يساكن بالي شكد احبك

البارت الرابع عشر

ما چــان أحد كادرلي بس ؏ـيونه؛❤️

_______________

حنين : طبيت للبيت تلكوني بالهلاهل والجكليت صعدني البنات للغرفة نزعت البرنص اففف احتريت اجن ماما وعمتي ام محمد يباركلي حضنت ماما وطكيتها بجية بس فكرة انوو راح ابتعد عنهم مادري شتسوي بيه شلون راح اعوفهم باجر مادري ظليت حاضنتهاا وابجي وعمتي والبنات يهدن بينه وخرت عنها وبست راسها وبعدين حضنت عمتي وباركتلي طبعاً عمتي يـ؏ـني ٲنِـي احسد روحي لان حصلت هيج عمة ؏ـلىْ طيبة كلبها وحيل فرحانة بيه والفرحة كلش مبينه بعيونها نزلن ماما وعمتي اجتني سماء عدلتلي المكياج نزلت والبنات وراي والهلاهل طرشت اذني ههههه كعدت ؏ الكوشة وبدة الركص حور وسماء وزهراء خوو زهراء مدري شنازل عليها اليوم اماا هدى بس واكفة وتصفك راحت عليها حور جرتها وخلتها تركص وياهن لعبن لعب بعدين اجن عليه جرني وهم كمت اركص وياهن خلني بالنص وهن داير مدايري وحدة لازمة ايد الثانية ويركصن بعدين رحت بدلت لبست هذا الفستان

ورجعت كعدت ؏ الكوشة شوية وسمعت عمتي تصيح البسن شالات راح يدخل العريس حتى يحني العروس ابتسمت معناها صدك سواها واجه دخل وامه وخواته تلكنة بالهلاهل ويهوسله ويكولن اسمر ويخبل كل القوط تلوك اعليه طبعاً عطرة سبقة ووصل يمي قبله غمضت ؏ـيوني واني اتنفس عطرة گـلـبـي زادت دكاته احسه يريد يطلع ويركض لمحمد رفعت راسي اجت ؏ـيني بعينه ضحك ضحكة اوف يمة خذت گـلـبـي وصل يمي باس راسي وكعد يمي واكيد حركته المعتاده اخذ ايدي بأيده وظل لازمها احسه مايرتاح اذا مايلزم ايدي تقرب عليه وهمس يم اذني
محمد : اكدر اسألج سؤال؟
حنين : استغربت كتله ... اي اكيد تفضل!!
محمد : شلون اصبر لباجر واتحمل كل هذا الجمال الكاعد يمي
حنين : حسيت وجهي انكلب احمر ابتسمت ودنكت راسي
محمد : والله إِنتِــي متعمده هيج تشلعين گـلـبـي بس يلة باجر جاي والله كريم الا اطلع حركة گـلـبـي كلها بيج
حنين : خفت مِـــنْ حجيه وكلبي حسيته كسر القفص الصدري مالتي مِـــنْ قوة دكاته ماحجيت شي ظليت مدنكة راسي شوية وكمنة وكفنه اجن يمنه البنات وماما وعمتي ، عمتي وكفت يم محمد انطته الحنة هو شال بأصبعه واني فتحت ايدي حناني وهو يباوعلي ويبتسم رديتله الابتسامة واني خجلانة بعدين ٲنِـي شسويت جريت ايده وشلت حنة بأصبعي وكتبت اسمي ؏ـلىْ ايده وهوو يباوع وعاقد حواجبه ومبتسم خلصت رفعت راسي وباوعتله واني اضحك
محمد : مستعد ادمر روحي حنة مِـــنْ فوك لجوة بس حتى اشوف هاي الضحكة
حنين : ابتسمت
محمد : اني هم اريدج تكتبين اسمي على ايدج
حنين : والله بس تخلص الحفلة اكتبه لان اذا اكتبه بأصبعي مراح يطلع حلوو
محمد : ابتسم ... احبج
