"အင်း....ရှိတယ် .."
တကယ်တော့ မင်းစိုးအနေနဲ့က ဇိမ်းသိချင်နေလောက်မယ်ထင်လို့ မေးပေးတာပေမယ့်လည်း ဒီလိုအဖြေဖြစ်နေလိမ့်မယ်လို့တော့ မထင်ထားဘူးလေ။ ဇိမ်းကတော့ မျက်နှာတစ်ချက်ပျက်သွားပေမယ့် ချက်ခြင်းမျက်နှာပြန်ပြင်ပြီး ဘာမှဝင်မပြောပဲ ပန်းရောင်သွေးအတွက်သာ ပုဇွန်တွေအခွံခွာပေးနေလေရဲ့။
"တကယ်လား"
အင်တင်တင်နဲ့ မင်းစိုးထပ်မေးလိုက်တော့
အနီသွေးကလည်း ခပ်တည်တည်နှင့်ပင် ထပ်ဖြေလာသည်။
"အင်း..ဂျပန်မှာကျောင်းတတ်နေတာ
ပြန်လာရင်တော့ လက်ထပ်ဖြစ်မယ်ထင်တယ်"
အနီသွေးရဲ့ အထစ်ငေါ့မရှိတဲ့ အဖြေကြောင့် မင်းစိုးတို့သုံးယောက် ဇိမ်းအားပြိုင်တူကြည့်လိုက်မိကျသည်။ ဇိမ်းကတော့ တစ်ခွန်းမှမပြောပဲ ပန်းရောင်သွေးကိုသာဂရုစိုက်နေပေမယ့် အကြောင်းသိနေတဲ့သူတို့က ဒင်းရင်ထဲဒူးရင်းသီးတွေသီးနေမှာကိုသိနေသည်။ ဇိမ်းအစားရင်ခံနေရင်းနဲ့ပဲ
တစ်ခြားအကြောင်းတွေလည်း ပြောဖြစ်ကျပြီး တဖြေးဖြေးနှင့် စကားဝိုင်းကပြောရတာမခက်ခဲတော့ပဲ လေထုကပြေလည်လာသယောင်ရှိတာဖြစ်လို့
အနီသွေးနဲ့ တော်တော်များများမေးဖြစ် ပြောဖြစ်ခဲ့ကျသေးသည်။
" ပြန်လိုက်ဦးမယ်"
"အာ...ပြန်တော့မှာလား"
စကားပြောကောင်းနေတဲ့ကားကားက အစောကြီးရှိသေးလို့မပြန်စေချင်သေးပေမယ့် တားတော့လည်းမတားရဲပေ။ တကယ်ဆို အနီသွေးတို့ရောက်တာ တစ်နာရီတောင်မပြည့်သေးဘူးလေ။ပြီးတော့အနီသွေးက အစားသောက်တွေကိုလည်း စားတယ်ဆိုရုံလေးပဲစားတာ။
"ကျွန်တော်လိုက်ပို့မယ်လေ"
အနီသွေးတို့နဲ့အတူ ဇိမ်းကပါထရပ်ကာပြောတော့ နီသွေးအကြည့်စူးစူးက ဇိမ်းစီဒိုင်းခနဲ။
"သူများကြားရင် အရမ်းဝေးတယ်ထင်သွားဦးမယ် "
အနီသွေးဘာပြောပြော ဇိမ်းကတော့ခါတိုင်းလိုဖြီးနေရင်းနဲ့ပဲ ...
"လာပါ ကျွန်တော်ကလိုက်ပို့ချင်နေတာပဲကို"
ပြောလည်းမရမှာသိနေလို့ အနီသွေးဘာမှပြောမနေချင်တော့။ ဒီလိုနဲ့
အပြန်လမ်းမှာ ဇိမ်းရောပါသွားတော့တာပဲ။
ပန်းရောင်သွေးကို အလယ်ထားလို့ ကြည်နူးစရာမိသားစုလေးလို ပြန်သွားတဲ့ ထိုပုံရိပ်ကိုကြည့်နေရတဲ့ မင်းစိုးတို့ကသာစိတ်မသက်မသာဖြစ်နေရရင်း..
YOU ARE READING
ႏွင္းဆီပုံျပင္/နှင်းဆီပုံပြင်(Completed)
Romanceလူ့ဂွစာနှင်းဆီခြံပိုင်ရှင်ကြီးနဲ့ ခပ်ဆိုးဆိုးအချွဲစိန်ကောင်လေးတို့အကြောင်း...။ ### လူ့ဂြစာႏွင္းဆီၿခံပိုင္ရွင္ႀကီးနဲ႕ ခပ္ဆိုးဆိုးအခြၽဲစိန္ေကာင္ေလးတို႔အေၾကာင္း...။
