يساكن بالي شكد احبك

البارت السابع

يكولها
-معتبرج اهل وأصحاب وجوارين
-من رخصه الوالد حاسبج بنتي🥺💜

__________________

محمد : راسج لا تدنكي خليني اشبع مِـــنْ عيونج
حنين : وهي تحس روحها عركت مِـــنْ الخجل ... محمد حباب كافي
محمد : ااااه هو ٲنِـي شدمرني غير الخجل مالتج .. رجع راسه ؏ الكشن .. حنين خلينه نتزوج بسرعة الله يخليج
حنين : استغربت وعقدة حواجبها ... ليـشہ ؟؟
محمد : ماريد اصبر اكثر اريدج يمي اريد أنــآم بليل وانتي يمي اريد اكعد الصبح وانتي يمي لشوكت اظل هيج
حنين : سكتت وابتسمت ودنكت راسها وهي تفرك بيديها مِـــنْ الخجل والارتباك
محمد : هاا حنين شكلتي !!
حنين : زين بس انتظر شوية يـ؏ـني ... وهي تأشر بيدها دلالة ؏ـلىْ الطلب الصغير
محمد : يباوعلها ويبتسم كرصها مِـــنْ خدودها ... اروح فـدوﯢهہ لبنيتي ٲنِـي اليكول عمرها 5سنين موو ب20
حنين : محمد
محمد : يروحه
حنين : خجلت ... صارلنه كومة واكفين عيب شيكولون علينه العالم يلة امشي خلي نرجع للبيت
محمد : هيج تردين تخلصين مني واني اللي ودي اكضي اليوم كله وياج وماعوفج
حنين : لا والله مو هيج بس صارلنه هواية واكفين احس عيب يعني
محمد : امري لله امشي شسوي بعد
حنين : حرك السيارة والطريق كله لازم ايدي ويبوس بيها لو ماكايلتله احبك احسلي هههههه اني ميته خجل وهو ولا عبالك كلش عادي عنده بس تردون الصدك كلش فرحانة واتمنى مارجع للبيت بودي ابقى يمة محمد اول حب بحياتي وخلال هذا الشهر حيل تعلقت بي احسه ابوية الثاني صح مجان معترفلي بحبه بس اهتمامه بيه جان كافي يخليني اتعلق بي واتعود عليه الله يخلي الي ولا يحرمني منه ، وصلت للبيت نزلت ومحمد هم نزل دكيت على حور تطلع تفتحلنه الباب وكلتلها محمد هم وياي دقايق وفتحتها ...
محمد : السلام عليكم
حور : وعليكم السلام
حنين : دخلنه للبيت الكل موجود سلمنه ومحمد سلم على بابا وماما وعلى اخواني كعد محمد على قنفة يم علي واني كعدت مقابيله يم ماما وحور
عادل : شلونك ابني الاهل شلونهم
محمد : الحمدلله عمي كلهم بخير الله يخليك
علي : مسوي نفسه ثكيل ترة يجذب عليكم
محمد : ؏ـلىْ الاقل امدح بيه بالجذب
الكل : ههههههههه
حنين : رحت للمطبخ جبت مي وعصير وكيك حور مسويته فديتها واجيت قدمته لمحمد غمزلي ٲنِـي ابتسمت ودنكت راسي مايستحي ههههه كعدنه نسولف ونضحك شوية ومحمد استأذن وراح اتمنيته مايروح احس گـلـبـي يريد يطلع ويروح يركض ورا ههههه ، راويت الحلقات والطقم لماما والبنات وحبنهن الحمدلله كمت صعدت لغرفتي بدلت ملابسي وغسلت وجهي شمرت روحي ؏ الفراش افف تعبت ابد مجاي ارتاح هالايام ولازم اخابر سماء اشوف شصار ؏ الصالون تمددت وغمضت ؏ـيوني دقايق ورحت بسااابع نوومة مِـــنْ كثر التعب ...
.............

محمد : اخخ ياا گـلـبـي طبعاً حنين مِـــنْ اول مرة شفتها لحد هاللحظة هي لاعبة بحالي لعب كلشي بيها يخبلني خجلها طفوليتها ضحكتها حجيها عيونها كلشي كلشي ... ماعرف ليـشہ ما اعترفتلها بحبي مِـــنْ بداية خطوبتنه بس ردتها تحبني مثل ما ٲنِـي احبها جنت ابينلها حبي مِـــنْ خلال اهتمامي بيها وجنت منتظر اللحظة المناسبة حتى اعترفلها الى ان طلعنه سوة حتى نشتري الحلقات الدنيا ماجانت سايعتني مِـــنْ الفرحة لان راح اشوفها مشتاقلها بكد رحمة الله وصلت لبيتهم دكيت عليها دقايق وطلعتلي جنها غزال بمشيتها ولبسها جان بودي اضمها بكلبي حتى محد يشوفها ضجت مِـــنْ شفتها حاطة مكياج هي مِـــنْ غير شي شحلاتها والنوب حطت مكياج وعيونها اخ يعيونها هنة والكحل صارن عذاب زين ٲنِـي شلون اتحمل كل هذا الجمال فهموووني ؟؟؟ دخلنه لمحل الذهب وطلبت مِـــنْ ابو المحل يطلع احلى الحلقات اللي عنده طلعهن وهي ظلت تباوع عليهن بعدين اختارت صدك ذوقها حلوو وعجبني واختارينه طقم هم خلصنه كلشي وطلعنه كلتلها خابري امج كليلها راح نتغده برة عادي ماكالت شي خابرتها وصلنه للمطعم كعدنه حسيتها ضايجة ماعرف شبيها كلتلها اطلبي كالت انت اطلبلي استغربت شبيها ليـشہ هيج ضايجة عفتها براحتها الى ان جابولنه الاكل اباوعلها مجاي تاكل سألتها شبيـــّچ وما اشوفها الا كامت تبجي كلش خفت عليها اسألها ليـشہ تبجين تكلي رجعني للبيت ٲنِـي هم رحت دفعت فلوس الاكل ورحت عليها كلتلها يلة لزمت ايدها وطلعنه صعدنه بالسيارة ظلت تبجي الى ان كلتلي ٲنِـي ضوجتك بشي استغربت مِـــنْ سؤالها كلتلها لا صدمتني مِـــنْ كلتلي لعد ليـشہ انت هيج مامهتملي وعصبي استغربت وانصدمت كلتلها ٲنِـي مامهتملج ظليت احجي وياها الى ان اعترفتلها بحبي مع انو ٲنِـي جنت ناوي اعترفلها بالحفلة مال الخطوبة بس شسوي جان لازم اعترفلها حتى متفكر هيج سألتها إِنتِــي تحبيني كالتلي اتصل عليه وشوف الاسم اللي راح يطلعلك وراح تعرف جوابي عقدة حواجبي المهم دكيت عليها كلتلها انطيني تلفونج هي خجلت ومدتلي تلفونها اخذته وقريت الاسم "حبيبي" يا الله الفرحة اللي حسيت بيها بهذا الوكت مو طبيعية احساس حلوو لمن تعرف انوو الانسان اللي تحبه يبادلك بنفس الشعور لا ارادياً جريتها لحضني وحضنتها ودي ادخلها بكلبي ومن كالتلي احبك حضنتها اقوى وهي بادلتني ودفنت راسها بصدري لعبت بحالي لعب والله تمنيت هســهہ انو احنه متزوجين وكاعدين بغرفة وحدنه جان عرفت شسوي بيها بس شسوي يلة الصبر مفتاح الفرج خلي نتزوج والله كريم ... (والباقي انتو تعرفوا)
.............