حنين : دنكت راسي وكتله ٲنِـي هم ..... بعدين صورنه وركصنه سوة وهم ركصنه وي البنات كافي عليه اشوف ضحكة محمد وماما وعمتي والبنات هذا الشي وحدة يخليني فرحانة رجعنة كعدنه ؏ الكوشة ومحمد بس يتغزل بيه واني الخجل موتني وهوو ولا عبالك منطلق بالحجي اصلا شوية وباس راسي وطلع ، فستاني تدمر حنة شوية اففف موو وكتة هســهہ شلون اريد وحدة مِـــنْ البنات تجي وياي اروح ابدل وهن موو يمي ملتهيات بالركص شفت آية بنت عموو فاضل واكفة قريبه عليه شوية صحتهاا
اية : هاا حنوو
حنين : حبيبتي بس فستاني شوية تدمر حنة تـ؏ـالي وياي ساعديني حتى ابدل
اية : ماشي ؏ـمري يلة كومي
حنين : كمت صعدت لغرفتي والبنات بعدهن يركصن وآية تمشي وراي ... ايوو بس طلعيلي البدلة البيضة مِـــنْ الكنتور
آية : ماشي حبي ... رحت فتحت الكنتور ماهي البدلة ... حنين ماهي البدلة
حنين : اووف يمكن بقت بغرفة حور فـدوﯢهہ روحي جيبيها
اية : اوك عمري بس وين غرفة حور؟؟
حنين : هي بصف غرفتي
آية : طلعت من الغرفة وردت اروح لغرفة حور وصفنت يربي شلون حيرة هاي هسة اني شلوون اعرف يا هي غرفة حور هي حنين بس كالتلي بصف غرفتي واكو غرفتين وحدة ع اليمنى ووحدة ع اليسرى كلت خلي ادخل للي ع اليسرى والله كريم رحت دخلت ماكو احد بالغرفة بس ممبين عليها غرفة حور ماهتميت رحت ع الكنتور فتحته حتى اطلع البدلة وانصدمت كله ملابس مال ولد يربي اني شجابني هناا ردت اسد الكنتور واطلع وماحسيت غير صوت وراي
عبدالله : منوو انتي وشعندج هناا؟؟
آية : لوو تذبحوني هسة مراح تلكون قطرة دم وحدة بيه من الخوف يرربي شهالموقف هذا
عبدالله : جاي احجي وياج شنوو ماتسمعين شعندج هنا
آية : حسيته عصب المشكلة ٲنِـي مِـــنْ زمان ماجاية لبيت عموو عادل ومشايفة ولده صارلي هواية التفتت واني ارجف ومدنكة راسي وافرك بيدي رجلية بَــ؏ــد ماحس بيهن اريد اطلع مِـــنْ الغرفة ماكدر واني مالابسة حجاب ولا ساترة نفسي والنبي اذا يدري كيان يموتني
عبدالله : منووو انتي؟؟؟؟
آية : رفعت راسي واجت عيني بعينه تيار كهرباء وسرة بجسمي اباوعله مالابس تيشيرت وشعره مبلل ولاف خصره بمنشفة وبيده هم لازم منشفة يمكن جان ينشف بيها شعره احس روحي اختنكت من الخجل وحتى عركت وبدون ماحجي اي شي درت وجهي وركضت وطلعت واني شايله فستاني زين ما انلطشت على وجهي بسرعة رحت دخلت للغرفة اللي ع اليمنى ودخلت وسديت الباب وحطيت ايدي على كلبي وكوة اجر النفس ياا الله تأخرت على حنين شلون نسيت ركضت ع الكنتور طلعت البدله ورحت اركض دخلت لغرفه حنين
حنين : وين صرتي شوو تأخرتي وشبيج ليش لونج مخطوف هيج
آية : يربي هسة شنو اكللها ... ه هااا لا ماكو شي بس واني جاي ادخل للغرفة فستاني شكل بالباب وعلما طلعته ف علمود هيج  تأخرت
حنين : اهاا المهم يلة حبابة تعالي ساعديني
آية : رحت ساعدتها ولبست البدله عدلتلها شعرهاا ومكياجها واني هم عدلت مكياجي وقبل مانطلع كلتلها .. حنين عادي اسألج سؤال
حنين : اكيد تفضلي
آية : الغرفة اللي صايرة ع اليسرى مال منوو؟؟!
