يساكن بالي شكد احبك

البارت السادس والعشرون

رزقـني الله ..
ولگيتـك نعمـه لـ عيـونـي ♥️

___________

هدى : كعدت مِـــنْ النوم راسي وعيوني يوجعني واحس روحي دايخة شويـة كمت غسلت وجهي ورتبت شعري لبست شالي ونزلت جوة لكيت بابا وماما وعمو وخالة وزيد وعلي والباقين ماعرف وينهم كعدت يمهم جاي يسولفون ؏ الشغل وهاي الاشياء بالي مو يمهم يم كيان اووف ياربي كيان طبعه حيل صعب مهما يحبني وعنده حنية بس يبقى صعب واني لحد الان ماجاي اعرف شلون اتعامل ويا وشلون ارضي ، دك تلفون بابا ..
عادل : الوو ... هلا خوية ابو كيان ... بخير الحمدلله انت شلونك الاهل شلونهم ... الله يخليك ... اي ... اهلا وسهلا واللّٰـه ... هلا بيكم خوية بأي وكت ... براحتك اي يوم يعجبك ... ماشي يوم الجمعة ... لالا واللّٰـه ماعندي شي بالعكس ... هلا بيكم ؏ـيني تنورونه ... الله يسلمك يوصل ... سلم سلم ؏ الاهل ... مع السلامة
هدى : طبـ؏ـﺎَ بابا بس كال ابو كيان ٲنِـي كلبي كام يدك سريع اكيد جاي ياخذ موعد حتى يجون يخطبوني رسمي
عادل : يسلم عليكم ابو كيان
الكل : عليكم السلام
عادل : يباوع لهدى ويبتسم ... ان شاءالله يوم الجمعة راح يجي هـِـَـِو والاهل علمود يخطبون هدى رسمي
وليد : هاا ابو علي ؏ الخير ان شاءالله مبروك مقدمًا
لمياء : شايفين ڪل الخير ؏ـيني
هدى : ابتسمت وخجلت ... شڪراً الخير ليصيبكم .. دنكت راسها
ايمان : الله يخليكم ؏ـيني شڪراً
هدى : طبـ؏ـﺎَ بالكوة مركزة وياهم راسي سطرني سطر واحس الدنيا جاي تفتر بيه استأذنت وكمت كلت خلي اصعد لغرفتي آخذ براسيتول بلكي اصير احسن وصلت يم الدرج وما احس الا الدنيا افترت بيه حيل ووكعت بالكاع وبعد ماحسيت بأي شي ...

.....................

