Royals: Misfits

epilogue

Napuno ng ingay ang buong lobby dahil sa mga estudyanteng mga kasama ko na excited na rin sa moving up ceremony. Napag-desisyunan ng Asplund na mairaos ang moving up ceremony ng mga Grade 10 students sa theater dahil kasya naman kami doon at hinahanda rin ang gym para sa mga graduating Senior High students.

Nang magbigay na ang hudyat ang isa sa mga guro namin, nagsimula na kaming mag-martsa patungo sa theater. Binigyan ko ng huling sulyap si mama sa tabi ko, na nginitian lang ako bago siya nawala sa paningin ko.

Kahit pa sinabing dapat tahimik kami pagpasok sa practice, rinig ko pa rin ang bulungan ng mga katabi ko hanggang sa mahanap na namin ang aming mga upuan.

Nanlamig ang mga kamay ko nang pagmasdan ang stage na puno ng dekorasyon at bulaklak. Sa gitna ay may nakahilerang upuan kung nasaan ang iilang mga pamilyar na guro at staff ng Asplund, at sa gitna ay nakaupo si Dean John Oliver Mendez, may isang matamis na ngiting nakaguhit sa labi nito.

Nagsimula ang seremonya mula sa mga mensahe ng mga guro at ni Dean. Ngiting-ngiti akong naghintay hanggang sa tawagin na ang section namin para isa-isa kaming bigyan ng diploma. Pumila ang lahat sa tabi ng stage, lalaki ang mauuna, at mga babae pagkatapos, na alphabetically ordered.

Ngiting-ngiti akong nag-hintay para matawag, pero mas na-exite yata ako para tawagin yung pangalan nina Allison.

"Mendez, Enrico D!" ngising-ngising tinanggap ng lalaki ang certificate, at binigyan nga siya ng magarbong palakpakan ng mga estudyante. Naantig naman ako sa itsura ni Dean na halatang napakasaya para sa kanya.

"Medina, Alexid Jenina P!" umakyat ako sa stage, pero gulat ng biglang magsi-palakpakan ang mga estudyante. Natawa pa ako ng makitang pilit silang sinusuway ng teacher sa babae na manahimik.

E wala, masaya kami ngayong araw na 'to!

"McGuire, Daryll P!" tulad ni Enrico, nakangisi rin itong tinanggap ang certificate, kasama ang hiyawan ng mga babae sa audience. Amp*ta.

"Rodriguez, Cosine T!" isa pa 'tong lalaking 'to na nakuha pang sumulyap sa'kin ay binigyan ako ng kindat! Kelan ko ba 'to tinuruan lumandi?!

"Sylvia, March Isidro S!"

"Torrealba, Aira C!" ang dalawang mag-bestfriend ay nabigyan rin ng magarbong palakpakan. Lalo na nang umakyat ulit ang dalawa para tanggapin ng kanilang mga academic award: Outstanding Leadership Award kay March as SSC JHS Vice President at Model Student Award kay Aira sa section nila.

Pero ang hindi ko talaga inaasahan, ay nang matawag ang pangalan ni Allison.

"Carpio, Allison Marcian A!"

Halos tumayo ang lahat ng nasa theater para bigyan siya ng magarbong palakpakan! Pero hindi ko alam kung anong mararamdaman ko nang makitang bigyan siya ng mabilis na yakap ni Dean Mendez. Pagkatapos noon, nakita ko pa siyang sumulyap sa mga estudyanteng nakatayo, a small smile playing on her lips.

Naulit pa 'yon noong umakyat muli siya ng stage para makatanggap ng mga academic awards: Excellence in TLE-ICT, Excellence in English, Excellence in Science, Excellence in Mathematics and Model Student Award.

Halos mapanganga ako sa dami ng natanggap niya. Umakyat siya sa stage with her mother, who looked so proud staring at her habang sinusuotan siya ng sangkatutak na medalya.

Allison looked back at the audience as if she was trying to remember it all. As if she would not be there after the ceremony. And it's true.

As part of the deal.

Noong araw ng deliberation niya, sinabi ni Alli na napag-usapan nila ang tungkol nga sa expulsion niya. I didn't know what came into Dean pero hindi na siya pinatawan ng expulsion ngayong ga-graduate na siya.