« អូ...អូយយ » សម្លេងត្អូញរហុឹសៗនៅក្នុងដើម.ករបស់រាងតូចដែលកំពុងតែអង្គុយនៅលើពូក ហើយនៅជិតគេក៏មានគូដណ្តឹងរូបសង្ហារអង្គុយស្អំមុខត្រង់កន្លែងដែលគេទះមុននេះឱ្យថ្នមៗ ។ Jungkook សកដៃទៅស្រាក់ម្រាមដៃចូលគ្នាជាមួយគេ បែបប្រាប់គេឱ្យទ្រាំសិន ព្រោះបើមិនស្អំវាអាចនិងហើមថ្ពាល់មិនខានទេ ក៏ដឹងថាកម្លាំងដៃខ្លួនគឺខ្លាំងណាស់ ។
« ជិតរួចហើយ » Jungkook បន្លឺឡើងតិចៗ ច្របាច់ដៃគេថ្នមៗ រួចក៏ដាក់ស្អំឱ្យគេបន្តទៀត ទាល់តែប្រកដចិត្តថាវានិងមិនហើមទើប Jungkook ឈប់ស្អំ ដឹងថាគេទ្រាំណាស់ ទោះជាឈឺក៏គេមិនព្រមប្រាប់ គិតតែពីក្រវីក្បាលរហូត ។
« គេងទៅ » គ្រាន់តែឮការនិយាយរបស់ Jungkook ភ្លាម រាងតូចរូបស្រស់ក៏ដាក់ខ្លួនគេងក្បែរកូនប្រុស ដាក់ដៃទៅអោបកូនជាប់ រួចក៏សំងំគេងតាមការប្រាប់របស់គេទាល់តែលង់លក់ ។
« បងសុំទោស Tae ទ្រាំតែបន្តិចទៀត អូននិងលែងពិបាកហើយ » បាតដៃមាំក្រាស់របស់អ្នកដែលមាននាមជាគូដណ្តឹងក៏សន្សឹមៗលើកទៅក្រសោបរង្វង់មុខតូចស្រទន់របស់ក្មេងតូចដែលគេងលង់លក់មកកាន់ថ្នមៗ អោនទៅថើបបបូរមាត់របស់គេមួយខ្សឺតយ៉ាងវែង ហើយក៏ហួសទៅថើបថ្ងាសកូនប្រុសមួយខ្សឺតទៀត ទើបគេដកខ្លួនដើរចេញទៅវិញបាត់ ។
« Jung »
« មានអ្វីមែនទេ Fang?? » Jungkook ងាកមុខមកញញឹមដាក់នាងបន្តិច មុននិងលើកចញ្ចើមសួរនាងតាមក្រោយ ។
« អូនសុំបងទៅដើរលេងជាមួយមិត្តភក្តិនៅខាងក្រៅបានទេ?? ល្ងាចបន្តិចអូនមកវិញណា » Jifang តបទៅគេវិញទាំងញញឹមស្រស់ ទើតជើងឡើងអើតទៅថើបថ្ពាល់គេមួយខ្សឺតទុកជាការយកចិត្ត ។
« ហេតុអ្វីមិនបាន ទៅចុះអូនសម្លាញ់ » ថាហើយ Jungkook ក៏អោនទៅថើបនាងមួយខ្សឺតវិញ បង្វែរខ្លួនដើរចូលបន្ទប់ធ្វើការខណៈដែល Jifang ក៏ដើរចេញទៅដែរ ។
« ហុឹស » គ្រាន់តែចូលមកដល់បន្ទប់ភ្លាម Jungkook ក៏យកកន្សែងមកបបូរមាត់ រួចក៏ហួសមកជូតថ្ពាល់ត្រង់កន្លែងដែល Jifang ថើបមុននេះចេញ ធ្វើដូចជាខ្ពើមរអើមណាស់ចឹង ។
« រីង រីង »
« អាឡូ!! Jeon Jungkook និយាយ » អ្នកកម្លោះលើកទូរស័ព្ទមកដាក់អឹបនិងត្រចៀក រួចក៏ដើរទៅបើកកុំព្យូរទ័រពិនិត្យមើល ។
YOU ARE READING
💗គូដណ្តឹងចងចិត្ត🔐 ( Complete ✅ )
Romanceទោះបីជាគេមានសព្វនាមជាមនុស្សឆ្គួត ក៏គេមិនដែលភ្លេចពាក្យថា"បងស្រឡាញ់អូន"ដែរ Jeon Jungkook x Kim Taehyung Author : AERA ROSAA ( សៀម លីហ័ង) Date : ២៦/០៨/២០២០ - ០១/១១/២០២០
