(Unicode Version)
ကြယ်တစ်ထောင်
ပုံပြင် A Tale Of
1000 stars
Chapter - 3(B)
အပိုင်း (၈)
" မင်းက ဘယ်သူလဲ ''
" လိမ်ညာတာမျိုးကို သည်းမခံတတ်တဲ့သူ ''
" ဘယ်မှာ လိမ်ညာနေလို့လဲ မင်း ငါ့ကို သိက္ခာလာချနေတာလား ''
" ကတ္တားပေါ်မှာ ၅ လို့ ရှင်းရှင်းလင်းလင်းပြနေတာကို ၄ ကီလို လို့ ရေးနေတာလေ ''
မှန်၏။ လက်ဖက်ဝယ်သည့် အဲဒီလူက ၅ ကို ၄ ဟု စာရင်းထဲရေးကာ ပိုသည့် အလေးချိန်တန်ဖိုးကို အမြတ်စားနေသမို့ ဆရာလေးထီရန် အဲသလို ပြောလိုက်ခြင်း ဖြစ်လေသည်။
" အဲတာ လိမ်ညာတာမဟုတ်ရင် ဘာလဲ ''
" စကားပြောတာ သတိထားနေနော် ကောင်လေး ငါတို့ ဒီမှာ ဘာ ပြဿနာမှ မဖြစ်ဘဲ စီးပွားရေး လုပ်စား
လာတာ ကြာနေပြီ မင်းက ဘာကိစ္စ ဝင်လျှာရှည်နေတာလဲ ဟင် ''
" မှားနေတာ အသိအသာကြီးပဲလေ ဒီလိုလုပ် ခြင်းတွေအားလုံးကို နောက်တစ်ခါ ပြန်ချိန်လိုက်လေ
ကျွန်တော့်ဖုန်းနဲ့ ချိန်စက်ပေါ်က အလေးချိန်ကို သက်သေအဖြစ် ရိုက်ထားပေးမယ် တကယ်လို့
နံပါတ်က အစ်ကို့စာရွက်ပေါ်ကဟာနဲ့ မကိုက်ဘူးဆိုရင် ကျွန်တော်တို့ အားလုံး ရဲစခန်းကို
တူတူသွားကြတာပေါ့ ''
မှန်၏။ လိမ်ညာတာကို သည်းမခံတတ်သည့်သူပီပီ စကားကို အဲသလို တင်းတင်းရင်းရင်း ပြတ်ပြတ်သားသား ဆရာလေးထီရန် က ပြောလာသမို့ လက်ဖက်ဝယ်သည့် အသားဖွေးဖွေး ဝတုတ်တုတ် နှုတ်ခမ်းမွှေးကားကားနှင့် ထိုလူက စိတ်တင်းလာကာ လက်ဖက်ခြင်းတွေကို အတင်းတွန်းလှဲလိုက်လေသည်။
" ဒီ သုံးစားမရတဲ့ အရွက်တွေကိုလည်း မလိုချင်ဘူး လွှင့်ပစ်လိုက်စမ်း ''
" ဝေ့ ဟေ့ ဟေ့လူတွေ ရပ်လိုက်စမ်း ''
ဆရာလေးထီရန်က အဲလူကို သွားတွန်းသည်မို့ ထိုလူကလည်း ဆရာလေးထီရန်၏ မျက်နှာကို လက်သီးနှင့် ပစ်ထိုးပစ်လိုက်သည်။
" ထီရန် ဆရာလေးထီရန် ''
ကလေးတွေကလည်း ဆရာလေးထီရန်ကို အော်ခေါ်နေကြပြီး ဆရာလေးထီရန်လည်း မြေပြင်ပေါ်လှကျသွားသည်။ ခဏကလူက ဆရာလေးထီရန် မြေပြင်ပေါ် လှဲကျနေသမို့ ဆရာလေးထီရန်ကို ခြေဖြင့် ကန်နေချိန် သူ၏တပည့်နှစ်ယောက်က ရန်မဖြစ်အောင် အတင်းဆွဲထားကြလေသည်။
YOU ARE READING
A Tale Of Thousand stars
Romanceဤဇာတ်လမ်းသည် မကြာသေးမီက LINE TV တွင် ပြသထားသော G-MM tv production မှ ရိုက်ကူးထားသည့် ဇာတ်လမ်းတွဲ ဖြစ်ပါသည်။ ဤဇာတ်လမ်းကို ပြန်လည်ပြီး ထိုဇာတ်လမ်းအတိုင်း ရေးထားခြင်း ဖြစ်ပါသည်။ ကြယ်တစ်ထောင် ပုံပြင် A Tale Of 1000 stars ဇာတ်လမ်း အကျဉ်း...