حنين : مال عبدالله ليش؟؟؟
آية : عزززة هسة الا عبدالله ... ه ههاا ل لاا بس هيج اسأل لان لمن ردت اروح اجيب البدلة ظليت حايرة ياا غرفة ارووح ههه
حنين : ياا ههههههه اسفة والله اني هم نسيت اكلج
آية : ههههه عادي عمرري يلة تأخرنة خلي ننزل
حنين : اي والله تأخرنه يلة ... نزلنه اني شايلة بدلتي من كدام وآية شايلتها من ورة وهم علت الهلاهل كعدت ع الكوشة وبعدين سوولي جلوة وزهراء وحور وآية وكم وحدة من بنات عماتي لازمات الطرحة اللي فوكاي سماء مالزمتها لان متزوجة وهدى لان خطبها كيان يـ؏ـني بس الممتزوجات يلزمنها حتى يتزوجن ههههههه
خلصت الجلوة بعدين ركصنه شوية وخلصت الحفلة بدت الناس تروح بقن بس عماتي وبناتهم وخالاتي يـ؏ـني الاقارب راح يباتون عدنه وين راح ينامون مادري انترس البيت هههههههه طبعاً هســهہ الساعة ب6 ونص وب8 تبدي الحنة مال الولد راح يسووها بالقاعة واهل محمد راح يبقون يمنه الى ان تخلص الحنة مال الولد ويجي محمد ياخذهم المهم صعدت لغرفتي ما شاءالله البنات كلها مجتمعة بيها وكلها تحجي رحت فتحت كنتوري اخذت بجامه برمودا ودخلت للحمام فتحت تسريحتي ومسحت مكياجي يمة هســهہ يلة ارتاحيت سبحت وطلعت لكيت البنات نازلات جوة يمكن راحن يتعشن خطية تعبن مشطت شعري وعفته مفتوح ومبلل ، جسمي احسه مكسر خوو رجليه ماحس بيهن مِـــنْ الركص ومن الكعب شمرت نفسي ؏ـلىْ فراشي وغمضت ؏ـيوني اوف يمة متت اخذت جهازي لكيت محمد متصل عليه 5 مرات كمزت وعدلت كعدتي واتصلت عليه ...
محمد : هلوو حبيبي
حنين : هلوو محمد ، هاا متصل عليه 5 مرات شعندك ... احجي ويا بطفولية
محمد : لان اشتاقيتلج اي بلة شوكت خلصت الحفلة
حنين : هيج قبل نص ساعة تقريباً واني توني طلعت مِـــنْ الحمام ميته تعب والله احس جسمي مكسر
محمد : الله يساعدج ، تعشيتي لو بعدج؟
حنين : لا والله بعدني مِـــنْ الصبح لسه مماكلة شي بس ؏ الريوك
محمد : ليـشہ هالاهمال يلة بسرعة روحي للمطبخ وتعشي واكلي زين
حنين : والله ما اشتهي شوية بَــ؏ــد عود آكل
محمد : لاا يكلبي ماكوو بَــ؏ــد شوية هســهہ تكومين تاكلين يلة يلة
حنين : بزعل ... اففف ماشي هســهہ انزل
محمد : اريدج تصيرين دبدوبة
حنين : ياا والله لعد مراح آكل
محمد : موو بكيفج حبيبتي شوية خلي يكبرن خدودج حتى ابقى اعضعض بيهن
حنين : رجعت نبضات گـلـبـي السريعة وبده محمد يتجرء بكلامة خجلت وكتله ... محمدددد كافي واذا حضرتك تريد تعضعض بيهن لعد بسيطة الا اسوي رجيم وكلشي ما آكل حتى فد نوب اوخرهن شوفهن هنة هســهہ وهنا بالبيت بس يكرصون بيهن النوب اكبرهن مستحييل
محمد : اي دسوي رجيم وشوفي علمود تحصلين خوش كتله
حنين : سويت روحي زعلانه وكتله بدلع ... هاا يـ؏ـني تمد ايدك عليه ؟؟!!
