يساكن بالي شكد احبك

البارت الخامس والثلاثون

‏يگلها : انتي گلج مالتي مو مال ابوچ
وامچ اصلاً جابتچ لحضيني ..

___________

حور : مِـــنْ بَــ؏ــد ما راحت هدى صعدت لغرفتي وبقيت ابجي خواتي طلعن وبقيت ٲنِـي بَــ؏ــد المن اروح اشكي واسولف
احس روحي مخنوكة مِـــنْ ڪلشي حاولت اشغل نفسي بالدراسة اباوع للكتب ومالي خلك اقرأ حجاية وحدة
تمددت واباوع للسكف ودموعي تنزل لو ههــسةة ٲنِـي وزيد ما متعاركين جان ؏ الاقل احجي ويا ويخفف عني
طول هالفترة هـِـَـِو اصلا ما يباوع بوجهي اذا انزل اكعد جوة يكوم يصعد لغرفته لو يطلع احس ڪلبي يوجعني بسببه هيج ؏ـادي عنده
واللّٰـه تعبت حرام عليه ليــش هيج يسوي بيه كلمة وطلعت مِـــنْ حلكي شورطني ٲنِـي ولبست ذاك اللبس شورطني وحجيت هيج ياريت ڪل هذا ما صاير
اندكت الباب كعدت ومسحت دموعي ... تفضل
عشق : حور
حور : هلا عشق تـ؏ـالي تردين شي
عشق : لا بس شفتج شكد بجيتي علمود هدى وكلت اجي يمج بلكي اكدر اخفف عنج
حور : حطيت ايدي ؏ـلىْ وجهي وكمت ابجي ... خواتي اثنينهن طلعن وبقيت ٲنِـي وحدي
عشق : انقهرت ؏ـلىْ حور ودمعت عيونها راحت كعدت يمها وحضنتها ... حور حبيبتي ما يصير هيج تسوين المفروض تتمنيلهن السعادة بحياتهن حنين مِـــنْ زمان تزوجت وشوفيها فرحانة وية زوجها وهدى اخذت اللي تحبه مو زين هيج تبجين
حور : ما اكدر عشق والله ما اكدر ع الاقل مِـــنْ طلعت حنين جانت هدى باقية هنا مِـــنْ اضوج اسولف وياها واشكيلها همومي بَــ؏ــد ويامن احجي ههــسةة احس البيت صار فارغ بطلعتها
عشق : واني وين رحت مو مثل اختج ٲنِـي حور حبابة كافي لا تبجين واللّٰـه راح اتخليني ابجي وياج لخاطري اهدي
حور : وهي تشهك والتعب مبين بوجهها ... تعبانه عشق تعبانه احس نفسي مخنوكة وكارهة الدنيا كلها حتى الدراسة مالي خلكها مالي خلك افتح الكتاب واقرالي كلمة حتى حلمي راح يضيع مني
عشق : نزلت دموعها ؏ـلىْ حالة حور ... حور صاير شي بينج وبين زيد ؟؟
حور : ودموعها ماراضية توكف ... اسألي اخوج لا تسأليني الي اخوج جذاب ما يحبني اكثر مِـــنْ اسبوعين لا يحاجيني ولا يباوع بوجهي كله علمود موضوع تافه
عشق : بس لا علمود الفستان !!!
حور : تبجي وتشهك وكوة تطلع الكلمة منها ... ايـ ـي صيح عليه و ويكلــ ـي تعرضـ ـين بنفسـ ـج واني ما حسيت ؏ـلىْ نفسـ ـي وكتله ما الك حق تحاسبـ ـني لانو ما يربطني اي شي بيك عشق واللّٰـه العظــ ـيم ما جان قصدي مِـــنْ حجيت هيج كليله ما حسيت مِـــنْ كلتها الله عليج كليله عشق واللّٰـه تعبت واللّٰـه ليــش ما يحــ ـس بيه
عشق : صارت تبجي وية حور ... حبيبتي لخاطري كافي لا تبجين واللّٰـه ڪلشي راح ينحل صدكيني زيد يحبج واللّٰـه وراح يرجع يحجي وياج إِنتِــي بس اهدي ما يصير تسوين بنفسج هيج وبعدين الا دراستج حور ان جان زيد او غيرة لا تضيعين حلمج مِـــنْ ايدج وتتندمين بعدين
حور : عشق ابقي يمي الله يخليج
عشق : باقية ؏ـمري ماراح اطلع
حور : خلت راسها بحضن عشق وغمضت عيونها وكل شوي تشهك
عشق : تحجي بكلبها ، اووف يا زيد شمسوي بالبنية انكسر ڪلبي عليها هـِـَـِو هذا الحب شكد يعذب الانسان .. بقت تمسح ؏ـلىْ راس حور الى ان نامت بحضنها باوعتلها اثار الدموع ؏ـلىْ وجهها تنهدت شالت راسها وخلته ؏ المخدة غطتها طفت الضوة سدت الباب وطلعت وية طلعتها صادفت كرار توة صعد مبين عليه ضايج
