يساكن بالي شكد احبك

البارت الحادي عشر

گتلهہآ آلشـفآيف
تحلئ مـن تنبآس❤🦋
_____________

محمد : حبيبي خلي نسوي العرس صارلنه شهرين ونص موو كافي
حنين : محمد ليـشہ مستعجل
محمد : حنين اخخ لوو يمي جان كفختج والله ، شهرين ونص مستعجل ، ولج اريدج يمي حسي بيه
حنين : اممم ماشي خلي بَــ؏ــد اسبوعين ولو ٲنِـي ماراضية بس لخاطرك
محمد : كوولي والله
حنين : اي والله
محمد : يمة ارووحلج فـدوﯢهہ ولج والله احبج واتمناج يمي اليوم قبل باجر
حنين : خجلت ... واني هم احبك وحاسه بيك ... ظلينه نحجي بعدين سديت المكالمة كمت نزلت جوة لكيتهم كلهم كاعدين بالصالة اتفقنه ٲنِـي ومحمد هوو راح يبلغ اهله واني ابلغ اهلي حجيت
حنين : ااا بابا
عادل : هاا حبيبتي
حنين : اا اتفقنه ٲنِـي ومحمد نخلي العرس بَــ؏ــد اسبوعين
حور : موو حيل مستعجلين لو اني غلطانه؟؟ يعني قصدي راح تلحكون تحضرون كلشي بأسبوعين؟
هدى : اي صح كلام حور راح تلحكون
عادل : براحتكم بابا اذا تلحكون هذا هو
ايمان : الله يقدم اللي بي الخير ان شاءالله
الكل : ان شاءالله

حور : بلغتنه حنين بموعد العرس بَــ؏ــد اسبوعين استغربت وضجت لان حيل مستعجلين وبنفس الوقت مِـــنْ هســهہ راح اشتاق لحنين ماعرف شلون راح افاركها حنين اقرب الي مِـــنْ هدى افف حنت حاطة تلفوني بحجري وصلني اشعار فتحته لكيت زيد دازلي رسالة استغربت وكلبي بدة يدك سريع دخلت ؏ المحادثة دازلي صورة وكاتبلي ..
زيد : هاي الصورة اليوم اخذتها حبيت آخذ رأيج بيها قبل ما انشرها
حور : ابتسمت وعقدت حواجبي شمعنى ٲنِـي ياخذ رأيي ، الصورة جانت تجنن بمعنى الكلمة ورد واشجار كتله ... تجنن😍
زيد : يـ؏ـني انشرهاا؟؟
حور : ايي كلش حلوووة والله
زيد : مِـــنْ ذوقج🌹
حور : انطيته لايك ؏ـلىْ رسالته وهو اختفى ٲنِـي سديت التلفون وابتسمت ورجعت اباوع ؏ التلفزيون بس ظليت افكر بي طبعاً اني مشايفتة لان هو دائماً مِـــنْ ينشر صور اله مايطلع شكلة كامل دائماً يطلع نص وجهة ومع انوو يطلع بس نص وجهة بس شنوو يجنن لوو يطلع شكله كامل شلون .....
______________

