يساكن بالي شكد احبك

البارت الثالث والعشرون

• باچر من تجيني تگلي خلي نعود
• الكلام بحلگي كله يصير ميخالف ،💕'
_____________________

الساعة 8 الا ربع بليل
هدى : بلغت اهلي انو كيان راح يجي واني رتبت الاستقبال ، كلما يقترب الوقت اكثر گـلـبـي يصير يدك اكثر ماعرف ليــش خايفة شنوو ردة فعله شراح يڪول شراح يسوي بالتلفون جان هادئ وماكال شي ياربي سهل عليه وخلصني منه ماريدة واللّٰـه ماريده خلاص ٲنِـي تعبت وصبري خلص ويا كلما اكول ههــسةة يستعدل ويتعامل وياي زين يدمرني اكثر واكثر ...
رتبت نفسها هدى وحطت شال ؏ـلىْ راسها اخذت تلفونها وياها ونزلت ، حور جانت بغرفتها وامها هم بغرفتها متمددة ابوها واخوانها طالعين ظلت كاعدة منتظرة كيان صارت الساعة 8 وشوية دك تلفونها كيان تسارعت نبضاتها ردت ..
هدى : بتوتر .. الوو
كيان : افتحيلي الباب
هدى : مم ماشي .... سدت تلفونها كامت وهي تاخذ نفس تحاول تهدي نفسها خايفة حيييل وكلبها مايقبل يهدى وحتى بطنها صارت توجعها مِـــنْ التوتر وكفت كبال الباب غمضت عيونها جرت نفس فتحتها والتقت عيونها بعيون كيان دنكت بسرعة
هدى : تت احم تفضل .. دخل كيان بدون مايكول اي شي فتحتله باب الاستقبال دخلته وسدت الباب .. اخذ راحتك دقايق ووو واجيك ، راحت للمطبخ انتجت ؏ الكاونتر تهدي نفسها وتحاول ماتخاف منه مر عليها اخر شي صار بينها وبين كيان دمعت عيونها لازم انهي ڪلشي شربت شويـة مي وجابت صينية حطت بيها عصير ومي وكيك وراحت لكيان دخلت شافته يلعب بجهازة حطت الصينية كدامه 
هدى : تحجي بتوتر وماتباوع على كيان ... شش شنوو الموضوع اللي تريد تحجي بي ؟
كيان : جر نفس وهو يڪول ... قبل سنين جنت اجي ڪل يوم هنا واكضي النهار كله يمكم وكله علمود منو ؟؟ علمودج علمود اشوفج واشبع مِـــنْ شوفتج جنتي إِنتِــي وحور بعدكم اطفال حور كدرت اعتبرها اختي وماكدرت احس بأي شي ثاني ماجنت اشوفها الا اخت بالنسبه الي حالها حال آية وانتي شكد ماحاولت اشوفج اخت ماكدرت جنت احاجي نفسي واكول كيان هاي مثل اختك شيل هاي الافكار مِـــنْ راسك البنية بعدها طفلة شلون تكدر تحبها !! شكد ما احاول ماكدر اول ماجنت ادك الباب تجين إِنتِــي وحور تركضون عليه واشيلكم واطلعكم واشتريلكم والعبكم شفت نفسي ڪل يوم اتعلق بيج اكثر مِـــنْ القبلة خفت عليج مِـــنْ نفسي ف قررت التهي بدراستي واقلل مِـــنْ جياتي الكم باليوم اللي ماجنت اجي احس روحي مخنوك بس جنت اجبر نفسي وابقى بالبيت غصباً عليه حتى انساج وما افكر بيج واشيلج مِـــنْ راسي مِـــنْ ذيج الفترة كطعت وصرت ما اجيكم بس آية جانت هــيٰ تجيكم واني اكعد اسألها عنج وعن حور هم حتى ما ابين الها شي ، الى ان فد يوم عمي خابرني وكلي اجي لبيتكم ماكدرت ارفض اجيت جنت اتمنى اشوفج وبنفس الوقت جنت اتمنى ماشوفج لان اعرف إِنتِــي كبرتي اكثر ف اذا شفتج بهاللحظة ما راح اكدر ابتعد عنج كعدنه نسولف ٲنِـي وابوج وصاحج هـِـَـِو كلج جيبي مي ٲنِـي بكلبي كلت لالا عمي مو وكتك ودخلتي إِنتِــي وسلمتي ماعرف شصار بروحي ذيج اللحظة عفتج وانتي طفلة صغيرة ورجعتلج وانتي صايرة مرة نبضات گـلـبـي زادت مشاعري تخربطت على كد ما جنت لازم مشاعري بس مِـــنْ شفتج كلشي تخربط بيه وذاك اليوم هو اللي اثبتلي انو ٲنِـي مو بس احبج انما عاشقج مع انو سنين ٲنِـي ماشايفج ولا سامع صوتج ،
اول مارجعت للبيت كلت لابوي وامي إِنتِــي محجوزة الي بدون اي مقدمات وهم قبلوا وحاجوا اهلج بهذا الشي واهلج وافقوا بس إِنتِــي ماجنتي تدرين عن هذا الشي .. بذيج اللحظة مامصدك انو إِنتِــي خلص الي ومحد يكدر ياخذج مني وهم ٲنِـي اللي ماقبلت يكولون الج عن هذا الموضوع لان ماردت شي يشغلج عن دراستج ..
