FIFTY TWO
Copyright © Marco Jose (SiMarcoJoseAko)
"Oh? Ano na naman ang ginagawa mo rito?" Mataray kong tanong kay Din ng mamataan ko ito sa may sala namin. Kausap niya si Eugine at agad na napataas ang kilay ko dahil ngayon ko lamang silang nakitang nag-usap.
"Sinusundo ka! Dalawang buwan ka rin nawala at hindi mo man lang sinabi na babalik ka na roon! Alam mo bang nagwawala na si Travis kakahanap sa'yong babae ka?" Inis niya namang sagot sa akin. Napangiti naman ako ng wala sa oras. Buti nga sa kanya!
Kababalik ko lamang galing America para tapusin ang finals ko. Mukha kasing gusto na ulit ni Daddy na dito na ulit kami manirahan sa Pilipinas. Narinig ko nga sila noong isang gabi na nagtatalo sila ni Mommy tungkol doon. Normal na naman 'yon sa kanila pero kahit na ganoon ay kinakabahan pa rin ako.
"Oh? Nagbigti na ba siya?" Tanong ko kay Din habang kumukuha ng isang mansanas sa lamesa. Nagsalubong naman ang mga kilay ko ng hindi siya sumagot at ng tignan ko ang pwesto nila ay nakangiting nag-uusap sila ni Eugine.
Kumuha naman ako ng isang piraso ng ubas at binato iyon sa kanila. "Ang lalandi n'yo!" Natatawa kong sabi sa kanila. Sinimangutan lamang ako ni Eugine habang inirapan naman ako ni Din.
"So, see you then?" Nakangising tanong ng kapatid ko kay Din. Ngumiti naman si Din at tsaka sumagot sa kanya.
"Sure, anytime." Ngiting-ngiting sagot niya sa kapatid ko.
Wala akong nagawa kung hindi panoorin lamang ang paglalandian nilang dalawa. Tinignan ko na lamang ang cellphone ko at napasin kong puro tawag iyon ni Travis. Hindi kasi ako nagparamdam sa kanya ng isang buwan at sinadya ko iyon para magdusa siya.
"Tara na, Din. Bubulabugin pa natin si Heena at baka mamaya ay nabuntis na iyon ni Axcel." Sabi ko sa kanya sabay hila sa buhok niya. Umirap lamang siya ulit sa hangin at tsaka malanding nagpaalam sa kapatid ko.
"Ba naman 'yan, Jeorge! Nag-eenjoy na akong kausapin ang kapatid mo eh." Inis niyang sabi sa akin. Binatukan ko naman siya.
"Malandi iyon, h'wag 'yon." Sabi ko sa kanya. Lumabas na kami ng bahay namin at dumiretso sa sasakyan niya. Tinatamad kasi akong magdrive ngayon.
"Ayos lang, malandi rin naman ako." Nakangising sagot ni Din at tsaka siya pumasok sa may driver's seat. Umirap lamang ako at pumasok na rin sa sasakyan.
Nakarating kami sa bahay nila Heena at wala akong ginawa kung hindi ang sabunutan siya ng sabunutan. Ang tagal niyang hindi nagpakita sa akin!
"Gaga ka! Ano virgin ka pa ba?! Baka mamaya niyan kung saan-saan n'yo na lang ginagawa ni Axcel ang mga kahalayan n'yo sa buhay! Naku talaga, Heena. Kapag nalaman ko lang na minomolestya ka ng gagong 'yon, walang pag-aalinlangan kong babalatan siya ng buhay!" Diretso kong sabi sa kanya. Namula naman ang mukha niya at mas lalong lumabas ang ganda niya dahil doon.
"Iyong bibig mo, Jeorge!" Namumula naman niyang sabi.
"At bakit, aber? Baka mamaya niyan alam n'yo na ang iba't ibang posisyon at magulat na lang ako najuntis ka na ng kumag na 'yon! Sinasabi ko talaga sa'yo, Heena. Hindi ka pa umaabot ng thirty ay lumba-lumba ka na! Aanakan ka lang ng aanakan niyan!" Histerikal na sabi ko sa kanya.
"Grabe ka naman, Jeorge!" Tumatawang sabi ni Din sa akin.
"Bakit? Totoo naman ah! Tsaka ikaw ring babae ka, baka magulat na lang ako na buntis ka na at hindi mo pa malaman kung si Allen o kapatid ko ba ang ama! Isa ka rin eh!"
"Jeorge! Magtigil ka na nga sa mga pinagsasabi mo! Para ka kamong sira." Humahalakhak na sabi ni Din at ganoon din si Heena. Wala naman na akong nagawa kung hindi ang makitawa rin sa kanila. Namiss ko ang mga babaeng 'to.