علي : اخخ ياربي ماجاي تروح مِـــنْ بالي شسوي مِـــنْ شفتها لليوم واني لا ليلي ليل ولا نهاري نهار اكيد مستغربين شجاي احجي وهسة ٲنِـي راح افهمكم بس خلي نرجع بالزمن ليورة شوية ...
بيوم حفلة العقد مال محمد وحنين(ماشاء الله ؏ـلىْ حفلتهم جمعت هواية حبايب😂) مِـــنْ رحت اجيب حنين مِـــنْ الصالون صعدت وياي بنية استغربت منوو هي وحسب ماسمعت مِـــنْ حجي البنات بالسيارة هاي اخت محمد الثانية اسمها زهراء اويلي يا زهراء مِـــنْ صعدت وهي مدنكة راسها وحاطة شال حيل خفيف ؏ـلىْ وجها ظليت اباوع عليها مِـــنْ المراية الى ان وصلنه ورفعت راسها ملامحها تقريباً مبينه مِـــنْ الشال لان كلش خفيف ظليت صافن عليها شنوو مِـــنْ جمال شايلته نزلن البنات واني هم نزلت وراهن دخلت لغرفة الخطار عقد السيد لحنين ومحمد وخلص وكام محمد دخل حتى يلبسون الذهب ٲنِـي كمت طلعت للممر والتلفون بيدي عطشت رحت للمطبخ اريد اشرب مي دخلت واني مدنك ؏ـلىْ التلفون الى ان سمعت واحد شهك بسرعة رفعت راسي وياريت مارفعته شنو هذا الملاك اللي كدامي صفنت عليها ، شفت زهراء كدامي وهي خايفة ومرتبكة وحسيتها راح تبجي انتبهت ؏ـلىْ نفسي وبسرعة درت وجهي وكلت
علي : ٲنِـي اسف ما انتبهت ماعبالي اكوو احد هناا بس عطشت واجيت اشرب مي
زهراء : ه ه هاا ل ل لاا ااا اني اسفة وو عادي ماصار ش شي وراحت تركض
علي : التفتت ماهي راحت ااااخ شسوت بيه شربت مي ورجعت طلعت رحت لغرفة الخطار واني بس افكر بيهاا وشكلهاا ابد ماراح من بالي خلصت الحفلة والكل راحوا مرت ايام واني مِـــنْ الصبح لليل افكر بيها بحيث ابد مجاي تروح مِـــنْ بالي ماعرف يمكن هذا اللي يكولون عليه حب مِـــنْ اول نظرة هههه الى ان بيوم اهل محمد عزمونة ؏ـلىْ الغدة مادري جان اكوو بداخلي فرحة انوو راح اشوفها مِـــنْ جديد رحنه لبيتهم وصلنا ونزلنا فتحلنه الباب محمد سلمنه عليه ودخلنه بَــ؏ــد السلام والكلام كعدنه وبدوا يسولفون ومحمد كعد يمي وظلينه نسولف الى ان اجه ملاكي وهو مدنك شايل بيده صينيه بيها مي وصلت يمي قدمتلي وهي مدنكة راسها واني صافن عليها كلشي بيهاا حلوو واني مامخبلني غير خجلها قدمتلي وشردت راحت للمطبخ ، ظلينة كاعدين سالفة منا وسالفة منا الى ان صبوا الغده وكعدنه نتغده جاي اكل رفعت راسي واجت ؏ـيني بعينها هي بسرعة دنكت راسها ابتسمت ابتسامة خفيفة ؏ـلىْ حركاتها وكملت اكلي وكل شوي ارفع راسي اباوعلها شلون تاكل خلصنة اكل لموا السفرة وهم اجتي هي قدمتلنه جاي بعدين الكل تجمع البنات سوة واحنه الشباب سوة والكبار سوة اباوع عليها شلون تضحك وتسولف مِـــنْ فـدوﯢهہ اروح لهاي الضحكة انتبهت عدها غمازة بخدها الايمن يا الله راح تجلطني هالبنيه كلشي بيها حلوو ماكدر ارفع ؏ـيني عنها ٲنِـي علي شكد مارات عليه بنات بحياتي بس ابد ماحسيت هيج احساس خلصت الكعدة وكمنه سلمنه عليهم وطلعنه ركبنه بالسيارة واني ؏ـيني عليها هي شافتني وراحت تركض طبت لجوة اووف يكلبي شسوت بيك ....

