يساكن بالي شكد احبك

البارت الخامس عشر

خليك وياي محد إلي بعدك ♥️💍.

______________

حنين : عبالك الحفلة انعادت علي وكرار لازمين محمد ويركصون والهلاهل علت مِـــنْ جديد بعدين رحت للمطبخ جبت مي وقدمتلهم رحت وديت الصينية للمطبخ تذكرت حذائي نسيتها برة طلعت رحت اريد اجيبها جاي امشي عثرت ووكعت بحضن وايد نلفت عليه رفعت راسي انصدمت لكيت روحي بحضن ابن عمتي اسمه باقر هو هم انصدم مِـــنْ شافني انتبهت ؏ـلىْ نفسي بعدت عنه وكتله
حنين : اسفة بس جن....قاطعني
باقر : لا ؏ـادي بنت الخال ماصار شي وصح الف مبروك تتهنون يارب والله يرزقكم بالذرية الصالحة
حنين : مدنكة راسي واحجي ويا وهو هم ماباوع عليه ... تسلملي الله يبارك بيك يوم الالك ان شاءالله
باقر : هههههه لا الله يبعدنه
حنين : ههههه ليـشہ
باقر : شلي بشلاع الكلب خليني مرتاح
حنين : هم صح هههههه ، عن اذنك بس اروح اجيب حذائي وتفضل ادخل كلهم جوة كاعدين
باقر : اخذي راحتج
حنين : هوو طب جوة واني رحت جبت حذائي ودخلت مِـــنْ باب المطبخ لكيت محمد بوجهي ابتسمتله هو دار وجهة ومشى استغربت شبي خليت حذائي ؏ الكاع ورحت يمهم سمعته يكول
محمد : يلة يمة يلة يابة تأخر الوقت لازم نروح
ابو محمد : اي والله تأخر يلة ياجماعة احنه نروح
حنين : مادري ليـشہ گـلـبـي كام يوجعني ومحمد اصلا ماباوع بوجهي سلموا وطلعوا ٲنِـي ركضت لغرفتي رحت ؏ـلىْ فراشي اجن البنات كلهن يمي
هدى : يلة حور افتحي التلفزيون وحطي فلم وحضري الكرزات وهاي السوالف
حور : ماشي
حنين : فتحت حور التلفزيون وحضرن الكرزات والعصاير وكعدن ٲنِـي ظليت كاعدة بمكاني بس بالي مو يمهن صارت الساعة ب١ الا ربع ومحمد ابد مادك عليه ولا اتصل اريد اتصل عليه ٲنِـي بس اخاف كلت يجوز تعبان ونام بس هو دائماً يدك عليه قبل ماينام واذا نعسان يدزلي رسالة يكلي راح أنــآم هالمرة لا رسالة ولا مكالمة حسيت روحي اختنكت متعودة أنــآم ؏ـلىْ صوته استأذنت مِـــنْ البنات ونزلت جوة طلعت برة بالحديقة عدنه مرجوحة كعدت عليها اريد اشتم هوى الدمعة صارت بطرف ؏ـيني حطيت ايدي ؏ـلىْ وجهي وبديت اشهك وابجي لسببين السبب الاول لان محمد مادري شبي مو مِـــنْ عوايدة مايتصل عليه وحتى مِـــنْ طلعوا مِـــنْ يمنه لا باوعلي ولا سلم عليه والسبب الثاني لان باجر راح افارك اهلي گـلـبـي كام يوجعني وصارت  بي نغزة ظليت ابجي بحركة اريد احد يخفف عني هدئت شوية تلفوني جان يمي لزمته وكلت لازم ادك ؏ـلىْ محمد هو صار زوجي ليـشہ استحي او اخاف منه دكيت عليه اول مرة مارد ثاني مرة ثالث مرة يلة رد كتله
محمد : الوو
حنين : بأرتباك ... ه هلوو محمد
محمد : هلا
حنين : بس ٲنِـي بالي ظل يمك ودك.....قاطعني
محمد : دكيتي عليه مرتين وشفتيني مارديت عليج ليـشہ تلحين يجوز منطمر نايم يجوز ماعاجبني ارد لوو هي كوة
حنين : گـلـبـي كام يوجعني ودموعي وكعن انصدمت ليـشہ هيج يحجي وياي كتله وصوتي يرجف .... مممحمد لل ليـشہ هيج ت تحجي وياي ٲنِـي شش شسويتلك!!!!!
محمد : اذا ماعندج شي ٲنِـي تعبان اريد أنــآم
حنين : وهو هذا اللي جنت خايفة منه خاف محمد يتغير عليه الوجع اللي صار بكلبي مو طبيعي عبالك احد ضربني بسجينه كتله واني ابجي واشهك ... مم م مااشي ااا اخذ رر راحتك وو ٲنِـي اس اسفة لل لان ضوجتك ت تصبح ؏ـلىْ خخ خير بب باي .. سديت التلفون وكمت طبيت للمطبخ كعدت ؏ـلىْ كرسي وحطيت ايدي ؏ـلىْ الميز وخليت راسي عليهن وكمت ابجي شسويت ٲنِـي حتى هيج يحاجيني وين محمد اللي يكلي ماعوفج ولا اتغير عليج وين محمد اللي يكلي احبج وانتي بنيتي لالالا والله ماكدر هيج يحاجيني والله ما اتحمل لا محمد الله يخليك لتسوي هيج بيه ظليت اشهك وابجي وكلبي يدك سريع بشكل مو طبيعي واحس اختنكت وبعدين الدنيا ظلمت بوجهي وبعد ماحسيت بشي ....