يساكن بالي شكد احبك

البارت الرابع

- كل رسالة تصلني منك ، جميلة ؛💗
- و كأن ورد العالم مُلتف حولها ؛ 🦋
_____________

حنين : جنت صافنةة وحسيت ايد انحطت على كتفي التفتت شفتها حور
حور : هاا عروستنا وين صافنة ترة مشى من زمان وتغمز الها
حنين : انجبي حبيبتي واصلا منوو هو اللي مشى
حور : تعرفين قصدي ما حاجة اكوول ورفعت حاجبها
حنين : انجبي مرة ثانية اكوول اجوي لوو بعدهم
حور : يمة يمة منج تسوين نفسج متدرين اجوا او لا لعد قبل شوي على منوو جنتي تباوعين المهم راح اغلس واكلج اي نعم اجوا وماما دزتني اصيحج حتى تجين تقدمين العصير يلا حبيبتي
حنين : ارتبكت وكلبها اللي مو راضي ترجع دكاته طبيعية ... هااا يعني لازم اطلعلهم
حور : لاا ٲنِـي راح اطلعلهم مكانج حنونة حبي رجاءا موو وكت غباءج اكيد لازم امه واهله كلهم يردون يشوفوج يلا سمي بالله وانزلي لا نتأخر عليهم يلا
حنين : وهي خايفة ... يلا بسم الله ... نزلت وراحت للمطبخ شالت العصير ومشت لغرفة الخطار وتحس كلبها راح يطلع مِـــنْ مكانه ... اكول حور اول شي اقدم لاهلة وبعدين اله موو ؟؟
حور : اي نعم ويلا دكي الباب وفوتي برجلج اليمين هههههه
حنين : بسم الله ... دكت الباب وهي تسوي شهيق زفير شهيق زفير وصلها صوت ابوها يأذن الها بالدخول
عادل : تفضلي بابا ادخلي
حنين : فتحت الباب ودخلت واني اسمي بالله وحتى القرآن ختمته كل اللي حافظته منه قريته ... السلام عليكم
الكل : عليكم السلام
حنين : مدنكة راسي وامشي ماشفت اي احد منهم رحت قدمت للاب اول شي وبعدين للام
ام محمد : اللهم صلِ ؏ـلىْ محمد وآل محمد شنوو هالجمال يمة ؏ـيني باردة عليج الله يحرسج ان شاءالله
حنين : خجلت مِـــنْ كلام امه ابتسمت ودنكت قدمت لاخته ووصل السرة لمحمد دنكت اقدمله واحس نفسي راح يغمى عليه مِـــنْ الخجل والخوف والارتباك ومشاعر مختلطة ماعرف شنوو جان احساسي بهاي اللحظة
محمد : وهو مبتسم ... شكراً
حنين : بصوت شبه مسموع ... العفوو ... صاحتني امه
ام محمد : تـ؏ـالي يمة اكعدي يمي
حنين : رحت كعدت يمها وهي تمدح بية واني احس راح اموت مِـــنْ الخجل ظلوا يحجون بموضوع الخطوبة وهاي السوالف واني ساكتة ومدنكة راسي الى ان كالوا خلوا حنين ومحمد وحدهم شوية ٲنِـي هنا تمنيت الكاع تنشك وتبلعني احس روحي صخنت طلعوا كلهم واني مدنكة راسي وافرك بيدية ومحمد كاعد مقابيلي كام واجه كعد يمي بس بودي اشرد مِـــنْ المكان
محمد : شلونج حنين
حنين : وصوتها ماا ينسمع ... الحمدلله
محمد : ابتسم ؏ـلىْ خجلهاا ... علي صوتج ماسمعج
حنين : احم الحمدلله
محمد : حنين ؏ـلىْ طاري حفلة الخطوبة شوكت تحبين نسويهاا
حنين : كلمة منها تنسمع والثانية ماتنسمع ... ؏ـادي نأجلها فترة يـ؏ـني قصدي انوو لا ٲنِـي اعرفك زين ولا انت تعرفني زين
محمد : فهمت قصدج انوو نخليها فترة علمود نتعرف ؏ـلىْ بعض موو
حنين : بأرتباك ... اي