زهراء : هلوو شلونكم ٲنِـي زهراء للي مايعرفني خلي يرجع للبارت الرابع هناك عرفت ؏ـلىْ نفسي ... طبعاً ٲنِـي مِـــنْ البنات اللي احب اعيش قصة حب حلووة مثل الافلام والروايات والكه شخص يحبني ويخاف عليه ف بيوم من الايام اللي هو جان حفلة العقد مال اخوي محمد وحنين لمن راد يدخل محمد يلبس حنين الذهب ٲنِـي رحت للمطبخ حتى اشرب مي ، شربت مي ورجعت الكلاص درت وجهي اريد اطلع وشهكت شفت رجال واكف ومدنك يلعب بتلفونه واني ماساترة نفسي وية شهكتي هو رفع راسه بسرعة وظل صافن عليه واني متت مِـــنْ الخوف حسيت روحي اريد ابجي مِـــنْ هذا الموقف اللي انحطيت بي مِـــنْ رفع راسة وباوعلي شفته هذا علي اخو حنين  اللي وصلنه ٲنِـي جمدت احس نفسي بَــ؏ــد ماكدر اتحرك مِـــنْ مكاني وكلبي حسيته كسر القفص الصدري مِـــنْ قوة دكاته هو انتبه ودار وجه وكال اسف ماعبالي اكو احد ما انتبهت اني بكلبي كلت اي اكيد حضرتك مامنتبه اذا لازم التلفون وتمشي بعدين كتله واني مرتبكة وارجف مِـــنْ الخوف لا ؏ـادي ماصار شي واني اسفة مادري شحجيت وشكلت درت وجهي وشردت طلعت اركض همزين ما وكعت ؏ـلىْ وجهي مِـــنْ ورة الكعب وكفت يم الدرج وحطيت ايدي ؏ـلىْ گـلـبـي واجر نفس بعدين رحت اباوع لحنين ومحمد فـدوﯢهہ شكد حلووين مادري ليـشہ اجه ببالي علي خجلت واني اتذكر موقفي وياا هزيت راسي احاول انسى ... خلصت الحفلة ورجعنه للبيت صعدت لغرفتي مسحت المكياج وسبحت لسبت بجامة برموده ورحت تمددت ؏ـلىْ الفراش وموقفي وية علي ابد مجاي انسى ، مر يومين واليوم عازمين اهل حنين ؏ الغدة واني مرتبكة وخجلانة شلون راح اشوف علي مرة ثانية بَــ؏ــد ذاك موقفي ويا وصلوا لبيته وكعدوا سماء كالتلي اروح اقدملهم مي افف سماء مو وكتج والله هوو ٲنِـي بالكوة حاي احاول حتى ماشوف علي اخذت صينية المي ورحت اقدملهم وصلت لعلي وعيونه اكلتني اكل بس ييباوع عليه متت مِـــنْ الخجل حتى حسيت الصينية راح توكع مِـــنْ ايدي قدمتله وشردت للمطبخ وكلبي يدك الف دكة بالدقيقة ابد مباوعت بوجهة بعدين صبينه الغدة وكلهم كعدوا ٲنِـي رحت كعدت يم ماما وعلي صار مقابيلي كاعد اكل رفعت راسي صدفة وصارت ؏ـيني بعينه ٲنِـي بسرعة دنكت راسي يا الله والله استحي ليـشہ هيج جاي يصير وياي كلما ارفع راسي احس عليه يباوعلي بس اسوي نفسي مامنتبهة خلصنه غدة ولمينه السفرة ورحنه للمطبخ احنه البنات نغسل المواعين ونعزل المطبخ ونسولف وهم طاح توزيع الجاي براسي شهالحظ هذا اللي عندي وهم اخذت الصينية ورحت اقدملهم ابد مارفعت راسي قدمتلهم ورجعت للمطبخ مع انوو هم حسيت عليه يباوعلي خلصنه ورحنه يمهم كعدنه احنه البنات نسولف ونضحك رفعت راسي انتبهت ؏ـلىْ علي يسولف وية محمد ويضحكون بس والله هوو حلوو وكشخة وشخصية نزلت راسي ما اريده ينتبهلي صنفنه على حنين وضحكنه شوية وكاموا سلموا وطلعوا ٲنِـي وكفت يم الباب شفت علي يباوعلي صدك استحيت درت وجهي وطبيت ركض للبيت صعدت لغرفتي واني افكر بي ..

...............................

يحلوين لهنا يخلص البارت
وقبل ماتحجون ادري كصير وتأخرت بنشرة بس هذا البارت كلت خلي احجيلكم بي قصة علي وزهراء💜
ان شاءالله يعجبكم
والبارت الجاي راح يكون طويل كلش لعيونكم وهم يعتبر تعويض واني اصلا هذا البارت ماردت انزلة اليوم بس لخاطر البنات اللي كاللي نزلي هســهہ💜☹️
اذا اكو اخطاء املائية يرجى التغليس😂
(1240 كلمة)