كرار : باوعلها سألها ؏ـلىْ حور ... جانت تبجي صح ؟
عشق : هزت راسها ... اي خطية واللّٰـه انقهرت عليها
كرار : بَــ؏ــد هذه سنه الحياة شنسوي
عشق : بدون ماتحس كالت ... يمة مستحيل اتزوج وابتعد عن اهلي
كرار : صفن عليها ... يـ؏ـني اذا اتقدملج واحد زين ماراح توافقين عليه ؟
عشق : حست ؏ـلىْ نفسها شحجت وخجلت ... هاا لا مادري
كرار : ابتسم ... نشوف بعدين ... عافها وراح لغرفته
عشق : ضربت كصتها ... غبية وبعدين شنوو قصده نشوف بعدين يربي ههــسةة عفت الدنيا كلها ومالكيت غير كرار احجي كدامه هيج افف مشت مِـــنْ مكانها نزلت جوة راحت تدور ؏ـلىْ زيد ماموجود رجعت صعدت مِـــنْ جديد راحت لغرفته دكت الباب
زيد : منوو ؟
عشق : ٲنِـي عشق
زيد : ادخلي
عشق : فتحت الباب ودخلت وسدتها لكته متمدد ؏ الفراش وحاط ايده ؏ـلىْ عيونه
زيد : شتردين
عشق : حور
زيد : وخر ايده وكعد ... شبيها حور
عشق : يـ؏ـني زيد انت صدك تحجي ؟؟! شمسوي بالبنية حرام عليك
زيد : رفع حاجبه ... وشسويت ٲنِـي ؟
عشق : والقرآن لو تشوف حالتها ههــسةة هــيٰ تبجي وخلتني ابجي وياها حجتلي ڪلشي صار بينكم زيد حرام عليك واللّٰـه خطية هــيٰ ما جانت تقصد اللي كالته
زيد : تقصد او ما تقصد اصلا ٲنِـي خطبتها مِـــنْ ابوها قبل العرس وكال بس تخلص الهوسة يحاجيها بالموضوع
عشق : انصدمت ووسعت عيونها ... شنووووو ؟؟ خطبتها
زيد : اي خطبتها لانو ٲنِـي ما جاي العب وياها
عشق : زيد شبيك ودراستها ؏ الاقل تخلص السادس مو انتو جنتوا متفقين هيج
زيد : غيرت رأيي واذا ؏ـلىْ دراستها شنو راح امنعها مثلا
عشق : انت تدري انو هــيٰ ههــسةة هامله دراستها روح شوف وجهها شلون صاير قبل شوي جنت يمها هلكت مِـــنْ البجي الى ان نامت بحضني واللّٰـه لو سامع الحجي اللي كالته يتكطع كلبك عليها حس بيها شويـة
زيد : عشق حبابة راسي مصدع اطلعي برة وسدي الباب وديربالج تكولين لحور ؏ موضوع الخطوبة
عشق : استغفرك ربي واتوب اليك يـ؏ـني انتو الزلم مِـــنْ صدك مزعجين وشايفين نفسكم ... مشت طلعت مِـــنْ الغرفة وسدت الباب راحت لغرفتها وكعدت تدرس مر الوقت باوعت للساعة بـ8 لبست شالها ونزلت الزلم كاعدين بالصالة راحت للمطبخ لكن ايمان ولمياء يحضرن للعشة
ايمان : حبيبتي عشق ما دام اجيتي فدوة روحي شوفي حور وكليلها خلي تنزل صار العشة
عشق : ماشي خالة ... طلعت مِـــنْ المطبخ وصعدت رحت لغرفة حور فتحت الباب الغرفة ظلمة معناها بعدها نايمة فتحت الضوة وتقربت يمها ... حور حوري
حور : حركت وجهها بأنزعاج ... هممم
عشق : حور حبيبتي يلة كومي صار العشة
حور : فتحت عيونها ورجعت غمضت ... ماريد
عشق : لخاطري اذا تعتبريني مثل اختج كومي تعشي واذا ؏ـلىْ زيد معليج بي لا تباوعيله ولا تهتميله
حور : كعدت ابتسمت لعشق ... انت اختي مو مثل اختي
عشق : ابتسمت ... فديتج يلة كومي غسلي وجهج وصحصحي وتعالي ٲنِـي نازلة
حور : لالا ابقي ننزل سوية
عشق : ماشي يلة كومي
حور : كامت راحت غسلت وجهها وعدلت نفسها لبست شالها ... يلة خلي ننزل
عشق : يلة ... طلعن مِـــنْ الغرفة ونزلن توهم جانوا يكعدون عشق كعدت يم لمياء وحور كعدت بين امها وبين علي بدوا يتعشون
كرار : شلونها اختي الحلوة
حور : باوعتله وابتسمت ... تمام الحمدلله
كرار : غمزلها ... ؏ـيني منو كدج بقيتي انتي وراح تصيرين المدللة شتردين بَــ؏ــد