محمد : تنكسر قبل ما امدها عليج
حنين : عصبت ... محمممدد لاا تكول هيج مدها عليه ولاا تن.... ماكملت كلامي قاطعني
محمد : احبج
حنين : خجلت مادري مِـــنْ يتغزل بيه تنكلب احوالي اريد اكله احبك بس استحي
محمد : ههههههههه فديت اللي يخجلون يلة ؏ـمري ٲنِـي رايح احضر روحي حتى ما اتأخر
حنين : محمد
محمد : عيوني
حنين : بخجل ... احبك
محمد : ابتسم ... اموت عليج بس باجر اريدج تحطين عيونج بعيوني وتكوليها وبصوت عالي هم
حنين : اممم افكر
محمد : لالا يكلبي ماكوو تفكير ٲنِـي جاي اامرج مجاي اطلب منج
حنين : بغيض ... روح حضر نفسك حتى ما تتأخر ومن ترجع عود نتفاهم
محمد : ههههه ماشي يلة حبيبتي مع السلامة
حنين : مع السلامة ... سديت التلفون واني ابتسم تنهدت احبه يارب احفظليا ولا تحرمني منه نزلت جوة دخلت للمطبخ جاي يحضرون بالعشة كمت اساعدهم شوية وصار العشة فرشنه السفرة ونقلنه الاكل كعدنه ناكل واني اباوع بالوجوه حور وماما وهدى شلون راح افاركهم مادري دمعت ؏ـيوني نزلت راسي حتى محد يشوفني ماريد اضوجهم كوة لزمت دموعي خلصنه لمينه السفرة ردت اغسل المواعين ماخلني البنات يكللي إِنتِــي عروس مايصير تشتغلين ٲنِـي رحت صعدت لغرفتي كعدت ؏ـلىْ فراشي حضنت رجليه وكمت ابجي بطلت ماريد اتزوج ماكدر اعوف اهلي بابا وماما حور وهدى علي كرار وعبدالله شلون راح افاركهم وكلما اتذكر ذكرياتنه القديمة دموعي تزيد ماكدر افاركهم والله هدئت شوية رحت غسلت وجهي ورجعت نزلت لكيت الكل كاعد بالصالة سوالف وضحك رحت يمهم بعدين كعدنه احنه البنات نلعب اونو ونسولف ونضحك كالت آية ...
آية : حرامات ماراح اكدر اكمل السهرة وياجن بنات
حنين : استغربت ... ليـشہ؟؟
آية : كيان مايقبل ابقى هنا مِـــنْ تخلص الحنة راح يجي ياخذنا
حنين : مو بكيفة والله عود مِـــنْ يجي كليله البنات كلهن هنا واريد ابقى يمهن
آية : والله حاولت ولحيت عليه بس ماكوو قافل ميقبل
حنين : ماكوو غير حل واحد
الكل : شنوو هو
حنين : تحاول تخفي ابتسامتها ... مِـــنْ يجي نخلي هدى هي اللي تحجي ويا وتقنعه وهو اكيد راح يقتنع ويقبل
هدى : بصدمة ... شنوووووو !!!!
آية : حبابة هدى احجي ويا مِـــنْ يجي وكليله والله اريد ابقى يمجن صارلي هواية مجايتكم وهوو اكيد راح يقبل لان يحبج
البنات : اي هدى قنعي قنعي
هدى : استغفر الله حنين صايرة خبيثة كلششش فشلتني وي البنية وراح تخليني احجي وياا كوة صح ٲنِـي اريد آية تبقى يمنه بس اخاف مِـــنْ كيان وخصوصاً بهيج مواضيع هوو حاسم قرارها وقافل بس شسوي انقهرت ؏ـلىْ آية وراح احاول لخاطرها يا الله كيان كون امووووته كتلهن ... ماشي عود مِـــنْ يجي الله كريم
آية : بفرح ... ياااااي فدييييتج احلى زوجة اخوو والله
هدى : خجلت مِـــنْ كلمتها وبنفس الوقت ضجت واني اتذكر انوو راح اصير زوجة كيان افففف