သူမ သိေစ..... (Z+U)

Part - 23 (Unicode)

[Unicode]
(လွန်ခဲ့သောမိနစ်အနည်းငယ်ခန့်........⏰)

ကားမောင်းလာသည့်လမ်းတစ်လျှောက်လုံး မိုးတွေ
သည်းသည်းမဲမဲရွာချနေပြီးမှောင်နေသောကြောင့်
ဖြည်းဖြည်းမောင်းလာခဲ့ရသည်။အထွန်းအိမ်ရှေ့သို့
ရောက်သောအခါ ကားတစ်စီးထိုးရပ်ထားတာကို
တွေ့လိုက်သောကြောင့်ထိုကားအနောက်တွင်မြတ်ရဲ့
ကားကိုရပ်လိုက်ပြီးထီးဖွင့်ကာကားပေါ်မှဆင်းလာခဲ့
သည်။ကားပုံစံကြည့်လိုက်တော့လဲ မှန်တံခါး sticker မှာအမည်းရောင်ဖြစ်နေသောကြောင့် အထဲ
သို့မမြင်ရ။အိမ်သို့လှမ်းကြည့်လိုက်သောအခါ
အိမ်ရှေ့မီးရောင်လေးမှာမှိန်မှိန်လေးပင်။ထို့နောက် ခြံတံခါးဆွဲဖွင့်၍ ဝင်လာခဲ့ရာ အိမ်တံခါးမှာ ခပ်ဟဟကလေးပွင့်နေသောကြောင့် အထွန်းရှိနေပြီဆိုတာ
သေချာသည်။မြတ်လဲ အိမ်လှေကားလေးပေါ်သို့
အမြန်တတ်ကာထီးပိတ်၍ အိမ်ထဲသို့ဝင်လာလိုက်
သောအခါ မြင်ရသောမြင်ကွင်းမှာ မြတ်ရဲ့ခေါင်းပေါ်သို့ မိုးကြိုးပစ်ချလိုက်သလိုပင်။မြတ်ရဲ့ခြေလှမ်းတွေဟာ သူတို့ဆီကို သွားရမလိုလို မသွားရမလိုလိုနှင့် တုံ့ဆိုင်းတွေဝေနေသည်။မြတ်ရဲ့ရင်ထဲမှာလဲ
ဗလောင်ဆူနေသည်။

ဘာလို့ မြတ်အပေါ်သူဒီလောက်ရက်စက်ရတာလဲ......
မြတ်ကို သူ မုန်းသွားပြီလား...... မြတ်ရဲ့အချစ်တွေက
သူ့အတွက် အစိမ်းသက်သက်ဖြစ်သွားပြီလား......
နှုတ်မှစကားလုံးတွေထွက်ဖို့ အတင်းကြိုးစားယူနေ
ရကာ........

" နှစ်ယောက်လုံး အဲ့ဒီ့မှာ ဘာဖြစ်နေကြတာလဲ''

အားယူပြီးအသားကုန်အော်လိုက်သောအသံကြောင့်
နှစ်ယောက်လုံးကြည်နူးနေရာမှ လန့်ဖြတ်ပြီး မြတ်
ဘက်သို့လှည့်လာသည်။အထွန်းရဲ့ပုံစံမှာ သွေး
ပျက်သွားသည့် ပုံစံဖြစ်သွားသောကြောင့် အဝေးက
ကြည့်နေရတာနဲ့သိသာသည်။သူနဲ့ဖောက်ပြန်နေ
သည့်သူမှာလဲ ဘုဏ်းသစ်ဖြစ်နေသောကြောင့် မြတ်
ရဲ့အသည်းနှလုံးကိုဆွဲဆုပ်ပြီး နှစ်ယောက်လုံးအက်
ဆစ်နဲ့ပတ်နေသလိုပင်။ရင်ထဲမှာ အင်မတန်ခံစားရကာ မြတ်အပေါ်သစ္စာမရှိကြတဲ့လူနှစ်ယောက်ကို
ကြည့်ရင်း အံ့သြမိသောကြောင့် ဘာစကားလုံးတစ်
လုံးမှ ပြောမထွက်နိုင်တော့ဘဲ သူ့အိမ်ရှေ့မှ ပြေးပြီး
ထွက်လာခဲ့သည်..........။