يساكن بالي شكد احبك

البارت الثامن عشر

خلگي وُعيوُني وُضحگتي گلهن أنتِ 💛.

_________________

هدى : كعدت الصبح اليوم زفة حنين اخخ راسي يوجعني تذكرت موقفي البارحة وية كيان جريت حسرة كمت مِـــنْ الفراش دخلت للحمام سبحت وطلعت نزلت جوة لكيتهم كاعدين كعدت اتريك اكلت لكمتين وكمت مابقى شي نروح للصالون رجعت لغرفتي حضرت نفسي ونزلت وصلنه علي للصالون مالي خلك لاي شي ولخاطر حنين اجيت للصالون طبعاً كيان دائماً توقيته غلط مِـــنْ يريد يعكر مزاجي ذيج المرة بالعقد وهالمرة بالزفة افففف
طبعاً ٲنِـي ماحطيت مكياج مجرد مسكارا وحمرة وايلاينر ماحبيت احط هواية وشعري خليته مفتوح بس اطرافه خليتهن كيرلي خلصت اول وحدة لان ماسويت هواية اشياء مشة الوقت كل البنات خلصن وحنين ماشاءالله تجنن الله يسعدها يارب طلعت لعابة اجوا علي ومحمد طلعنه مِـــنْ الصالون صعدنه وية علي وسماء وزهراء راحن وية محمد وصلنه لموقع التصوير نزلنه حنين دخلناها ونزعناها الكبوس رتبناهة وطلعت بدوا ياخذون صور هي ومحمد الخجل واضح ؏ـلىْ حنين لو ما عيب جان طكيتها ضحكة ؏ـلىْ شكلها ههههههه بعدين اخذنه صور كلنه سوة خلصنه وطلعنه وصلنه للبيت دخلنه كعدنه حنين ؏ الكوشة واني رحت جبتلها اكل وكعدت اوكلها ،
خلصت رحت وديت الماعون شوية وصارت هوسة برة واصوات هورنات وفرقة لبسنه حنين البركع والكبوس دخلن خوات العريس وامه وعماته وخالاته كلهن يهوسن ويركصن وحنين مجلبه بأيدي عصرتها عصر والله دخل محمد بس اريدها تهدني الولد وصل يمها وهي لازمتني كوة جريت ايدي منها ووخرت عنها دخلوا بابا وعلي سلموا عليها ووصوا محمد عليها وسلموها اله متت بجي واني اشوف حنين شلون تشهك وتبجي وشلون حضنت بابا بالكوة وخرت عنه يمكن هاي اصعب لحظة
بحياة البنية مِـــنْ تودع اهلها تذكرت موضوع زواجي مِـــنْ كيان ودموعي كامت تنزل اكثر لان ٲنِـي هم راح يجيني يوم واعيش هاي اللحظة
بعدين سلمت ؏ـلىْ علي ونفس الحالة بالكوة وخرت عنه
طلعوا بابا وعلي والنوب سلمت ؏ـلىْ ماما لو ممخليها تسلم ؏ـلىْ احد هواية احسن لان ماتت بجي اللي يشوفها يكول غاصبيها ؏ الزواج
بعدين سلمت ؏ـلىْ حور واخير شي ٲنِـي حضنتها وكمت ابجي وهي تبجي كلتلها ديري بالج ؏ـلىْ نفسج وخرت عنها وطلعت ، احس نفسي اختنكت
طلعت برة مِـــنْ الباب الخلفي طبعاً محد يوصل هنا حطيت ايدي ؏ـلىْ وجهي وكمت اشهك وابجي شلون اكدر افاركهاا !!!
اريد اختي رجعوهاا شلون اكعد الصبح وهي ماموجودة بَــ؏ــد عليمن اضحك واقلد ؟!
صعب والله صعب ماكدر
جاي ابجي واجاني صوته حسيته شبح وين ماروح يطلعلي
كيان : المفروض تفرحين وتدعيلها الله يسعدها موو تبجين صراحة بعد بس عوزكم ملة وتكعدون تلطمون ترة مو زين وميصلح هالبجي
هدى : مارديت عليه بقيت ابجي كلشش مو وكته ٲنِـي بيا حال وحضرته كاعد يقلد
كيان : كافي مسحي دموعج
هدى : ماكدرت ماحجي كتله واني ابجي واشهك ... ؏ الاساس تهمك ددد دمووووعي ووو وكلش خخ خايف عليه ووانت اكثر شخص يأذيني ويبجيني
ل ل لاا تسوووي نفسك مم مهتم بيه وتحبني ه هذا الحب مثله كدامهم موو كدامي مم ماااشي ي ياا حضرة الضابط ؟؟؟
كيان : تقرب عليهاا ومسح دموعهاا بظهر اصبعه السبابة وكال وهو يبتسم بحزن .. هه هواي تهمني ولابعد الحدود
هدى : ابتسامته عبالك مال واحد شايل هموم الدنيا فوك راسه رجعت حطيت ايدي ؏ـلىْ وجهي وكمت ابجي احس نفسي مخنوكة مِـــنْ كلشي
كيان : هدى كافي ميصلح هالبجي كتلج ادعيلها
