يساكن بالي شكد احبك

البارت الثاني والثلاثون

انا احبك كد حلاتك من اشوفنك بالاسود🖤

___________

حور : حسيت الفرحة تبخرت رجعت لغرفتي ودموعي كامت تنزل حاولت اهدي نفسي وانزل حتى محد يحس جريت نفس ومسحت دموعي عدلت مكياجي لبست العباية ونزلت لكيتهم جاي يلبسون الحلقات بالي ابد مو يمهم لو ادري زيد فوك ولا اصعد طلع داخل للبيت مِـــنْ الباب الخلفي شلون حظ عندي خلصوا ڪلشي وطلع كيان ذبيت العباية وحاولت اتناسى الموضوع كومنه هدى وصرنه نركص كلنا سوة اباوع لهدى شلون فرحانه الله يهنيهم يارب ..
صارت الساعة بـ 6 خلصت الحفلة وبدت الناس تروح شويـة شوية واني وآية وحنين وزهراء وعشق صرنه ننظف المكان بفساتينه هدى صعدت لغرفتها ايي ؏ـيني عروس ڪلشي ماتسوي
واحنه بقينه نكرف الكل راح بقوا بس بيت عموو ابو كيان وعيال حنين بعدهم شوية ويرحون خلصنه شغل شمرنه رواحنه ؏ـلىْ القنفات متنه مِـــنْ التعب والركص ...
شوو احنه كاعدات ؏ القنفات بشعرنه وفساتينه مأمنات ماكو احد مانحس غير الولد كبالنه صافنين علينه
علي وعبدالله وكرار وزيد وكيان ومحمد وبابا وابو زيد وابو كيان وابو محمد هم صفنوا علينا واحنه صفنه عليهم مامستوعبين مافزينه مِـــنْ صفنتنه الا ؏ـلىْ صوت ماما مِـــنْ صاحت وهي طالعة مِـــنْ المطبخ
ايمان : ولجن شلون كاعدات هيج كدامهم كومن اصعدن بسررررعة يلةةةةة
حور : كالت هيج يلة استوعبنه وكلنا طفرنه طفرة وحدة والولد هم استوعبوا وكلهم داروا وجههم كمنه وحدة تتراكع بالثانية ونتراكض ؏ الدرج وكل وحدة لازمه كعبها بيدها لا توكع وحنين وعشق ايد لازمات بيها الكعب وايد رافعات بيها الفستان لان فاستينهن طويلة صعدنه فوك ڪل احنه دخلنه لغرفة هدى لان هــيٰ اقرب شي دخلنه للغرفة ومتنه مِـــنْ الضحك ؏ اللي صار حنين شمرت روحها ؏ الفراش ولازمة بطنها وتضحك واحنه كعدنه بالكاع نريد نسكت بَــ؏ــد مانكدر هدى طلعت مِـــنْ الحمام تباوع علينا

هدى : شكوو ولجن
حور : مانكدر نحجي كلمة عدلة مِـــنْ الضحك وهي مِـــنْ شافتنه نضحك صار تضحك ؏ ضحكنه وهي ماتدري شكوو
هدى : هههههههه ولجن ٲنِـي اضحك ومادري شكوو احجن شصار
حنين : ههههههه فاتج ههههه الموقف والنبي هههههههه
آية : يمة بطني هههههههه شلون صفنوا علينا خطية انصدموا ههههههههه
البنات : ههههههههههههه
هدى : ولجن فهمني كتلني الفضول شصار
حور : ههههههه مِـــنْ خلصنه تنظيف شمرنه روحنه ؏ القنفات مِـــنْ التعب ومانحس غير الولد صافنين علينا كلهم ومو بس هم حتى بابا وعمو فاضل وعمو وليد وابو محمد ههههههههه اخخ يمة متت والقرآن هدى لوو تشوفين شلون احنه صافنين وهم صافنين ما فزينه الا لمن ماما صاحت بينه واستوعبنه وكمنه نتطافر ووحدة تركع بالثانية ههههههههه
هدى : هههههههههه خرب يومجن ولجن يبووو انفضحتن ههههههه
حنين : يمة بَــ؏ــد ماكدر بطني كامت توجعني يبووو شراح يخلصني مِـــنْ محمد
هدى : همزين ماجنت وياجن
زهراء : عزززة ولجن شكد عيب كلها شافتني بهذا اللبس واللّٰـه يا حنين مو بس إِنتِــي شيخلصج ٲنِـي هم راح اترزل خوش رزالة مِـــنْ بابا ومحمد
حنين : ههههههههه ماكدر اسكت ولجن بس لالا مو طبيعي الموقف مو طبيعي
آية : ههههههه لا بنات بس واللّٰـه عيب لبسنه والمكياج والشعر جاا عليمن لو مخليهم كلهم يفوتون يمنه بالحفلة احسن ههههههه لان انفضحنه بَــ؏ــد
عشق : هههههه زين هم شلون دخلوا هيج ع الاقل خلي يطلعون صوت شوو شنو
حنين : اي صدك منوو كاللهم يدخلون
حور : هههههههه يمكن ماما من كلنالها خلصنه عبالها صعدنه فوك ماتدري احنه انبطحنه ع القنفات وهم جانوا واكفين برة بالممر ف كالتلهم تعالوا ادخلوا جوة يايمة متت صارلي شكد ما ضاحكة هيج
عشق : واللّٰـه استحي انزل بَــ؏ــد يبوو
زهراء : اي واللّٰـه شلون اباوعلهم بَــ؏ــد
حنين : خلي نكوم ننزل اريد اشوف نظراتهم شلونها ههههههههه
حور : راح احبس روحي بالغرفة بَــ؏ــد ما انزل منا لباجر
آية : لا بنات انتوو متخيلين لو ما عمة ايمان صاحت بينه جان ظلينه صافنات
عشق : هههههههه اي واللّٰـه اريد افتهم احنه ليــش ما كمنه مِـــنْ البداية
حور : ههههههههه يا اختي مأمنات عود محد يدخل
حنين : كافي ولجن بطني كامت توجعني مِـــنْ الضحك كومن يلة ٲنِـي راح البس عباتي وشالي وانزل زهراء يلة
زهراء : اييي ولج يلة محمد كال اول ما تخلص الحفلة نرجع للبيت ههــسةة يرزلنه فوك رزالة الفضيحة مالتنه
حنين : ههههههه كومي كومي ان شاءالله ما نترزل