة صارت تلمع هههههه ومسحنه الحيطان والبنكة هم جبت درج ومسحتهاا بعدين رحت جبت البردات الجدد وعلكناهن ٲنـي وهدى ورتبتهن وبعدين رجعنه القنفات اجه كرار ساعدنه بيهن وخليت فوكاهن مثل الچرجف كلش حلوو شكله وبعدين جانت اكوو لوحة معلكيهاا واية قرآنية نزلتهن وهدى مسحتهن وجبت طاولات وهم خليت عليهن نفس شكل الچرجف اللي خليته ع القنفات علمود نخلي عليهم الضيافة المكان صار كلشش حلووو مرتب وكيوت رحت جبت معطر جوو ريحته كلش طيبة ورشيت واخيرا خلصنه الساعة ب 6 يبووو هلكنه فتحت السبلت علمود يبرد المكان سديت الباب وطلعت احس ظهري صار نصين شمرت روحي ع القنفة بالصالة وهدى هم نفس حالتي هههههه هاي بس راح يجون يشوفوني وهيج صار ، مر الوقت صارت الصلاة صلينه والنوب تعشينه وخلصنة حور راحت للمطبخ تسوي الحلويات واحنه الباقين كاعدين بالصالة نباوع ؏ التلفزيون ورة شوية كمت رحت للمطبخ اشوف حور شنوو سوت ماسوت
حنين : هاا حوري شسويتي
حور : سويت كيكة باردة بطعم القهوة وسويت بسكويت دوائر كلش طيب توني خلصتة وباجر الصبح اسوي عصاير واحد بطعم الفرولة وواحد بطعم البطيخ ووو تمام
حنين : عاشت ايدج والله تعبتج وياي اردلجياهة بعرسج
حور : حبيبتي إِنتِــي تعبج راحة هذا ولا شي بَــ؏ــد حفلة الخطوبة مالتج والحنه والزفة ورانه كومة شغلات
حنين : حياتي يلة روحي ارتاحي صارت الساعة ب10
حور : تمام رايحة يلة تصبحين ؏ـلىْ خيررر
حنين : وانتي بألف خيرر ... طبعاً حور كلش شاطرة بسوالف الحلويات يـ؏ـني الحلويات اللي تسويها تجنن ومو بس الحلويات كل الاكلات اللي تسويها تخبل هي اكثر وحدة بالبيت تعرف تطبخ شلون تعلمت ماندري بحيث اكلها حتى اطيب مِـــنْ اكل ماما والله حقيقة هاي وقول الحق فضيلة ههههههه لا تسمعني ماما لا بس صدك حتى ماما معترفة بهذا الشي بحيث مِـــنْ صدك هنياله اللي راح يتزوج حور الف هنياله لان حور ماكوو مثلهاا ،،،
_________
يوم الجمعةة ،،،
حنين : ياا الله خايفة ومتوترة حيل اليوم راح اشوف محمد اصلاً ماعرف شلون راح التقي بي گـلـبـي عبالك مثل الطبل ... كعدت الصبح الساعة ب8 ونزلت لكيت بس ماما وبابا كاعدين بابا موجود بالبيت لان اليوم جمعة وعطلة ماكو دوام صارت ب9 كعدوا حور وهدى وعلي وورة شوية كعدوا كرار وعبدالله الوقت يمشي واني يزيد توتري وخوفي عبالك راح ادخل بحرب خلصنة صلاة وخلصنة غدة وبدينه نحضر نفسنة صارت الساعة ب3 لبست فستاني اللي اشتريته ولبست حذائي رحت مشطت شعري ولفيته حطيت مكياج ناعم وحلو ايشادو بلون الفستان بس مخليته قوي حيل هيج خفيف وايلاينر وحطيت كحل لون بيجي بحيث كبر ؏ـيوني خليت مسكارة ؏ـيوني صارت تجنن وخليت حمرة لونها زهري وخليت احمر خدود خفيف واخر شي خليت اضاءة خفيفة ؏ـلىْ خدودي وعلى خشمي شوية شكلي صار يجنن طبعا ٲنِـي موو مِـــنْ النوع اللي امدح بنفسي بس فعلاً طلعت حلوة بعدين اخذت شالي ولفيته ورتبته ولبست سوار ومحبس وساعة رشيت عطر واخيرا خلصت شكلي طلع كلش نازك ومرتب والفستان جان مخصر ؏ـلىْ جسمي اندكت باب الغرفة ...
