President , Our Egg Is Lost (Myanmar Translation)

Chapter 2 (Unicode)

Chapter2: အလုပ်လုပ် ပိုက်ဆံရှာပြီး ကလေးတစ်ယောက်ကို ကျွေးမွေးစောင့်ရှောက်မယ်

"ဘယ်သူက မင်းကို ဒီလိုဖြစ်အောင်လုပ်တာလဲ။ ဒါမှမဟုတ် မင်း ဘယ်လိုလုပ်ပြီး ဒီဥကို ကိုယ်ဝန်ဆောင်ရတာလဲ"
ဟုန်းချန်ရှန်း က ကမ္ဘာကြီးနဲ့ ရင်းနှီးကျွမ်းဝင်နေပြီး
အိုမင်းနေတဲ့ မျောက်ဝိဉာဉ် မျိုးစိတ်နွယ်ဝင် တစ်ယောက် ပဲ။ အဲ့ဒီလို ထိတ်လန့်စရာကောင်းတဲ့ စကားတွေပြောနေတဲ့ အသံက သူရာသီဥတုတွေအကြောင်းပြောရင်သုံးတဲ့ အသံနဲ့ တူတူပဲ။ "ငှက်မတွေက ငှက်ထီးမရှိပဲ ဥ ဥနိုင်ပေမဲ့ ငှက်ထီးတွေမှာတော့ အဲ့လိုစွမ်းရည် မျိုး မရှိဘူး"

ကျီရှောင်ယွီရဲ့မျက်နှာဟာ သွေးတွေတစ်စက်စက်ကျတော့မလို နီမြန်းနေတယ်"ကျွန်တော်မသိဘူး။အား ကျွန်တော် ဘယ်သူနဲ့မှ အချိန်ကောင်းတစ်ခုကို မကုန်ဆုံးခဲ့သလို ဘယ်သူနဲ့မှလည်း မအိပ်ခဲ့ဘူး။ ဗျောက်အိုးသံကြောင့်လန့်သွားတဲ့အချိန်မှာ ကျွန်တော် ဒီဥကို မြင်တာပဲ။

မင်းဘာလို့ တအား အရတာလဲ။ ဟုန်းချန်ရှန်း သူ့ခေါင်းကို ခါလိုက်တယ်။ ကျီရှောင်ယွီ လျှို့ဝှက်ချက်တစ်ခုခု ရှိတဲ့အခါ ဒါမှမဟုတ် ပြောဖို့ ရှက်နေပြီး အထိခိုက်ခံဖြစ်နေတဲ့အချိန်တွေဆို သူကဒီလိုပဲ။
​"ကောင်းပြီ မင်းအရင်က ရှင်းချန်မှာ အလုပ်ကောင်းကောင်း လုပ်နေတာပဲမလား။ ဘာလို့ ရုတ်တရက်ကြီးပြန်ပြေးလာရတာလဲ"

ဒီအကြောင်းကို မပြောရင်လည်း အဆင်ပြေပေမဲ့  အစဖော်ခံရတဲ့အချိန်မှာ ကျီရှောင်ယွီရဲ့ နှလုံးသားက
ဒေါသတွေ အရှက်ရမှုတွေနဲ့ပြည့်နှက်လာခဲ့တယ်။
အောင်မြင်တဲ့ ရစ်ငှက်ဝိဉာဉ် နွယ်ဖွားတစ်ယောက်အနေနဲ့ ကျီရှောင်ယွီရဲ့ခန္တာကိုယ်ဟာ တောက်ပပြီး အရောင်အသွေးစုံလင်တယ်။ သူ့ အမြီးရဲ့ အမွေးအတောင်ဟာ ရှည်လျားပြီး အလွန်ထူးကဲလှပပြီး ရှောင်ချင်းရှန်မှာ အလှပဆုံးငှက်ဖြစ်တယ်။
သူ့ရဲ့ လူပုံသဏ္ဌာန်ဟာလည်း မလှမပမဟုတ်ဘဲ နူးညံ့သော အလှတရားနဲ့ အတော်လေး ချောမောတဲ့ လူငယ်တစ်ယောက်ဖြစ်တယ်။

ပြီးခဲ့တဲ့နှစ်မှာ ကျီရှောင်ယွီဟာ အသက်၁၈နှစ်ပြည့်ခဲ့ပြီး အာရုံခံစားမှု ရမက်တွေကို ပြင်းပြစွာတောင့်တနေတဲ့ စိတ်ဆန္ဒ အတွက် လူတွေထူထပ်များပြားလှတဲ့ လူသားကမ္ဘာကိုသွားဖို့ တောင်ပေါ်ကနေ ရှင်းချန်ကို ဆင်းလာခဲ့တယ်။ သူရဲ့ချောမောလှပတဲ့ ရုပ်ရည်နဲ့အတူ ဉာဏ်ရည်ကောင်းမွန်မှုနဲ့ ပါးစပ်ချိုချိုကြောင့် လူတွေကို လွှမ်းမိုးနိုင်ဖို့ သူ့အတွက်လွယ်ကူခဲ့တယ်။ ဒါကြောင့်မလို့ သူ့မှာ အလုပ်နဲ့ပတ်သက်ပြီး အတွေ့အကြုံ မရှိတာတောင် ဟုန်းချန်
ရှန်း အရင်က လုပ်ပေးတဲ့ ID card တစ်ခုရယ် ချင်းရှန်းမြို့ သင်တန်းကျောင်းကနေရတဲ့diplomaတစ်ခုရယ်နဲ့  ရှင်းချန်မှာရှိတဲ့ အနည်းငယ် အဆင့်မြင့်တဲ့ဟော်တယ်မှာ ချွင်းချက်အနေနဲ့ သူ့ကို service ဝန်ထမ်းအဖြစ် လက်ခံခဲ့တယ်။