يساكن بالي شكد احبك

البارت الرابع والثلاثون

‏كتلها بوسة ودنِكت
كالت أُخذ شعليه ..

___________

هدى : سلمت ؏ـلىْ ماما وحور ودموعي نزلن وهن هم بجن خصوصاً حور بجت هواي حسيتها مو بس عليه بجت بس لكتها فرصة حتى تطلع الخنكة اللي بداخلها ولان ٲنِـي الوحيدة اللي ادري شصاير بينها وبين زيد فوك ما اني ابجي لان راح اعوفهم صرت ابجي علمودها ماريد اعوفها وحدها ع الاقل جنت شوية اخفف عنها
اجتي حنين وخرتها عني هــيٰ كبل راحت صعدت لغرفتها
لزم ايدي كيان وطلعنه جانوا واكفين بابا واخواني وزيد وعمامي
سلم كيان ؏ـلىْ بابا واخواني وبعدين ٲنِـي حضنتهم وصرت ابجي بابا نزلت دموعه واخواني يحاولون ما يبجون عبدالله دار وجه وراح علي بقى يهدي بيه هـِـَـِو وكرار
عادل : كيان ما يحتاج اوصيك عليها بَــ؏ــد بنت عمك قبل ما تكون مرتك
كيان : بعيوني عمي
علي : ابتسم وهو يڪول ... 3 اخوان عدها بس جرب تزعلها نطلعلك مِـــنْ جوة الكاع
كيان : ضحك ... هههههههه وين اكو واحد يزعل روحه
علي : الله يوفقكم
هدى : اسمع كلامهم ودموعي تجري لزم ايدي كيان ومشينه صعدني بسيارته هـِـَـِو اللي راح يسوق دخل بدلتي وسد الباب كومة ضباط جايين هيج كلها تحب كيان وكل شوي واحد يرمي اتخبل مِـــنْ الرمي بالاعراس بس شسوي ماكدر احجي وفرقة موسيقية واكفة والشباب يركصون صعد كيان
كيان : مبروك حبيبتي
هدى : بصوت ناصي ... الله يبارك بيك
كيان : حرك السيارة ... ارفعي الكبوس عن راسج شويـة
هدى : توني جنت رايدة اكله بس كلت خاف مايقبل الحمدلله اجتي منه رفعته شوية وجريت نفس يمة جان خانكني
كيان : ابتسم ... ها خنكج
هدى : باوعتله ... غير انت سويته
كيان : ههههههه ... لزم ايدها وباسها ... احبج واللّٰـه
هدى : ابتسمت رغم الخوف بعده بداخلها ... ٲنِـي هم احبك ... حاولت اوخر الخوف عني شويـة تلفوني جان بيدي كعدت اخذ صور وية كيان وفيديوات واصور السيارات ، رحنه حتى نصور دخلنه للمكان نزعت الكبوس وآية يمي تساعدني رتبت نفسي وطلعت وكمنه ناخذ صور كومة اخذنه اكو بيهن جريئات واكو عاديات خلصنه وطلعنه افترينه بالسيارات الجو حلوو جان شويـة وكال كيان
كيان : غطي وجهج هدى وصلنه
هدى : ڪلبي صار يدك سريع مِـــنْ كال هيج ورجع الخوف بداخلي مِـــنْ جديد نزلت الكبوس ؏ـلىْ وجهي شويـة ووكفت السيارة كدام بيتهم نزل كيان واجه عليه فتحلي الباب ونزلني لزم ايدي ومشينه واجتي آية هم شايله وياي البدلة مالتي وكفنه يم الباب وجابوا ذبيحة جوة رجلينه ٲنِـي غمضت ؏ـيوني بسرعة ماريد اشوف ذبحوها خليت رجلي ؏ الدم
مشينه دخلنه للبيت تلكونه بالهلاهل والجكليت كعدوني كيان راح طلع يم الولد اجتي آية يمي وخرت عني الكبوس والبركع يمة متت