محمد : ابتسم ... مااشي بس ليـشہ مرتبكة وخايفة هيج ترة ٲنِـي موو وحش والله ماراح آكلج
حنين : حسيت روحي راح ابجي مِـــنْ الخجل كمت وكفت ... عن اذنك درت وجهي وطلعت بسرعة بدون ما اسمع اي كلمة منه
محمد : خجلها وارتباكها موتني بودي اخذها لحضني اخخ طكت روحي ؏ـلىْ ما اجه يوم الجمعة جنت منتظر ؏ـلىْ جمر بس علمود اشوفها حسيت ذني اليومين صارن سنتين مِـــنْ صار يوم الجمعة كعدت مِـــنْ الصبح واحس بسعادة ونشاط مو طبيعي مامصدك انوو البنية اللي اتمنيتها راح تصير الي انتظرت الساعة ب4 بفارغ الصبر بس حتى اشوف حبيبة گـلـبـي لبست وكشخت وطلعنه وصلنه لبيتهم فتحلنه الباب علي سلمنه عليه ودخلنه كعدنه نسولف شوية وندكت الباب ودخلت اخخ ياكلبي والله موو بنية ملاك ويمشي خطواتها وفستانها خجلها وكلشي بيها وجنت متأكد امي راح تحبها وصلت الي وقدمت العصير وهي مدنكة ابد مارفعت راسها صاحتها امي وراح كعدت يمها بالاخير خلونه وحدنه رحت كعدت يمها وهي مدنكة وتفرك بيدها حسيتها راح تبجي مِـــنْ الخجل احجي وياهة ترد عليه بس صوتها كوة ينسمع بالاخير ماتحملت كالتلي عن اذنك وشردت مثل الطير اللي جان بقفص وطار منه ضحكت عليها وعلى خوفها صدك حسستني انو ٲنِـي وحش كدامها ... كمت طلعت لكيت الكل واكفين برة يسولفون حتى حنين موجودة ابتسمتلها مِـــنْ شافتني دنكت رحت وكفت يم اختي سماء وحاجيتها بصوت ناصي ...
محمد : سموءة روحي اوكفي يم حنين واخذي رقمها بحجة تتواصلين وياها وتتعرفين عليها وانطينيا
سماء(اخت محمد متزوجة عمرها 23 سنهہ) : زاحف اكعد راحة
محمد : ولج شنو زاحف غير راح تصير مرتي
سماء : وليش ماتطلبه انت منها
محمد : بلة لغوة زايدة خلصيني روحي اخذي الرقم
سماء : افف منك ... رحت وكفت يم حنين هي باوعتلي وابتسمت .. حنونة تكدرين تنطيني رقمج اتواصل وياج واتعرف عليج لان هســهہ ماصار مجال نحجي سوة
حنين : اي اكيد حبيبتي ؏ـادي سجلي يمج .....
سماء : شكراً حبي ان شاءالله اخابرج ونتعرف وخاف ماعرفتي ترة اني اسمي سماء ومتزوجة
حنين : تشرفت بيج ؏ـمري
سماء : الي الشرف حبيبتي يلة صار لازم نروح بيباي اشوفج بخير
حنين : حبيبتي مع السلامة ... ورة ماكمت مِـــنْ يم محمد او بالاحرى شردت ههه طلعت برة يمهم لكيت الكل واكفين ماما وبابا واخواني واهل محمد بس حور وهدى جانن جوة بالبيت ماطلعن ثواني واجه محمد باوعلي وابتسم ٲنِـي بسرعة دنكت والله استحي راح وكف يم اخته انتبهت عليهم يتهامسون مادري ليـشہ صار عندي فضول اعرف شنوو يحجون دقايق واجتي اخته وكفت يمي ٲنِـي ابتسمتلها طلبت رقمي علمود تتواصل وياي ؏ـادي انطيتهيا بعدين راحوا كلش حبيت اهله وارتاحيتلهم وخصوصاً امه حيل حبابة وفقيرة واللي عرفته من كلام امه انوو عنده بَــ؏ــد اخت ثانية اعتقد اسمها زهراء المهم ودعناهم ودخلنه للبيت واهلي فرحانين ويمدحون بيهم صعدت لغرفتي اريد ابدل ملابسي دخلت سديت الباب بعدني توني سديتها انفتحت ودخلن حور وهدى ...