حور : صعدت لغرفتي خليت كتبي بمكانهن نزعت الشال وفتحت تلفوني حتى اقرا رسائل زيد دخلت ؏ المحادثة كاتبلي ..
زيد : اويلي شسوي بيج حرمتيني النوم واني افكر واكول لو ما معترفلها احسن وتندمت وكلت راح اخسرج وبالاخير طلعتي تبادليني نفس المشاعر ماتعرفين شكد ارتاحيت مِـــنْ كلتيلي هيج حور صدكيني إِنتِــي اول حب بحياتي وعمري ماحبيت قبلج وفوك ڪل هذا ماجنت شايفج ولا سامع صوتج
وهسة صرنه كاعدين سوة بنفس البيت واللّٰـه لحد الان مامصدك
شكد حاولت قبل اتخيل شكلج بس ماجنت اكدر وهسة واخيرا شفتج وحبج زاد بكلبي اضعاف واضعاف
ڪلشي بيج اخذ گـلـبـي وسحرني عيونج ، طولج ، نظراتج ، صوتج آخخ ياكلبي شسويتي بي گلبتي حاله گلاب واللّٰـه ...
واسف لان هددتج او خوفتج بس ردتج تريحيني وتردين عليه لان صبري خلص .. وبالاخير وعد مني الج ما راح اخون حبج لآخر لحظة بعمري وراح ابقى احبج
وابد لا تفكرين بيوم مِـــنْ الايام انو ٲنِـي جاي اجذب عليج او العب عليج ، إِنتِــي بس انجحي مِـــنْ السادس لا اصلا بس تخلصين امتحانات السادس وحتى قبل ماتطلع نتيجتج راح تصيرين حلالي وراح اصير حلالج حتى نحتفل سوة بنجاحج يا دكتورتي وهذا وعد رجال
حور : اقرا برسالته ودموعي تنزل هلكد يحبني !!! الحمدلله ما جذبت عليه وكتله ماحبك جان خسرت هذا الانسان اللي مايتعوض اصلا ، كلامة اخذني لغير عالم .. وية ڪل كلمة اقراها يزيد حبه واكوم احبه اكثر الله يجمعنه سوة ان شاءالله كتبتله ... صدكني راح ارفع راسك واصير دكتورة واخليك تفتخر بيه ، واني واثقة بيك وادري ماراح تخون هاي الثقة بيوم مِـــنْ الايام♡︎
دزيتلة هاي الرسالة واني ادعي بكلبي نبقى سوة ... سديت تلفوني حطيت راسي ؏ المخدة اريد أنــآم شويـة اريح عقلي بعدني ما مغمضة واسمع صوت صياح جوة بأسم هدى !!
اخترعت طفرت مِـــنْ الفراش حطيت الشال ؏ـلىْ راسي شلون ماجان وطلعت مِـــنْ الغرفة اركض وصلت يم الدرج واشوف هدى طايحة بالكاع وكلها التمت عليها وكرار وعبدالله وعشق طلعوا مِـــنْ غرفهم يركضون ٲنِـي بس شفت هدى هيج صحت هددددددى بصوت عالي ونزلت ركض ؏ الدرج طبـ؏ـﺎَ كلهم ملتمين عليها ومحد باوع عليه بس زيد جانت عينه عليه وصلت لاخر درجات وعثرت وردت اوكع لو ما لحك عليه زيد ووكعت بحضنه رفعت راسي وعيوني كلها دموع واباوع بعيونه واكول وصوتي يرجف زز زيد هد هدى !!
زيد : مابيها شي اهدي
حور : وخرت عنه ورحت يمهم واشوف هدى وجهها اصفر اجه زيد كللهم وخروا عنها شويـة وخروا كلهم هـِـَـِو دنك عليها لزم ايدها يشوف نبضها وحط ايده ؏ـلىْ عيونها وفتحهن حتى يشوف شبيها
زيد : علي بس تـ؏ـال شيلها لو تصعدها بغرفتها لو تخليها هنا ؏ القنفة
علي : والقلق واضح عليه ... ماشي شالها وكال احسن اوديها لغرفتها صعدها للغرفة خلاها ؏ـلىْ فراشها والكل صعد ورا
عادل : ابني زيد ليــش ساكت شبيها هدى
زيد : رجع زيد مرة ثانية يقيس نبضها كال .. عدكم جهاز قياس الضغط ؟؟
حور : اي عدنه ههــسةة اجيبه .. رحت ركض جبت الجهاز واجيت انطيته لزيد اخذه مني وكام يقيسلها الضغط ... تذكرت لازم اكول لكيان اذا عرف بعدين راح يعصب ويكول ليــش محد كلي
{ ماشاء الله عليها حور مِـــنْ طاحت حنين ركضت خابرت محمد وهسة راح تخابر كيان هههههه تدري خواتها دواهن الحب مالتهن }
رحت لغرفتي لزمت تلفوني اتصلت على كيان واني خايفة ؏ـلىْ هدى شويـة ورد
كيان : الوو
حور : الوو هلو كيان
كيان : هلا حور هاا خير محتاجة شي ؟
حور : وهي متوترة ... كك كيان هدى ... بعدني مامكملة حجايتي صاح
كيان : كام مِـــنْ مكانه ... شبيهااا هدى !!!؟؟؟
حور : هدى طاحت وهسة هــيٰ مغمى عليها
كيان : شال سويجة وكللها ... ٲنِـي جاي بالطريق مع السلامة
حور : مع السلامة
كيان : كلبه صار يدك سريع وخايف ؏ـلىْ هدى استأذن مِـــنْ الدوام صعد بالسيارة وانطلق بأقصى سرعة ...
حور : سديت تلفوني ورجعت يمهم سمعت زيد يڪول
زيد : ضغطها هابط شويـة واحتمال يكون عدها فقر دم لان وجهها اصفر كلش الافضل بس تصحى تاخذوها وتسوولها تحاليل حتى نتأكد وهسة خلوها ترتاح شويـة
حور : ٲنِـي اريد ابقى كاعدة يمها .. كالت هيج وتباوع لزيد بنظرات توسل حتى ما يرفض ويكلها لا
زيد : راد يروح ياكلها ؏ـلىْ نظراتها ... تمام ابقي يمها
حور : فرحت وكالت شڪراً وبداخلها كملت وكالت حبيبي ... الكل طلع وبقيت ٲنِـي رحت كعدت يمها وخرت الشال عن راسها جانت شايله شعرها بقراصه ليفوك خفت خاف تأذيها لان نايمه عليها رفعت راسها بيدي ونزعتلهيا وفتحتلها شعرها شويـة وفتحت عيونها
هدى : حطت ايدها ؏ـلىْ راسها .. اخ راسي شصار
حور : حبيبتي هدهد سلامتج ، بس إِنتِــي اغمى عليج لان ضغطج هابط وزيد هـِـَـِو اللي فحصج وكال احتمال يكون عندج فقر دم ف لازم ترحين وتسوين تحاليل
هدى : حور حبابة اريد براسيتول راسي راح ينفجر بَــ؏ــد ماكدر
حور : توني اريد ارد عليها انفتحت الباب بقوة وسرعة ودخل كيان بهيبته وشخصيتة ولابس ملابسة مال الضباط واللّٰـه حتى بَــ؏ــد ماعرف شلوَن احط شالي ؏ راسي مِـــنْ الهبطة مال فتحت الباب الله يستر عليه راد يكسرها ، شفت نظراته الها القلق ڪلش واضح بعيونه حبيت اعوفهم براحتهم كتلهم عن اذنكم طلعت وعفتهم