وهم كطعت وبعد ماجيتكم التهيت بشغلي كضابط بس ٲنِـي الغبي اللي ماعرفت اخليج تحبيني وتصرفاتي وياج كلها غلط بغلط حسستج انو ٲنِـي اكرهج مو احبج ثبتتلج انو حجي الكل غلط وهو جان صح اذيتج ضربتج سمعتج حجي مو حلو بس شِــ‏كدّ ما إِنتِــي جنتي تتعذبين بسببي ٲنِـي جنت اتعذب اضعاف واضعاف جنت احس گـلـبـي ينشلع مِـــنْ اشوفج تبجين بسببي ٲنِـي نفسي ماعرف ليــش جنت اسوي هيج بس جانت الغيرة عاميتني طغت ؏ـلىْ حبي
وشغلي هم سبب بتصرفاتي وعصبيتي وخلاني اكره اللسان الطويل مِـــنْ شفتج بعقد حنين وشفت لبسج بدل ما اجيج واكلج مشتاقلج ضربتج وصيحت عليج وخربت عليج فرحتج وخليتج تكرهيني اكثر ..
هدى ڪل اللي اريده منج تنطيني فرصة وحدة بس حتى اعدل اللي سويته واعوضج واللّٰـه العظيم راح اعوضج هدى ٲنِـي احبج مو بس احبج هدى ٲنِـي اعشقج واللّٰـه ماتحمل واحد غيري يباوعلج لو يحجي وياج ماعرف شيصير بيه اتخبل انكلب اصير وحش بس انطيني فرصة وحدة وعد مني الج اذا اذيتج بكلمة وحدة ذيج الساعة الج حق تعوفيني وكلشي تردي راح اسوي وراح ابتعد عنج واني ساكت بس انطيني فرصة ماريد اضيعج مِـــنْ ايدي واللّٰـه ندمان ؏ـلىْ ڪلشي سويته بيج ٲنِـي واحد غبي اعرف هذا الشي بس سامحيني لخاطر ايام الطفولة اللي كضيناها سوة
هدى : ظل يحجي ابد ماقاطعته اسمع كلامة ودموعي تنزل وية ڪل حرف يحجي اذا هـِـَـِو هيج يحبني وين جان حبه ليــش عذبني وسوة بيه هيج اخاف اسامحه وانطي فرصة ويرجع يسوي بيه اكثر مِـــنْ هذا واللّٰـه اخاف منه ماعرفه شنوو بس بنفس الوقت تحركت مشاعر بداخلي تجاهة بسبب نظراته الي نظرات كلها حب وندم واضحة وضوح الشمس لساني انربط ماعرفت احجي شي بس اباوعله ودموعي تنزل ، كام مِـــنْ مكانه وكعد كدامي ؏ الارض ولزم ايدي وعيونه بعيوني
كيان : احجي شي هدى لا تظلين ساكته ريحيني كليلي راح انطيك فرصة واللّٰـه العظيم راح اعوضج هدى ٲنِـي اعرفج اكثر مِـــنْ نفسي ادري بيج خايفة مني خاف اضربج مِـــنْ جديد لو اخلف بوعدي الج بس واللّٰـه والاسمة الله اي كلمة مو حلوة ماراح تسمعين مني ، ٲنِـي ماجاي اكلج حبيني غصبا عنج بس انطيني هالفرصة وراح اخليج تحبيني بكد ما ٲنِـي احبج بس فرصة هدى بس فرصة
هدى : دموعي تجري ولا اكدر احجي شي نظراته كلامه لمسة ايده خربطن ڪل مشاعري ٲنِـي اللي جنت ناوية اكله ماريدك وماريد اعيش وياك بس بسبب كلامه انربط لساني وشي بداخلي يكلي وين راح تلكين هيج شخص يحبج وصارله ساعة يتوسل بيج ومايريد يخسرج شي بداخلي يكلي انطي فرصة هدى هـِـَـِو ندمان وراح يعوضج ظليت اباوع بعيونه كتله بصوت يرجف ... ااا ان انطيني و وقت افكر