حور : هاا لج كولي شصار شحجوا ماحجوا
هدى : ولج كتلني الفضول اريد اشوف محمد ماشفته عدل
حنين : ؏ـلىْ كيفكم بنات شوية شوية زين بس انتظروني ابدل ملابسي ونكعد نسولف
حور : بسرعة يلة
هدى : نريدج تحجيلنه كلشي بالتفصيل الممل
حنين : ميخالف بس انطوني مجال خلي ابدل ... اخذت بجامة ودخلت للحمام بدلت ملابسي ومسحت مكياجي وطلعت
هدى : يلة حنين والله كتلني الفضول
حنين : ماشي اكعدن خلي احجيلجن بس فكني ... حجيتلهن كلشي مِـــنْ اول مادخلت يمهم لحد ماراحوا وهنة يضحكن عليه لان استحي
حور : هههههههه خرب يومج حنين والله صدك كلام محمد اللي يسمعج يكول كاعدة يم وحش مو يم واحد راح يصير زوجج
حنين : مِـــنْ كالت حور زوجج گـلـبـي رجع يدك سريع واحس مشاعري مخربطة قطعت صفنتي هدى
هدى : ماعندج صورة اله اريد اشوفه عدل حتى اعرف منو احلى إِنتِــي لو هوو
حنين : دقيقة خلي اشوف ... طلعت تلفوني ودخلت ؏ـلىْ الانستا طلعت صفحة محمد وانطيت التلفون للبنات ... هاجن هذا حسابة ؏ الانستا شوفن صورة
هدى : وهي تكلب بصور محمد ... عزة والله صاك لج هذا احلى منج يمة شحلاته حور شوفي ضحكته شكد حلوة
حور : اي والله صاك
حنين : ظلن يكلبن بالصور مالته ويمدحن بي ويتغزلن مادري ليـشہ حسيت بغيرة وضجت جريت التلفون منهن ... كافي يلة ولن اريد ارتاح شوية
حور : وهي تغمزلها ... هداوي جاي اشم ريحة غيرة إِنتِــي هم جاي تشمين لو بس ٲنِـي
هدى : ايي والله حتى ٲنِـي اشتميت هههههههههه
حور : ههههههههههه
حنين : بقن يضحكن عليه سويت روحي عصبية ... انجبن وعلى شنوو اغار ويلة كومن اطلعن برة اريد ارتاح ... طردتهن مِـــنْ الغرفة وضحكت ؏ـلىْ سوالفهن تمددت وكعدت اكلب بالتلفون ..
..............
محمد : طلعنه مِـــنْ بيتهم ركبنه بالسيارة واحنه بالطريق ماما حجت ،،،
ام محمد : ما شاءالله شنوو مِـــنْ بنية جمال واخلاق الحمدلله يمة مِـــنْ صارت مِـــنْ نصيبك
محمد : وهو يبتسم ؏ـلىْ كلام امه ... مو كتلج يمة راح تعجبج
ابو محمد : ونعم التربية والله خوش بنية وابوها واخوانها كلهم محترمين الله يوفقكم بوية ان شاءالله
سماء : اي والله فـدوﯢهہ شحلاتها والله وطلعت مو هين يامحمد تعرف تختار
محمد : وهو يغمزلها ... اعجبج سوسو
سماء : هههههههه
محمد : وصلنه للبيت قبل مندخل جريت سماء مِـــنْ ايدهاا ....