آية : ضحكت ... الله يساعدج واللّٰـه
هدى : ضيكت ؏ـيوني ... اضحكي اضحكي يجيج يوم واني اضحك عليج
آية : ههههههه ما اتزوج ٲنِـي
هدى : لا واللّٰـه واخوي عبدالله وين يروح
آية : توترت ... واني شعلية بعبدالله
هدى : يمة منج
آية : راح اروح اجيبلج اكل وارجع
هدى : وين رايحة ماريد اكل ابقي يمي ولج واللّٰـه راح اموت مِـــنْ الخوف
آية : وعلى شنوو تخافين
هدى : حقج ماشفتي كيان شلون يحجي وياي طول هالفترة قليل ادب
آية : هههههههههه خرب يومة وينه ڪون ههــسةة اروح اكله شمسوي بالبنية وجهها اصفر مِـــنْ الخوف
هدى : بقهر ... كايله شي يضحك ٲنِـي هاي بدل ما تهديني يـ؏ـني
آية : لا ترة صدك قابل شراح يسويلج يـ؏ـني وخري الخوف عنج احسن بعدين تتندمين خلي هاي الليلة تكون احلى ليلة بحياتكم
هدى : واللّٰـه ولا يروح الخوف حاولت ... مر الوقت صارت الساعة بـ7 ونص اختنكت مِـــنْ البدلة وراسي انسطر مِـــنْ الاغاني آية كاعدة يمي بقينه نسولف اجتي عمتي
ام كيان : يلة يمة كومي لازم تصعدين لغرفتج
هدى : بس كالت هيج صارت لوية ببطني وكلبي دك دك دك دك اباوع لآية تريد تضحك خزرتها واشرتلها ٲنِـي اعلمج كمت وصعدوني للغرفة واني وية ڪل درجة اصعدها يزيد خوفي وصلت للغرفة دخلت حاطيلنه ورد احمر ؏ـلىْ الفراش ابتسمت مِـــنْ شفته ، كعدت ؏ القريولة الكل طلع بقت آية يمي تهدي بيه شويـة وسمعنه هوسة يم الباب زفوا كيان تمنيت ارجع لبيت اهلي بهاللحظة آية تريد تطلع واني اكلها ابقي يمي انفتحت الباب دخل كيان وصارت ؏ـيني بعينه آية جرت ايدها مني حيل راحت وكفت يم كيان
آية : ضحكت ... خوية شمسوي بالبنية راح تموت مِـــنْ الخوف شويـة شويـة عليها
هدى : خزرتها
كيان : ابتسم ... اصلا واللّٰـه ٲنِـي فقير ما كلت شي حجي ؏ـادي بس هي خجولة
هدى : وسعت ؏ـيوني ... انت فقير !!!!
آية : هههههه يلة يا حلوين ٲنِـي رايحة واللّٰـه يهنيكم يارب استعجلوا نريد كتكوت صغيرون
كيان : تدللين خوية مِـــنْ ؏ـيوني
آية : هههههههه يلة باااي ... عافتهم وطلعت
هدى : ٲنِـي اريد واحد يهديني وذولة كاعدين يتمضحكون حضرتهم طلعت آية سد الباب كيان وقفلة نزع سترته وخلاها ؏ القنفة تقرب عليه واني دكات ڪلبي موتتني وكف كدامي دنك عليه ولزم وجهي بأيدي باسني براسي
كيان : صرتي بغرفتي ونورتيها شريد مِـــنْ الله بَــ؏ــد
هدى : بقت ساكتة ومتوترة
كيان : ابتسم ... ها ليــش ساكتة وين راح لسانج
هدى : غمضت عيونها وجرت نفس باوعتله وكالت بصوت ناصي ... كيان خايفة 
كيان : كعد كدامها ؏ الكاع ولزم ايدها ... مِـــنْ شنوو خايفة موو جنتي قبل ترديني ابقى يمج
هدى : ماعرف بس ... قاطعها
كيان : كام وكف ووكفها ويا لزم وجهها ... اعرف ليــش خايفة بس والله ما يحتاج ڪل هذا الخوف هدي نفسج وشيلي ڪلشي مِـــنْ بالج ماكو شي يخوف راح نصلي ونتعشة سوة ونسولف يلة حبيبي روحي بدلي واسبحي ريحي جسمج شويـة
هدى : ابتسمت ... ماشي بس اول شي خلي افتح التسريحة روح انت اسبح قبلي لانو ٲنِـي اتأخر
كيان : مو تكطعين شعرج شويـة شويـة راح اسبح ؏ السريع واطلع
هدى : هزت راسها
كيان : ابتسم باسها بخدها وراح دخل للحمام
هدى : شويـة هديت مِـــنْ بَــ؏ــد كلامة رحت كعدت كدام المراية فتحت التسريحة مالتي الحمدلله بسرعة انفتحت كمت رحت للكنتور ملابسي كلها موجودة لانو مِـــنْ البارحة جابوهن شفت سيتات النوم معلكات البنات اشترنهن مادري البس واحد منهن لو البس بجامة اووف يربي بعدين قررت البس هذا