كيان : فكري هدى بس انطيني الجواب ههــسةة واني يمج ماكدر اصبر اريد اطلع منا واني مرتاح ماريد ابتعد وترجعلج المواقف اللي صارت بينه وترفضين ، حطي عيونج بعيوني وشوفيها شنو تڪول اذا جنت صادق ف راح يبين بعيوني واذا جنت جذاب ف هم راح يبين
هدى : فكرت لو طلبت مِـــنْ كيان هـِـَـِو اللي يفسخ الخطوبة راح تصير مشاكل بين بابا وعمو بسببي لان الكل يعرف انو كيان صارله سنين يريدني شلوَن بيوم وليلة يجي ويكلهم ماريدها ، اباوع لكيان شلوَن كاعد ؏ الارض ولازم ايدي ويتوسل ماهمة لا كبرياء ولا كرامة لاول مرة احس بحبه وين كيان اللي جنت اعرفه ذاك العصبي اللي بس يصيح وهذا كيان اللي ههــسةة كاعد يمي حسيته مثل الطفل واللّٰـه
كيان : هاا هدى شكلتي !!!!!
هدى : نزلت راسي احاول اهدي نفسي مسحت دموعي جريت نفس باوعتله وكتله .... مم موافقة
كيان : هنا حس انو ماي بارد نزل ؏ـلىْ كلبه ... صدك هدى ؟؟؟
هدى : بس كيان الله يخليك لا تأذيني بَــ؏ــد لان واللّٰـه تعبت
لا تخلف بوعدك الي لان اذا خلفت واللّٰـه العظيم ثانية ما ابقى وياك .... ماحسيت الا واحد وكف وجرني لحضنه حضني بكل قوته حسيت ضلوعي رادت تتكسر
كيان : يحس الدنيا مو سايعته مِـــنْ الفرحة ... مو رجال اذا ماوفيت بوعدي الج احبج هدى يشهد الله عليه احبج مِـــنْ اليوم ماراح تشوفين مني بس الكلام الحلوو والافعال اللي تفرحج واسف ؏ـلىْ ڪل مرة اذيتج بيها اذا جان قول او فعل
هدى : ابتسمت وكتله بخجل ... زين ترة خنكتني ؏ـلىْ كيفك يـ؏ـني
كيان : ابتسم وابتعد عنها وهو يباوعلها
هدى : كيان بس ؏ـادي اطلب منك طلب ؟
كيان : ؏ـيوني الج
هدى : ؏ـادي بس نأجل العقد شويـة واللّٰـه ماراح الحك اجهز شي
كيان : ابتسملها ... اللي تردي يصير واني ماريدج تتعبين نفسج وشوكت ما تحسين نفسج جاهزة بس كليلي واني حاضر بأي وقت
هدى : ابتسمتله بخجل ... شڪراً
كيان : لالا ماريد اسمع هاي الكلمة مرة ثانية وعدتج اعوضج عن ڪلشي ف لا تشكريني
هدى : دنكت ... ان شاءالله
كيان : هدى
هدى : باوعتله .. همم
كيان : اللي اريده منج انوو ماتخافين مني واي شي تحتاجي بس اتصلي عليه حتى لوو بنص الليل ، واي شي يصير وياج كليلي لا تضمين عليه شي واني ماراح اضم عليج شي متفقين؟
هدى : احم ماشي
كيان : يلة ٲنِـي رايح
هدى : بب بَــ؏ــد وكت انتظر ههــسةة راح يجي بابا واخواني خلي يسلمون عليك
كيان : غير مرة عندي شغل ههــسةة ان شاءالله امر عليكم فد يوم
هدى : براحتك
كيان : يلة ديربالج على نفسج ومثل ما اتفقنا اي شي تحتاجي بس اتصلي
هدى : ان شاءالله ... وصلته للباب ابتسملي وراح سديت الباب ودخلت .. يمكن اذا اكلكم متصدكون بس اتمنيت مايروح لانو اول مرة احس بحبه واشوفه بعيونه اول مرة اتمنى يبقى يمي ونكعد نسولف اول مرة اشوف هذا كيان وين جان ووين صار الله يهدي ويبقى دوم هيج صعدت لغرفتي تمددت ؏ـلىْ فراشي واني داخلة بدوامة افكااار ...