* Unicode *
" သားသားလေး ဒီနေ့ကျောင်းသွားရမှာကို ပါးပါးတို့က မေ့နေကြတယ်ထင်တယ် .. လာ .. ပါးပါးတို့ဆီ ဖေကြီးပို့ပေးမယ် "
မနက်ခင်းအသက်ဝင်တာနဲ့ ဆော့ဂျင် သားသားလေးကိုချီကာ ဂျောင်ကုတို့ဆီဦးတည်လိုက်သည်။ အချိန်လည်းလင့်ပြီမို့ အရင်နေ့တွေလိုပဲ တံခါးမခေါက်ဘဲ အခန်းထဲဝင်လိုက်မိသည်။
" ဟီရိုရေ .. သားသားလေး ကျောင်းသွား~~ "
မြင်လိုက်ရတဲ့မြင်ကွင်းကြောင့် ဆော့ဂျင်ပါးစပ်ပိတ်ကာ သားသားမတွေ့ခင် တိတ်တိတ်လေး ပြန်လှည့်ထွက်မိသည်။ အဝတ်အစားဗလာနဲ့ ဂျောင်ကုဟာ အဝတ်အစားမဲ့နေတဲ့ ထယ်ယောင်းရင်ဘတ်ကို မျက်နှာအပ်ကာ နှစ်ယောက်သားထပ်လျက် အိပ်လို့ကောင်းနေတုန်း။ အောက်ပိုင်းကို စောင်နဲ့တောင်မခြုံနိုင်ဘဲ ဒီအတိုင်းတွေ အိပ်နေကြတာ။
ဂျောင်ကုကတော့လေ ... ကုတင်ရှိတာ ကုတင်ပေါ်မှာမအိပ်ဘဲ သူ့ထက်သေးတဲ့ထယ်ယောင်းကိုယ်ပေါ်မှာ ဘယ်လိုတောင် အိပ်လိုက်တာလဲ
ဆော့ဂျင်စိတ်ထဲကရေရွတ်လိုက်ပေမဲ့ ပါးစပ်ကတော့ သားသားကိုကြည့်ကာ ချော့မော့လိုက်သည်။
" ညီညီလေးဆီအရင်သွားမယ်နော် ညီညီလေးနဲ့ မန်းမန်းတူတူစားပြီးရင် ဖေကြီးကျောင်းပို့ပေးမယ် ”
ဆော့ဂျင်ချော့မော့ကာ တိုရှီရိုအဆောင်ထဲကနေထွက်လာခဲ့တော့သည်။ ဒီနှစ်တွေထဲမှာ သူနဲ့ဟာရူမီစံလည်း သားတစ်ယောက် သမီးတစ်ယောက်ထွန်းကားခဲ့သည်လေ။
ဆော့ဂျင် ထွက်သွားပြီး သိပ်မကြာခင်မှာပဲ ကုတင်ပေါ်ကနေ လှုပ်လှုပ်ရွရွဖြစ်လာတဲ့အကောင်ပေါက်လေး။
" အ့ ... ခေါင်းကိုက်လိုက်တာ ~~ "
တိုးတိုးလေးရေရွတ်ရင်း ဂျောင်ကု မျက်ဝန်းတွေဖွင့်မိတော့ အိပ်နေဆဲဖြစ်တဲ့ထယ်ယောင်းကိုမြင်လိုက်ရတာမို့ ဂျောင်ကုပြုံးလိုက်မိသည်။
ထယ်ထယ့်ကို မြင်တာ ခေါင်းမကိုက်တော့ဘူးပဲ ...
ဂျောင်ကုပြုံးရင်း အပျင်းကြောဆန့်မိတော့ သူ့ခါးပေါ်က လက်တွေကို သူသတိထားလိုက်မိသည်။ ခါးပေါ်က ထယ်ယောင်းလက်တွေကို ဖြုတ်ကာ ထယ်ယောင်းကိုယ်ပေါ်ကနေဆင်းပြီး အိပ်ယာပေါ်ထိုင်လိုက်မိတော့ ထယ်ယောင်းဆီက အသံထွက်လာသည်။
YOU ARE READING
Hidden Memory【 Completed 】
Fanfiction【 COMPLETED 】Season 02 of Under The Moonlight Dream A completed Vkook Story NOTE :: Firstly Read " Under The Moonlight Dream" before this book. VOT×KOTTOM 𝐀𝐥𝐥 𝐒𝐭𝐫𝐨𝐲𝐥𝐢𝐧𝐞 𝐁𝐲 @𝐄𝐩𝐢𝐩𝐡𝐚𝐧𝐲_𝐉𝐢𝐧𝐚𝐡 𝗡𝗢𝗧𝗘 : 𝐓𝐡𝐢𝐬 𝐬𝐭𝐨𝐫𝐲 𝐢�...