يساكن بالي شكد احبك

البارت السادس

قالت: أُحب النحو ، قلتُ لها أعربي
أضحى غرامي في الضميرِ الغائبِ

قالت : فأضحى فِعلُ ماضٍ ناسخٍ
نسَخ الغرامَ فقلتُ لا..لا..تهربي

ضُمِّي غرامي فإنَّ موقعُه كذا
لاتكسري بالجرِّ قلب المتعبِ

إنَّ المضافَ إذا أُضيفَ لِمن هوى
حُكمُ الاضافةِ واجبٌ لاتعجبي ..

.............................

حنين : كعدت الصبح الساعة ب8 ونص راسي يوجعني لان البارحة بجيت كمت مِـــنْ الفراش رحت غسلت وجهي وفرشت سنوني بعدين مشطت شعري ورتبته رحت فتحت تلفوني كلبت بي ماكو شي حطيته ؏ـلىْ الشحن ونزلت جوة لكيت ماما كاعدة .... صباح الخير
ايمان : صباح النور هلا حبيبتي
حنين : تريكتي لو بعدج
ايمان : اي ماما قبل شوية تريكت
حنين : ماشي لعد اروح اتريك وهاا ماما الساعة ب10 يجيني محمد علمود نروح نشتري الحلقات والذهب
ايمان : ماشي حبيبتي
حنين : رحت تريكت وخلصت صارت الساعة ب9 وربع كعدن حور وهدى نادرات صارلهن فترة يكعدن مِـــنْ وكت ههههه كمت صعدت للغرفة احضر نفسي ماظل شي ويجي محمد طبعاً اني شكد غبية نسيت من البارحة احضر شي البسه وهسة راح اظل حايرة اففف بعدين قررت البس قميص لحد الركبة وبنطرون نسقت وياهن شال وحذاء رياضي طلعت جنطة خليت بيها اشياءاتي اللي اريدها
لبست وخلصت حطيت كحلة ومسكارا مع انو ؏ـيوني كبار بس كبرن بَــ؏ــد وصارن احلى حطيت حمرة خفيفة طلعت حلوة ههههه اخذت تليفوني وجنطتي ونزلت جوة
هدى : اي ؏ـيني اي راح يجي حبيب الكلب
حور : ايي هداوي مِـــنْ لكة احبابه نسى اصحابة
هدى : اي والله
حنين : حبيباتي ممكن تنجبن وتسكتن
حور : زين ممكن اعرف شبيـــّچ تروحين وترجعين اي مو دوختيني
حنين : ماظل شي راح يوصل محمد ماله داعي اكعد
هدى : مع الاسف والله تحب محمد اكثر منه
حور : اي والله مع الاسف
حنين : اي يلة احبه انتن شكوو
حور : العععععب شو هاي البنيه ماتستحي
هدى : ههههههههه راح المستحه
حنين : اهووو كافي مصختن..... بعدني ماكملت كلمتي دك تلفوني طلع محمد ... كافي اسكتن ماريد اسمع ولا صوت
حنين : الووو
محمد : هاا حنين ٲنِـي وصلت طلعيلي
حنين : سألته واني مرتبكة ..... ماتدخل ؟؟
محمد : مِـــنْ ارجع علمود مانتأخر
حنين : ماشي
محمد : يلة تعالي بسرعة
حنين : اوك جاية سديت التلفون يلا بااي بنات وصحت بصوت عالي لماما بالمطبخ مامااااا اجه محممممد اني راااااايحة
ايمان : الله وياج حبيبتي
حنين : طلعت فتحت الباب شفته فاتح باب السيارة وواكف يمها صفنت عليه يا الله شكد حلوو لابس قميص اسود وبنطرون اسود ورافع شعرة ولازم نظارته بيده افف شكد كشخة انتبهت عليه يباوعلي خجلت شكد غبية طكيتلي صفنه عليه رحت يمه واني ميته خجل صارلي فترة مشايفته اخر مرة من اجه خطبني ... السلام عليكم
محمد : رفع حاجبه .... عليكم السلام شلونج
حنين : وصوتها ناصي .... تمام انت شلونك
محمد : وهو يبتسم ابتسامة خفيفة .... بس اريد اعرف صوتج هو هيج ناصي لوو شنوو
حنين : خجلت ودنكت راسي مجاوبته
محمد : ليش حاطة مكياج ماعتقد اله داعي
حنين : ماحاطة شي بس كحلة وحمرة !!
محمد : اي وشنو يعني اسمعيني زين حنين هاي اخر مرة ماريد اشوفج حاطة مكياج بعد لان اعتقد كلش ماله داعي
حنين : دمعت وضجت ليش هيج يرزلني ويذب اوامر خوو يطلب مني عادي الا يرزل يعني تذكرت حجي سماء من تكول عنه عصبي خفت منه دنكت راسي ماحجيت اي شي ،،، وصلنه للمحل مال الذهب وكف السيارة نزلنه اجه يمي لزم ايدي حسيت صارت رجفة بجسمي طبينه للمحل
محمد : السلام عليكم
ابو المحل : وعليكم السلام
حنين : طلب محمد من ابو المحل يطلعلنه احلى حلقات موجودة عنده ظليت صافنة عليهن شكد كيوت وحلووات حرت شنو اختار
محمد : هاا شراح تاخذين
حنين : ماعرف محمد والله كلهن حلووات
محمد : وهو يبتسم ابتسامة خفيفة .. اختاري براحتج
حنين : ظليت اباوع عليهن بعدين اختارينه ....