(Unicode Version)
ကြယ်တစ်ထောင်
ပုံပြင် A Tale Of
1000 stars
Chapter - 6(B)
အပိုင်း (၁၇)
ချင်းမိုင်မြို့၏ လက်ဆောင်ပစ္စည်းရောင်းသည့်ဆိုင် တစ်ဆိုင်တွင် ဆရာလေးထီရန်က ရေမွှေးလေးတွေ လျှောက်ပတ်ကြည့်နေလေသည်။ ထိုအချိန် ဆရာလေးထီရန်၏ပုခုံးပေါ် လက်ကလေးတစ်စုံ ကျောအနောက်မှ ကျရောက်လာရာ ဆရာလေးထီရန်လှည့်ကြည့်လိုက်တော့ လောင်ထယ်ကို မြင်လေတော့သည်။
" စောင့်နေတာကြာပြီလား အစ်ကို ''
" အခုပဲ ရောက်တာပါ သွားကြတော့မလား ''
" သွားရအောင်လေ ဒါက ကျွန်တော်တို့နယ်ရဲ့ လက်ဆောင်ပစ္စည်း ရောင်းတဲ့ဆိုင်ပဲ ကားတွေ အားလုံး ဒီမှာပဲ ရပ်ကြတာ ''
အဲသလို ဆရာလေးထီရန်နှင့် လောင်ထယ် လက်ဖက်ရောင်းရဖို့ လက်ဆောင်ပစ္စည်းရောင်းသည့် ဆိုင်ကို သွားကြခြင်းဖြစ်လေသည်။ အဝေးပြေးကားကြီးတွေလည်း ထိုဆိုင်နားမှာ ရပ်သည်ဖြစ်သမို့ ခရီးသည်တွေ စည်ကားနေမည်မှာ အမှန်ပင် ဖြစ်ပေသည်။
" ပြီးတော့ ငရုပ်သီးမှုန့် ကြက်အူချောင်းအစပ်တွေနဲ့ ရွာကထွက်တဲ့ လက်မှုပစ္စည်းတွေက အရောင်းရဆုံးပဲ အစ်ကို ''
" အင်း ''
ဒါဆို ထိုဆိုင်ကြီးက ကုန်စုံဆိုင်ကြီး ဖြစ်သလို လိုရာရ ကြိုက်တာယူ ဝယ်လို့ရသည့် စျေးကြီးတစ်ခု ဖြစ်လေသည်။
" အစ်ကို ဟိုဆိုင်ကို တွေ့လား အဲဒီဆိုင်က ခရီးသည်တွေကြားမှာ အရမ်းနာမည်ကြီးတာ.... သွားကြည့်ချင်လား ''
" အင်း သွားရအောင် ''
ဒီလိုနဲ့ ဆရာလေးထီရန်နှင့် လောင်ထယ်က ထိုဆိုင်အနားကို သွားကာ ထိုဆိုင်မှ ဆိုင်ရှင်အစ်မနှင့် တွေ့လေတော့သည်။
" လွတ်လွတ်လပ်လပ် ကြည့်နော် လိုအပ်တာရှိရင်လည်း ပြောပါနော် ''
ထိုဆိုင်ရှင်အစ်မက အဲသလို စျေးဝယ်သူတွေကို အပြောချိုချိုဖြင့် စျေးရောင်းနေလေသည်။ ထိုအခါ ဆရာလေးထီရန်တို့က ထိုအစ်မကို ကြည့်၍
" အစ်မလှလှလေးခင်ဗျာ ''
အဲသလို ခေါ်လိုက်လျှင် ထိုအစ်မက သူမ၏ ရှေ့တွင်ကျနေသော ဆံပင်လေးကို ပင့်သပ်ရင်း သုံးနှစ်လှခုံးမျက်စပြုလိုက်ကာ ဆရာလေးထီရန်ကို ကြည့်လိုက်လေသည်။
أنت تقرأ
A Tale Of Thousand stars
العاطفيةဤဇာတ်လမ်းသည် မကြာသေးမီက LINE TV တွင် ပြသထားသော G-MM tv production မှ ရိုက်ကူးထားသည့် ဇာတ်လမ်းတွဲ ဖြစ်ပါသည်။ ဤဇာတ်လမ်းကို ပြန်လည်ပြီး ထိုဇာတ်လမ်းအတိုင်း ရေးထားခြင်း ဖြစ်ပါသည်။ ကြယ်တစ်ထောင် ပုံပြင် A Tale Of 1000 stars ဇာတ်လမ်း အကျဉ်း...
