يساكن بالي شكد احبك

البارت الخامس

‏​ خدودج الثنْتين هِي مُختصر عُمري ❤️

_______________

حنين : جنت كاعدة وفجأة دك تلفوني رقم غريب استغربت منو؟ بعدين تذكرت سماء اخت محمد كلت يجوز هي خلي ارد عليها .. رديت عليها جان يجيني صوت ولد استغربت منو هذا ومنين جاب رقمي بعدين كالي ٲنِـي محمد حسيت روحي راح يغمى عليه ماعرف ليـشہ مِـــنْ اشوفه او مِـــنْ يحجي وياي اموت مِـــنْ الخجل هو يحجي وياي واني كوة ارد عليه بس احساس حلوو مِـــنْ تحسين اكو شخص يريدج ويسندج خلصت المكالمة مع انو ماجنت رايدتها تخلص بودي اكعد واظل احجي ويا واتعرف عليه بس مستحيل اطلب منه انو نظل نحجي ظليت صافنة وافكر بمحمد قطع صفنتي دكت الباب .... منوو؟؟
حور : ٲنِـي حور تـ؏ـالي تعشي
حنين : ماشي جاية ... كمت نزلت جوة وكعدنه نتعشة والكل موجود دك تلفون علي
علي : الوو ... هاا ولك ... جاي اتعشة فد شوية عود واجيك ... دولي ولي كتلك جاي اتزقنب ... هههههه انجب ولك ... يلا ولي ... مع السلامة
عادل : منو هذا بوية
علي : هذا محمد يابة
حنين : اف يكلبي شبيك بس سمعت اسمه تخبلت سويت روحي مامهتمة
علي : جان صديقي وماخلصان منه النوب صار خطيب اختي يبووو بَــ؏ــد
الكل : هههههههههه
حنين : خجلت ودنكت راسي  ... كملنه عشة علي طلع راح لمحمد كعدنه نباوع تلفزيون صارت الساعة ب10 كمت صعدت لغرفتي فتحت تلفوني لكيت مكالمة قبل ساعة مِـــنْ رقم غريب عبالي محمد لان ٲنِـي نسيت اسجلة مع انو هو كلي احفظي ثولة مو بيدي المهم طلع مو نفس الرقم ظليت حايرة اتصل لو لا ثواني رجع اتصل نفس الرقم مِـــنْ جديد كلت خلي ارد واشوف منو احسن .... الوو؟
سماء : الوو هلوو حنونه شلوونج
حنين : الصوت مو غريب عليه سامعته ... هلوات بس اسفة منو انتي معرفتج !!
سماء : ٲنِـي سماء
حنين : هلوو حبيبتي سموءة شلونج اسفة بس معرفتج والله
سماء : ؏ـادي ؏ـمري ٲنِـي الحمدلله تمام إِنتِــي شلونج
حنين : والله الحمدلله ؏ـلىْ الله
سماء : شكوو ماكو
حنين : والله ماكو شي كاعدة وساكتة
سماء : نفس حالتي والله رجلي طالع كلت خلي اتصل عليج بما انوو ماعندي شي ولو الوقت يمكن متأخر
حنين : لا والله اصلا بَــ؏ــد مو هســهہ أنــآم ٲنِـي
سماء : اي بلة حنونه عرفيني عليج
حنين : ههههه أُوڪـِ اول شي تعرفين اسمي حنين ؏ـمري 24 سنهہ خريجة هندسة ديكور بَــ؏ــد شنو تحبين تعرفين سأليني واني اجاوبج
سماء : العمر كله حبي ووو يـ؏ـني محمد اكبر منج ب4 سنوات زين موو هواية
حنين : يـ؏ـني عمرة 28 ؟؟
سماء : اي نعم ليـشہ ماكالج
حنين : لا والله بس بعدنه محاجين سوه يـ؏ـني بعدنه ممتعرفين ؏ـلىْ بعض
سماء : ماشي لعد خلي اسبق حمودي واحجيلج عنه
حنين : ههههه تمام
سماء : اول شي كتلج عمره 28 سنهہ خريج هندسة ويشتغل وي بابا لان احنه عدنه شركة ، شوفي محمد نوعاً ما عصبي يـ؏ـني هو مو دائماً يعصب بس نصيحة مِـــنْ اخت لاختها اذا يصير عصبي وخري عنه لان صراحة يصير يخوف والله ٲنِـي بالنسبة الي مِـــنْ اشوفه عصبي ما افتح حلكي بحجاية وحده لان تدرين واني هذا الشي اكرها بمحمد اذا صار عصبي كلش ممكن حتى يمد ايده وسواها مرة وياي قبل لا اتزوج بس بعدين لمن هدء اجه اعتذر مني  ف ٲنِـي كتلج اذا تشوفي عصبي لتحجين ويا نهائياً
حنين : خفت حيل من كالتلي هيج ابد ماجنت متوقعته عصبي لهدرجة ... ليـشہ تخوفيني لوو مخليتني ما اعرفه احسن ههه
سماء : ههههه لا والله ماريد اخوفج بس علمود تاخذين حذرج
حنين : هههه ان شاءالله
سماء : اوك خلي اكملج محمد يحب الترتيب كون فد يوم تجين لبيتنه وتشوفين غرفته شلون مرتبها وشكد حلووة ، واكثر اكله يحبها محمد هي البرياني كلش يحبه ، يحب الالوان الهادئة يكره هاي الالوان اللي تعمي العيون .........
حنين : ظلت تحجيلي ؏ـلىْ محمد واني هم حجيتلها عن نفسي صراحة اكو بعض الشغلات متشابهة بيني وبين محمد ويمكن حبيت محمد شوية مِـــنْ كلامها عنه وشلون كلبه طيب بس الشغلة اللي خوفتني هي عصبيته المشكلة انو ٲنِـي بسرعة ابجي ما اتحمل واحد يصيح عليه وهذا الشي خلاني اخاف مِـــنْ محمد بس شسوي بَــ؏ــد الله كريم خلصت المكالمة شفت الساعة ب11 ونص حييل صارلنه شكد نحجي لعد خطية سماء رصيدها خلص هســهہ هههههه ... كلبت بالتلفون ماكو شي طفيته وكلت خلي أنــآم احسن
......
بَــ؏ــد مرور شهر
حنين : مر شهرعلى خطوبتي وبعد يومين راح نعقد اني ومحمد وراح نسوي حفلة ويلبسني الذهب وكذا يعني هاي السوالف بهذا الشهر تعرفت على محمد وحبيته اي نعم حبيته بس لحد الان ماكتله هذا الشي ماعرف ليش بس يمكن لان استحي وماعندي الجرئة اعترفلة وهو هم لحد الان ماعترفلي بس من كلامة مبين انو يحبني وهم يخاف عليه واليوم العصر راح نطلع اني وماما وحور وهدى علمود نشتري فساتين وهاي السوالف وباجر الصبح راح يجي عليه محمد علمود نختار الحلقات وطبعاً تأخرنة بالتحضيرات ماعرف ليـشہ بحيث وراية كومة شغلات بس شفت وحدة ؏ـلىْ الانستا تسوي سوالف مال مهر واعراس ف هي راح تنصبلي كوشة منزلية وتسويلي الميز مال العقد وهم طلبت منها برنص البسه مِـــنْ يريد يعقدلي السيد ومغطس بي مي احط بي رجليه كلش حلوو كومة عدها اشياء حلوة وهي مرة بالعمر ف كلت خلي اطلبهن لان كلش حلوات ونازكات