ကလေးအတွေး.....episode 4
===================သက်တန့်တို့ လက်ဘက်ရည်ဆိုင်သည် အိမ်နှင့် တွဲဖွင့်ထားသောဆိုင်ဖြစ်သည်။
ပေ၆၀ပေ၅၀ခန့်မျှကျယ်သော ခြံဝင်းကို ရှေ့တွင် နှစ်ထပ်တိုက်ဆောက်ထားပြီး အပေါ်ထပ်တွင် သူတို့မိသားစုနေ၍ အောက်တွင် လက်ဘက်ရည်ဆိုင်ဖွင့်ထားခြင်းဖြစ်သည်။ဆိုင်၏အနောက်တွင်တော့ waiter အလုပ်သမားမ်ားနေရန် တန်းလ်ားလေးရှိသည်။ခြံ၏သုံးပုံနှစ်ပုံလောက်ကိူ လက်ဖက်ရည်ဆိုင်ကလွှမ်းခြုံ၍ထားသည်။စိတ်ပျက်အားငယ်စွာပင် ကားပေါ်ကဆင်းသည်နှင့် လေးတိလေးကန်ဖြစ် သက်တန့်ကဆိုင်အတွင်းသို့လှမ်းဝင်သည်။ကောင်တာတွင်မေမေတို့ကိုမတွေ့ရပေ...။အပေါ်ထပ်တွင် ဘုရားရှိခိုးနေခြင်းဖြစ်နိုင်သည်။
''ပြန်လာပြီလားဟင်.......''
ခရီးရောက်မစိုက် လုံ့လဝိရိယရှိကာ ဆိုင်တွင်စောင့်ကြိုနေသော ကြည်သာက သက်တန့်ကို စပ်စပ်စုစုလေးမေး၏။ကြည်သာသည်လဲ သက်တန့်ကြုံနေရသော အခက်အခဲကိုသိမဲ့ပုံမပေါ်....။သိနိုင်မည်လဲမဟုတ်......။သိပြန်ရင်လဲ သူ့ကိုပြန်လှောင်မည်ဆိုးသောကြောင့် သက်တန့်က မဖွင့်ပြောတော့ပဲ......ခြေပစ်လက်ပစ်ပင် ကောင်တာဘေးဝိုင်းရှိ ကြည်သာထိုင်နေရာစားပွဲတွင်ဝင်ကာထိုင်သည်။
''မင်းမပြန်သေးဘူးလားကြည်သာ...ဘာလုပ်နေတါလဲမှောင်နေပြီ.......''
''မင်းကိုစောင့်နေတာ အခြေအနေဘယ်လိုလဲ...အဆင်ပြန်ပြေသွားပြီလား.....''
အရမ်းကိုပင် စပ်စုလွန်းသောကြည်သာကို စိတ်မရှည်စွာပင် သက်တန့်က 'ဂေါက်'ခနဲမြည်အောင် ခေါင်းခေါက်ချလိုက်သည်။
''စောက်ကောင်ရယ်....ဒီကိစ္စတွေအကုန်မင်းကြောင့်ဖြစ်တာ....မသာကောင်ရဲ့သိလား....''
''ငါ့ကဘာလုပ်လို့တုန်း......''
အားနဲ့ခေါက်မှုကြောင့် နာကျင်သြားသော ခေါင်းကို ကြည်သာကပွတ်သပ်ရင်း သနားစွာဖြင့်စကားဆိုနေသည်။ဘယ်လိုပင်အသနားခံခံ သက်တန့် က ကြည်သာကိုကြည့်ရင်း အမြင်ကပ်လာသည်။ဒီကိစ္စတွေအကုန်လုံးသည် ကြည်သာကြောင့်ဖြစ်ရသည်။ပြသနာအရင်းအမြစ်သည် ကြည်သာဖြစ်၏။သူသာ ထိုနေ့က မကြွားခဲ့ရင် သက်တန့်လဲ ဂျေဝင်စရာအကြောင်းမရှိပေ...။ဂျေမဝင်၍ ဦးမြတ်ထန်နှင့်ကိစ္စကို အဟုတ်လုပ်ပြောဖြစ်မည်မဟုတ်....။ဟိုအရာရာစပ်စုတတ်သော အယ်ဒီတာသည်လဲ ကြားမှာမဟုတ်ပေ....။ဘာမှမဟုတ်သည့် အသေးအမွှားလေးသည် သည်လောက်ပင်ကြီးထွားသွားတတ်သည်လား......။ခုတော့ အမှိုက်ကစပြသဒ်မီးလောင်သကဲ့သို့ အိမ်တွင်ဘုရင်တစ်ပါးလိုနေခဲ့သော သက်တန့်ဘဝသည် နတ်သက်ကြွေကာ အိမ်ဖော်ဘဝရောက်ရတော့မည်။ဦးမြတ်ထန်ဆိုသည့်လူသည်လဲ မာနကြီးလွန်း၍ သူ့ကိုထိပါးထားသော သက်တန့်ကိုညှာတာမည်မဟုတ်မှန်းသက်တန့်သိသည်။
YOU ARE READING
ကေလးအေတြး
Romanceကြၽန္ေတာ့္အေတြးတစ္စသည္ အမွားျဖစ္ခဲ့သည္႐ွိေသာ္... သူႏွင့္ေတြ႔ဆံုလိုက္ရမႈေၾကာင့္ ထိုအေတြးမ်ားကို ကြၽန္ေတာ္ျမတ္ႏိုးသည္။ #သက္တန္႔ေသြး သံေယာဇဥ္သည္ရစ္ပတ္တြယ္တတ္မွန္း သိေသာ္လဲ ျဖတ္မရဆိုသည္ကိုေတာ့ ကြၽန္ေတာ္မယံုခဲ့ေခ်...