حور : ضحكت
عادل : حوريتنا شعدنة غيرها مِـــنْ يوم يومها مدللة
علي : حور كاعدة بصفة حضنها وباس راسها ... اخر العنقود هاي الروح والرية
حور : استحت مِـــنْ كلامهم ... هاي شعدكم اليوم
عبدالله : ضحك ... يمعودين استحت عوفوها
حور : خزرته حجت وهي صاكة على سنونها ... عبدددالله
الكل : ههههههههه
حور : رفعت راسها صدفة صارت عينها بعين زيد شافته يباوعلها بسرعة دارت وجهها عنه وسوت نفسها تاكل
عادل : حور بابا مِـــنْ تخلصين عشة عندي حجاية وياج
حور : ان شاءالله بابا ... استغربت شنوو يريد يحجي وياي تعشينه ٲنِـي ما اكلت هواي ما اشتهي هيج بس نقشت خلصنه لمينه الاماعين ٲنِـي رحت سويت جاي صبيته صحت عشق كتلها ... عشق حبابة اخذي الجاي وروحي انطيهم
عشق : ماشي ... اخذته وراحت
حور : ٲنِـي بقيت بالمطبخ شويـة وطلعت رحت كعدت يمها
عشق : ابتسمت ... واخيرا كعدتي يمنه شويـة
حور : شسوي واللّٰـه مليت مِـــنْ الغرفة ... بقينه نسولف شويـة وبابا كال
عادل : حور تـ؏ـالي بابا
حور : اي بابا جاية ... راح ابوها صعد فوك لغرفته صعدت ورا
عادل : ادخلي وسدي الباب
حور : سدت الباب وراحت كعدت يمه
عادل : اسمعيني بابا ماراح الف وادور بالموضوع وبدون مقدمات اكو شخص خطبج مني
حور : انصدمت وكلبها صار يدك سريع ... شش شنو ؟!! ... حاولت تهدي نفسها ... بس بابا ودراستي
عادل : اعرف بابا دراستج ما عليها شي لا تخافين شوفي حبيبتي ٲنِـي وامج كبرنه وما دايمين الكم واخوانج بَــ؏ــد جم يوم كلهم يتزوجون ويلتهون بحياتهم وخواتج اثنينهن تزوجن وراحن يشوفن حياتهن والحمدلله اطمنت عليهن وبقيتي إِنتِــي يا حبيبتي خليني اموت واني مطمن عليج وكلبي مرتاح
حور : اسم الله عليكم بابا الله يطول بعمركم ان شاءالله
عادل : والولد اللي متقدملج ماكو احسن منه اخلاقه زينة وكلها تمدح بي وراح اكون مأمن عليج ويا
حور : توترت ... مــ ـنو هـ ـو ؟؟
عادل : زيد
حور : انصدمت وتسارعت نبضاتها ... زيـ ـد ابن عمـ ـو وليـ ـد ؟!
عادل : اي هـِـَـِو ، اسمعيني حور حبيبتي ٲنِـي ماراح اجبرج بالنهاية هذه حياتج وانتي راح تعيشيها بس صدكيني ما اعتقد راح تلكين واحد احسن مِـــنْ زيد
حور : دنكت راسها وتفرك بيديها ... انطيني وقت افكر
عادل : اخذي راحتج بابا واذا حسيتي نفسج ما مرتاحة ؏ـادي تـ؏ـالي وكولي ما موافقة ولا تستحين مثل ما كتلج هذه حياتج
حور : ان شاءالله بابا عن اذنك ... كمت وطلعت مِـــنْ الغرفة واني مصدومة زيد خطبني !!! ليــش هيج يسوي مو جان اتفاقنه مِـــنْ اخلص السادس ڪل هذا لان كتله ماكو شي رسمي يربطني بيك يجي ويخليني كدام الامر الواقع ويدري بيه ماراح اكدر ارفض ، امشي وكل هاي الافكار براسي ما حسيت غير انضربت بواحد رفعت راسي زيد بقيت اباوعله وهو هم يباوعلي تمنيت احجي واكله ليــش بس ماريد انجرح منه ويذبلي حجي دمعت ؏ـيوني كتله ... اسفة ما انتبهت ... دنكت ردت امشي لزم ايدي بدون ما اباوعله سحبت ايدي منه ورحت بسرعة لغرفتي دخلت وقفلت الباب رحت كعدت ؏ الفراش وابجي ليــش هيج يسوي ؏ الاقل لو كايل لعشق وهي تكلي ولا يخليني كدام الامر الواقع وتعالي غصبا عليج تقبلين ، زيد اللي جنت مِـــنْ اضوج اروح واحجي ويا ويعرف شلوَن يخليني اضحك ههــسةة المن اروح واني ضايجة منه واللّٰـه حرام عليه اندكت الباب صحت منوو