سماء : اخخخ هاي شبيك ليـشہ هيج
محمد : انجبي يلة انطيني الرقم بسرعة خلصيني
سماء : والله حبيبي اطلبه بأدب وذيج الساعة عود انطيكيا
محمد : اهووو سموءة حبيبتي اخيتي ممكن تنطيني رقم مرتي
سماء : جذاب خلصني يلة سجل يمك ....
محمد : يلة ولي عني
سماء : هاي بدل الشكراً هو مو صوجك
محمد : شكراً شكراً بس ولي ... دخلنه للبيت
زهراء : اخيراً اجيتوا تـ؏ـالي سماء سولفيلي شصار وشلونها العروس حلوة لو لا اريدج تسولفيلي كلشي
سماء : ولج هاي إِنتِــي عود مريضة مصخنة اي دنطيني مجال خلي اجر نفس خلي اكعد
زهراء : اففف اكعدي يلة احجيلي والله كتلني الفضول
سماء : حجيتلها كلشي صار مِـــنْ اول مارحنه لحد مارجعنه
زهراء : يا الله كتلني الفضول اريد اشوف حنين محمد ماعندك صورة الها
محمد : اي بلة منين اجيب هو اليوم رحنه خطبناها
زهراء : اففف شنوو هاي
محمد : عن اذنكم اروح ارتاح شوية ... صعدت لغرفتي سديت الباب ونزعت سترتي اخذت تلفوني وكلت خلي اتصل ؏ـلىْ حنين والله اشتاقيتلها اريد اسمع صوتها طلعت رقمها واتصلت ثواني واجاني صوتها الناعم ...
حنين : الوو
محمد : هلوو حنين
حنين : نعم منو حضرتك؟
محمد : ماعرفتيني؟
حنين : لا منوو انت وشتريد
محمد : ٲنِـي محمد
حنين : ه هاا م محمد اسفة بس ماعرفتك
محمد : فـدوﯢهہ اروح لليخجل ... لا ؏ـادي ٲنِـي بس دكيت علمود تحفظين رقمي يمج
حنين : م مماشي
محمد : حنين اسمعيني زين اي شي تحتاجي بس كليلي ورجاءاً لا تستحين مني ٲنِـي اريدج تتعودين عليه شوكت ماتردين اتصلي بيه عسى ما بنص الليل كلش ؏ـادي وهالفترة مثل ماتردين راح نتعرف ؏ـلىْ بعض وراح احجيلج عني بالتفصيل الممل حتى تعرفيني زين
حنين : ان شاءالله
محمد : تمام ؏ـيني اخذي راحتج مع السلامة
حنين : مع السلامة
محمد : اااخخخ يكلبي هســهہ ارتاحيت مِـــنْ سمعت صوتها ...
.....
(زهراء : اخر العنقود عمرها 20 سنهہ تحب تقرة روايات رومانسية وتحب تعيش قصة حب مثل الروايات ... قزومة وعيونهاا كبار ورموشهاا طويلة وكثيفة شفايفها توتية ومليانة بشرتها بيضة شعرهاا تقريباً لنص ظهرها ... تدرس هندسة ديكور ... باقي المعلومات راح تعرفوها بالرواية)
...................
لهناا يخلص البارت حبايبي الحلوين وطبعاً اسفة ع التأخير اليوم بس التهيت بفوز المنتخب😂☹️كعدنه نحتفل وماحسيت بالوقت والله والف مبروك الفوز لمنتخبنا فديتهم ابطاال😍👏🇮🇶
المهم يارب يعجبكم البارت ولا تنسون تتفاعلون ترة تفاعلكم يسويلي واهس والله وشكراً كلش هواية للي ديتفاعلون حب كبير الهم😍❤️
خاف اكو اخطاء املائية منا منا غلسوا😜