يساكن بالي شكد احبك

البارت الواحد والعشرون

سلام يا حلووين🥺
طبـ؏ـﺎَ اعتذر عن فترة الغياب الطويلة جدا جدا جدا
ويمكن ههــسةة انتو نسيتوا الرواية اصلا
بس تلفوني عطل والواتباد انحذف واني مع الاسف ناسيه كلمة السر وهالكم يوم بالكوة رجعته
ان شاءالله التنزيل راح يكون بين يوم ويوم بليل اتمنى ماتزعلون او تضوجون مِـــنْ هذا الشي بس ماريد اكلكم يومية بارت واخليكم تنتظرون وبالاخير ما انزل ف الاحسن التنزيل يكون بين يوم ويوم حتى اكتب البارت براحتي ولا تخافون ان شاءالله اسويلكم مفاجأت وانزللكم بارت هيج بدون ماتدرون😆♥️واذا تحسون نفسكم نسيتوا الرواية ارجعوا اقروا البارتات🌚واني هم ماراح اطول الرواية هواية لانو جد احسها حمل ؏ـلىْ گـلـبـي وبس اريدها تخلص🌚💔واعتذر مرة ثانية ؏ الانقطاع♥️
وهسة يلا روحوا اقروا البارت😁
....

ياريتني اهلّة وكرايبـه وكل اليشوفوه 🖤.

•••••••••••

حور : جنت كاعدة احجي ويا آية انتبهت عليها تحوص ماعرف مرتبكة كتلها ... شبيـــّچ عندج شي تردين تحجي مبين
اية : شوفي راح اكلج شي بس يبقى هذا الحجي بينه تمام
حور : احجي احجي ؏ـيني تمام تمام
اية : اخوج عبدالله كلش شايف نفسه ومغرور زيادة عن اللزوم
حور : هههههههههههه
اية : بقهر ... شبيج تضحكين شنوو اليضحك وبعدين جاي احجي الصدك ترة
حور : ههههههه اسفه اسفه بس ليش شبي مغرور شسوالج حتى هيج تكولين
اية : ماسوالي شي بس مغرور
حور : لا والله بالعكس يمكن بس كدامكم هيج بس لو تشوفي بالبيت ترة كلبه حييييل طيب شوفي ماكلج هوو مو مغرور لا اعرف هو يمكن عنده نوع من الغرور بس هيج قليييل عبدالله من النوع الهادئ مايحب يحجي هواي بحيث كلشي منعرف عنه يعني هيج غامض ومن يكعد يمنه ميحجي لو يلعب بجهازة لو يباوع تلفزيون يحجيله كلمة كلمتين ويسكت
اية : كامت تحجيلي على عبدالله صراحة ماجنت متوقعته هيج هادئ وغامض بس احسه يخوف والله مادري ليش ، اشوفه نفس كيان لان كيان شخصيته هيج هادئ بالبيت وغامض وهم عنده نوع مِـــنْ الغرور استغفر الله شايفين نفسهم ؏ـلىْ شنوو والله يا الله كتلها ... نفس كيان بالضبط بالبيت هم هادئ وغامض والله ٲنِـي ماعرف عنه غير انوو هو يحب هدى بس هذا الشي اعرفه ولا عبالك ٲنِـي اخته الوحيدة ويجي يحجيلي ابد بس ماكلج انو هو فد مرة لا مرات يجيني يكلي محتاجة شي تردين شي ومرات يكلي شلونج ويسألني ؏ الدراسة
حور : يحظي لعد شتردين اكثر مِـــنْ هيج
اية : ههههه كلشي ماريد .... كمت رحت للمطبخ لكيت هدى وزهراء كعدت يمهن انتبهت على هدى ماعرف شبيها احسها ضايجة كتلها ... هدى شبيـــّچ بيج شي احسج مو ؏ـلىْ بعضج
هدى : ارتبكت ... لا حبيبتي مابيه شي
اية : اممم خاف اشتاقيتي لكيان ههههههههه
هدى : كلت بكلبي اي هواية اشتاقيتله هه ابتسمت ابتسامة خفيفة .... ههه لا مو هيج
اية : ترة ؏ـادي لا تستحين كولي هســهہ اخابره الج اذا تستحين تخابري
هدى : ههههه لا والله شسالفة ... شالت تلفونها عود جاي تخابره
اية : لزمت تلفوني دكيت ؏ـلىْ كيان حبيت اخبث شوية بس هي عبالها داشاقة واجذب وصلني صوته كتله هلوو كيان
كيان : هلا اية
اية : احم كيان هاي هدى مشتاقتلك بس تستحي تكلك هاك احجي وياهة ... حطيت التلفون ؏ـلىْ اذنها كتلها .. كولي الوو
هدى : توقعتها جاي تجذب وتسوي نفسها تحجي ويا حطت التلفون ؏ـلىْ اذني واني كلت خلي اسايرها ... الووو
كيان : هاا هدى
هدى : جمدت مِـــنْ سمعت صوته وكلبي كام يدك سريع تذكرت اللي سوا بيه ودمعت ؏ـيوني ظليت ساكته
كيان : الووو هدى محتاجة شي؟
هدى : ماردت اية تحس بشي بالكوة حجيت وكتله بصوت ناصي ... سلامتك .. وخرت التلفون عن اذني حاجته اية وبعدين كالتله باي وسدت التلفون
اية : ههههههه عبالج اجذب عليج
هدى : ضحكت بس حتى ما ابين شي ... خبيثه مو بيدج
اية : هههههههه
هدى : احس نفسي تعبانه ياريت نرجع للبيت بس بَــ؏ــد منا للعصر اففف اريد أنــآم شكد جنت مرتاحة وشوف هســهہ شصار بيه الحمدلله ؏ـلىْ كل حال