هدى : ٲنِـي ماجاي ابجي ؏ـلىْ حنين
كيان : رفع حاجبه ... لعد عليمن ؟؟
هدى : وخرت ايدي عن وجهي ... يـ؏ـني شنوووو حتى البجي ممنوع حرام الواحد يبجي عوفني بحالي
كيان : اول شي ٲنِـي خاطبج مِـــنْ اهلج وانتي وافقتي ف هســهہ يـ؏ـني انو ٲنِـي خطيبج وثاني شي قريباً راح نعقد واصير زوجج بالشرع والقانون
ف المفروض اعرف كلشي عنج واذا سألتج شي تجاوبيني ماشي ولو ماعتقد اكو شي ماعرفه عنج
هدى : عقدت حواجبي وكتفت ايديه ... اي بلة شلون تعرف كلشي عني ؟!
كيان : طلع جكارة مِـــنْ جيبه وفتحها .. اسأليني اي شي عنج واني راح اجاوب
هدى : شكد ؏ـمري هســهہ ؟؟؟
كيان : 20 سنهہ
هدى : رفعت حاجبي ... شنوو ادرس ؟
كيان : صيدلة
هدى : يامرحلة ؟
كيان : مرحلة ثانية
هدى : شنوو لوني المفضل ؟
كيان : بنفسجي
هدى : ياا الله شنوو هاي منين يعرف كل هذا اففف .... شنوو اكلتي المفضلة ؟
كيان : مقلوبة
هدى : ضجت ... انت منين تعرف كل هذا !!!!
كيان : ليـشہ بطلتي اسألي بَــ؏ــد واذا تردين احجيلج حياتج مِـــنْ إِنتِــي صغيرة لحد هاللحظة ماعندي مانع
هدى : نرفزني برودة ... ليـشہ دوم تحب تعصبني وتحرك اعصابي
كيان : إِنتِــي سألتيني واني جاوبتج وين حرك الاعصاب
هدى : ياا الله راح يجلطني ... عن اذنك عفته ودخلت للبيت صعدت لغرفتي
كيان : ابتسم ؏ـلىْ حركاتها وشلون عصبت جر جسرة ... شيصير لوو تحسين بيه شوية راح للممر وكف يم ابو وعمه والولد شوية ودخلوا للبيت شربوا جاي الكل جان موجود
ابو كيان : هداوي
هدى : هاا عموو
ابو كيان : شوكت ان شاءالله نزوجكم إِنتِــي وكيان
هدى : كلب وجهي الوان والانظار كلها صارت عليه ماعرفت شكول ... ه هاا عع عموو مم ماا عرف بب بكيفكم
كيان : وهو يباوع ؏ـلىْ هدى ... يابه ان شاءالله بَــ؏ــد اسبوعين نعقد
ابو كيان : خووش لعد ابدوا حضروا مِـــنْ وكت حتى براحتكم
عادل : اي صح بابا هدى ارتاحي كم يوم مِـــنْ الهوسة مال عرس حنين وابدي حضري
هدى : گـلـبـي كام يدك سريع وحسيت نفسي ردت ابجي يـ؏ـني سوة البراسه وماسمع كلامي وصدك معتبرني خدامة عنده ... م مم ماشي
كيان : كام وكف ... هدى تـ؏ـالي وراي اريد احجي وياج وراح للمطبخ
أيمان : كومي ماما شوفي شيريد
هدى : ان شاءالله ... رحت ورا للمطبخ واحس نفسي ؏ـلىْ اقل حجاية راح اكوم ابجي بالكوة لازمة نفسي دخلت للمطبخ جان واكف
كيان : تقربي ماراح آكلج
هدى : تقربت يمة
كيان : اسمعيني للاخير ولا تقاطعيني بالبداية اعرف انوو كلتي ليـشہ ما اهتم لكلامي وليش ماخلا بَــ؏ــد شهر وهو معتبرني خدامة و و و الخ ، اول شي مِـــنْ سابع المستحيلات اعتبرج خدامة ولا حتى بمجرد تفكير إِنتِــي بالنسبة الي اصلا اميرة وشحده اللي يعتبرج خدامة ، ثاني شي اللي راح يصير بَــ؏ــد اسبوعين هو عقد وحفلة واني قربته حتى بعدين العرس شوكت ماتردين يصير اللي يعجبج بس عندي سؤال واحد واريد جوابه بس كون جواب مقنع إِنتِــي ليـشہ كارهتني لهاي الدرجة ؟؟
هدى : صدمني بكلامة وشلون يعرفني ويعرف بشنو افكر اصلا يعرف كلشي عني اما مِـــنْ سألني ف نزلت راسي ومادري بشنو اجاوبه ظليت ساكتة
كيان : هدى لا تظلين ساكتة جاووبيني مِـــنْ حقي اعرف السبب ؟!
هدى : كتله واني افرك بيديه ومدنكة راسي ... مم ماعندي جج جواب
كيان : تنهد ... ماشي براحتج لا تجاوبين
هدى : كال هيج وعافني وطلع مِـــنْ المطبخ سمعتهم كاموا يسلمون رحت يمهم سلمت عليهم وطلعوا واني صعدت لغرفتي وكالعادة تفكير تفكير تفكير