يساكن بالي شكد احبك

البارت التاسع عشر

بوجهي لمن تضحكين راحة ينگلب تعبي ؛

________________

حور : صارلي هواية محاجية موو بلة اشتاقيتولي لو لا😒
مِـــنْ يوم اللي تخربطت علينه حنين وحاجاني زيد بليل،،،،،
واني بس افكر ليـشہ هلكد جان خايف عليه واحنه مجرد اصدقاء لا اكثر ولا اقل ؟؟!!!
معقولة يحبني! لالا مستحيل بس يمكن لان جان متعود عليه احجي ويا الصبح وذاك اليوم ماحاجيته اي اكيد هذا السبب ....
طبعاً اليوم جانت زفة حنين ولحد الان احس نفسي مخنوكة والبيت فاااارغ
وحيل اشتاقيت لحنين شلون راح اتعود ؏ـلىْ فراكها اففف الله يسعدها يارب
اجاني اشعار ؏ الجهاز فتحته رسالة مِـــنْ زيد
زيد : حور راح ادزلج صورة واريد آخذ رأيج بيها
حور : كتله ... تمام ، دزلي الصورة فتحتها تجنن ياا الله شكد احب تصويرة رديت عليه .. عااااشت اييييدك مِـــنْ صدك تجنننن
زيد : شكراً طبعاً صرت ماقتنع بالصورة الا آخذ رأيج بيها
حور : ههههه ليـشہ لهدرجة مهم رأيي
زيد : وكلش مهم هم ، ايي صدك بَــ؏ــد شهر ونص للدوام هم جاي تقرين للسادس لو مسخته
حور : حباب زيد لتذكرني كلش خايفة مِـــنْ السادس
زيد : سبحان الله إِنتِــي نسخة عشق الثانية كلما اسألها وكلتلي خايفة اريد اعرف شنو اليخوف اعتبري صف مثل باقي الصفوف ولا تفكرين انو هو بكالوريا ومدري شنو بس فكري وكولي انو ٲنِـي راح اجيب معدل عالي إِنتِــي بس اذا تقرين زين وتشدين حيلج كلشي يصير سهل عليج صدكيني
حور : شكد حلو كلامة طاقة ايجابية كتله ... والله ٲنِـي جاي اقرة هالفترة كلها بس عندي الرياضيات والاحياء اخاف منهن
زيد : اي شي تحتاجي ٲنِـي موجود بس اسأليني ولا تستحين حتى لو اسجلج فويز واشرحلج اعتبريني مدرس خصوصي
حور : هههههه ماشي ، وشكراً هوووووواية
زيد : مابينه شكر يا دكتورة المستقبل
حور : آمين الله يسمع منك .... بقينه نتراسل شوي وبعدين لفيت راسي ونمت باجر اكعد مِـــنْ الصبح نروح لبيت اهل محمد دقايق ورحت بسااابع نوومة

زهراء : هالفترة كلهاااا ٲنِـي حيل جنت فرحااانة يمكن هاي احلى ايام لان عرس اخوي واحساس حلوو مِـــنْ تكونين اخت العريس هيبة هههههه
هواية تونست بالعرس وركصت الى ان تكسرت رجلية بحيث هســهہ يوجعني مووت وحتى ظهري هم نفس الحالة ، صح العرس حلوو بس تعب مو طبيعي بحيث احنه هاي العشر ايام نركض ركض بين التجهيزات والشغل والبيت يبووو دووخة واخيراً اليوم راح انام مرتاحة .....
اووو نسيت اسولفلكم عن (علي) طبعاً بيوم الحنه هو اللي رجعنة للبيت واكيد نظراتة تلاحكني وين ماروح بالسيارة الطريق كله عيونه عليه ما شالها واني ميته مِـــنْ الخجل بس اريده يرفع عيونه اول ماوصلنه للبيت مالتهم نزلت مِـــنْ السيارة وشردت دخلت جوة بس اريد اخلص
وحاولت ما اتحرك مِـــنْ مكان الحفلة حتى لا اشوفه ولا يشوفني والحمدلله ماشافني وجنت مكيفة راح نرجع للبيت بس مع الاسف اهل حنين اقترحوا علينه نبقى يمهم الى ان تخلص حنة الولد ومن تخلص يجون محمد وبابا ياخذونه للبيت هنا ايست كلت اكيد راح ارجع اشوفه بس بنفس الوقت
فرحت لان راح تصير جمعت بنات وسوالف وهيج يـ؏ـني
جنت جايبه وياية بنطرون وقميص لنص الفخذ صعدت حتى ابدل فستاني
لان حيل تعبت وجنت حاطة شال ؏ـلىْ راسي خاف كلشي يصير ويشوفني واحد مِـــنْ اخوان حنين ...
طبعاً جانن اكو ٦ غرف تيهت غرف البنات وين لان صايرات غرفة بصف غرفة والبيبان كلهن نفس الشكل واللون شهالدوخة يربي شسوي هســهہ والبنات كلهن جوة بعدهن المن اسأل ظليت واكفة سمعت صوت رجلين ؏ الدرج لبست شالي عدل خاف يطلع رجال التفتت واكيد يعني حظي السخيف مرافقني وين ماروح طلع علي كلي
علي : زهراء ؟ خير محتاجة شي
زهراء : انصدمت منين يعرف اسمي معقولة سامع احد يصيحني استحيت وارتبكت دنكت راسي وكتله ... اسفة بس ماندل غرف البنات وين وماعرفت اي غرفة ادخل
علي : ابتسم ... ذنيج ال ٣ الاخيرات مال البنات ادخلي بأي وحدة تردين
زهراء : غرفة هدى ياهي؟
علي : ذيج آخر وحدة
زهراء : شكراً ... كتله هيج وشردت رحت للغرفة يمة گـلـبـي ليـشہ مِـــنْ اشوفة هيج يصير بيه ٲنِـي اللي اعرفه حسب الروايات اللي تحس هيج ويصير بيها هيج معناهة هي بدت تحب هذا الشخص يـ؏ـني شنوو معقولة احبه لالالا مستحييييل لالا احساس ؏ـادي مو حب هذا اي اكيد ، ضربت راسي بأيدي اوو كافي راسي صدع خلي ابدل بسرعة احسن رحت بدلت هدومي حطيت فستاني بالعلاكة رتبت نفسي ولبست شالي ونزلت جوة يم البنات ، الشباب كلهم راحوا للحنة واحنه تعشينه وكعدنه نلعب ونسولف ونضحك الى ان خلصت حنة الشباب واجوا وهم يركصون اللي يشوفهم يكول ولا عبالك صارلهم ساعات يركصون وعدهم حفلة
دنكت راسي واني اشوف علي يباوعلي ورجع گـلـبـي يدك سريع اووف ياربي راح ابجي ليـشہ هيج يباوعلي بس اريد اطلع مِـــنْ بيتهم مِـــنْ ورا نظراته ركصوا وخلصوا دقايق ومحمد كال يلا واخيرراً راح اشرد سلمنه وطلعنه وصلنه للبيت رحت لغرفتي بدلت وغسلت ونمت افيييش شكد احب فراشي غمضت ؏ـيني واجه ؏ـلىْ بالي علي ظليت افكر بي الى ان نمت...
وهسة هم راح أنــآم لان اليوم جانت الزفة والحمدلله مصار اي موقف بيني وبين علي اما نظراته ف هاي مشكلة ما اخلص منها وباجر وراي كعدة مِـــنْ غبشة الله والهوسة باجر بس الله يعلم بيها ثواني ونمت مِـــنْ التعب