حنين : تفضل
حور : هلا.....وماكملت كلمتها وظلت صافنه
حنين : هلا حور هاا شبيـــّچ ليـشہ صافنه اكو شي لو شكلي مو حلوو
حور : اللهم صلِ ؏ـلىْ محمد وآل محمد شهالجمال هذا لالا مِـــنْ صدك واوو ياربي ماعرف شنو احجي يـ؏ـني ٲنِـي كلت هيج محمد اذا شافج شنوو راح يكول
حنين : بخجل ... حور والله استحي لتحجين هيج وشكلي ؏ـادي مو لهل درجة يـ؏ـني
حور : لج ياا ؏ـادي والله تجننين حتى نسيتيني ٲنِـي ليـشہ اجيت وشنوو ردت اكول اممم هاا اي تذكرت ماما دزتني حتى اشوفج اذا خلصتي او محتاجه شي
حنين : ايي هياتني كدامج مخلصة وسلامتج ؏ـمري ممحتاجه شي اذا احتاجيت راح اكلج
حور : تمام حبيبتي ٲنِـي نازلة بس تردين شي صيحيني راح تلكيني يمج
حنين : تمام حبيبتي ... ااا حور حور
حور : هاا ؏ـيني
حنين : اذا اجوا تـ؏ـالي كليلي بسرعة حتى انزل
حور : مااااشي
حنين : طلعت حور وظليت بالغرفة ماعرف شسوي صارت الساعة ب4 الا ربع كلت خلي انزل جوة مادام مخلصة وماعندي شي اخذت تلفوني ونزلت شافتني ماما
ايمان : اللهم صلِ ؏ـلىْ محمد وآل محمد يابعد روحي يايمة شهالجمال هذا وكامت تبجي وحضنت حنين
حنين : مِـــنْ حضنتني ماما وبجت بجيت وياهة وحضنتها قوي .. ادري بَــ؏ــد وكت ؏ البجي بس ٲنِـي مِـــنْ اشوف ماما تبجي بسرعة ابجي وياهة
ايمان : كافي يمة كافي بنيتي لا يخرب مكياجج
حنين : مسحت دموعي وبست ماما مِـــنْ راسها الله يحفظج النه ماما ولا يحرمنه منج
ايمان : حبيبتي يحفظج الرحمن يمة خلي اجيب البخور وابخرج لا تنصابين بالعين
حنين : ههههه ماشي حبيبتي ... شفت حور جانت واكفة يمنه ودموعها تنزل وي دموعنة ٲنِـي وماما رحت عليها ليـشہ هالدموع هاي
حور : بجت وحضنت حنين ... الله يسعدج يارب ويخلي ايامج كلها سعادة وفرح
حنين : دمعت ؏ـيوني ... يحياتي إِنتِــي ويسعدج حبيبتي ليـشہ تبجيني وياج
حور : لالالا لاتبجين إِنتِــي عروس ميصير واني هم مراح ابجي بَــ؏ــد مسحت دموعها هاي مسحت دموعي
حنين : هههههههه فديتج صدك وين هدى شوو ماكوو مختفية
حور : قبل ماتنزلين بشوية هي صعدت وراحت للحمام تسبح خطية جانت تشتغل بالمطبخ
حنين : الله لايحرمني منكم ؏ـمري ماراح انسى وكفتكم وياي
حور : كم حنونه عدنه هي وحدة اذا ماا وكفنالها احنه منو يوكفلها
حنين : حبيبتي إِنتِــي يوم اللي اشوفجن احلى عرايس بالدنيا
حور : نو نو نو حبيبتي ٲنِـي لا بس هدى اي ممكن
حنين : عابتلج اول وتالي تزوجين ونخلص منج الا هدى سالفتها سالفة
حور : خلوها براحتها حنين مو اجبار هذا زواج وعشرة عمر مو لعب
حنين : اعرف حور مو اجبار بس كيان خوش ولد ورايدها وهي ولا يمها بس كليلي وين تلكة واحد يحبها مِـــنْ جانت طفلة ومنتظرها تكبر كل هالسنين حتى يخطبها ويكمل حياته وياها
حور : بَــ؏ــد اختج وراسها اليابس تعرفيها ان شاءالله بعدين تقتنع وتقبل
حنين : ان شاءالله ... ظلينة نحجي ٲنِـي وحور شوية وهي راحت للمطبخ ترتب الحلويات والعصير ٲنِـي كمت صعدت فوك لغرفتي وصلت لنهاية الدرج واندكت الباب هناا گـلـبـي الله اعلم بدكاته ركضت لغرفتي حتى اباوع واشوفهم مِـــنْ الشباك طبيت للغرفة سديت الباب ووخرت البردة وتوه علي جاي يفتح الباب الهم ، دخلت مرة جبيرة ورجال جبير اتوقع ابو وامه وبنية شابه تقريبا بكدي او اكبر مني بشوية استقبلهم علي وسلم عليهم واخر شي دخل محمد وكلبي زادت دكاته اكثر واكثر اتخيل محمد زوجي ويوم من الايام راح نكون بغرفة وحدنه اجتني قشعريرة حضنه علي وسلم عليه واثنينهم يضحكون صفنت ؏ـلىْ محمد مِـــنْ يضحك والله ضحكته حلوووة دخلهم جوة واني صافنه الى ان حسيت ايد انحطت ؏ـلىْ كتفي ......الكاتبة لحن الحياة