(Unicode Version)
ကြယ်တစ်ထောင်
ပုံပြင် A Tale Of
1000 starsChapter - 7(B)
အပိုင်း (၂၀)ဖာဖီရွန်တပ်စု ဝါးခြမ်းစိတ်အကြီးတွေ ကာထားသည့် ရင်ဘတ်အထိအရှည်ရှိသည့် ရေချိုးခန်းထဲကို ခေါင်းဆောင်ဖူဖာ အပေါ်ပိုင်း အဝတ်ဗလာဖြင့် ဝင်သွားလေသည်။
ထို့နောက် ခါးမှာပတ်ထားသည့်အဝတ်ကို ချွတ်၍ ရေချိုးခန်းအကာအပေါ်တင်ထားကာ မျက်နှာသစ် ရေလောင်း၍ ဆပ်ပြာလေးကို လက်ဖြင့် အမြှုပ်ထအောင် ပွတ်တိုက်လိုက်လေသည်။
အဲ့နောက် သူ၏ ရင်ဘတ်တွေ လည်ပင်းတွေ မျက်နှာတွေကို ဆပ်ပြာတိုက်၍ ရေချိုးနေလေတော့သည်။ ခေါင်းဆောင်ဖူဖာ၏ အတွေးထဲ၌ ကြည်နူးမှုတွေကို တွေးမိကာ ပြုံးနေလေသည်။
ဖာဖီရွန်တပ်စု၏ ဝန်ထမ်းအိမ်ယာအဆောင်ထဲက ကုတင်ပေါ်တွင် ထိုင်နေသည့် ဆရာလေးထီရန် ရေချိုးဖို့ ခါးမှာ အဝတ်စည်းထားလေပြီး အပေါ်မှ အင်္ကျီကိုတော့ မချွတ်သေးဘဲ ဝတ်ထားသည် ရှိသည်။ ထို့နောက် ဖလားခွက်ထဲ မျက်နှာသစ်ဆပ်ပြာ စသဖြင့် လိုအပ်တာတွေထည့်ပြီး ပုခုံးပေါ်တွင်လည်း တဘက်တစ်ခု တင်ထားလေသည်။
အဲ့နောက် ခေါင်းဆောင်ဖူဖာက အပေါ်ပိုင်းအဝတ်ဗလာ ခါးမှာ အဝတ်စည်း၍ အခန်းထဲ ဝင်လာရာ သူ၏ ဖုဖောင်းသည့် လက်မောင်းကြွက်သား ယောက်ျားပီပီသသ ရင်အုံတွေ ဆွဲဆောင်မှုရှိသည့် မျက်နှာ စသည်တို့ကို ဆရာလေးထီရန် ငေးကာ ကြည့်နေမိလေသည်။ အဲ့နောက် ဆရာလေးထီရန်က မမြင်ရက်တော့သည်မို့ မျက်နှာလွှဲလိုက်လေသည်။
" မင်း မျက်နှာလွှဲစရာမလိုပါဘူး မကြာခင် အသားကျသွားမှာ ''
" ကျွန်တော် မလွှဲပါဘူး ''
" ကောင်းတယ် ''
အဲသလို ပြောပြီး ခေါင်းဆောင်ဖူဖာက ဆရာလေးထီရန်ထိုင်နေသည့် ကုတင်အနားကို တစ်ခုခုယူဖို့ လာရာ ဆရာလေးထီရန်က ခေါင်းဆောင်ဖူဖာကို အကြည့်လွှဲလိုက်ပြန်လေသည်။
" ကျွန်တော် ရေချိုးတော့မယ်နော် ခေါင်းဆောင် ''
ဆရာလေးထီရန်က ထိုသို့ပြောပြီး ကုတင်မှ ထလိုက်ရာ ခေါင်းဆောင်ဖူဖာကလည်း တစ်ခုခုယူပြီး အလှည့်၌ ခေါင်းဆောင်ဖူဖာနှင့်ဆရာလေးထီရန် အကြည့်ဆုံ၍ ဆရာလေးထီရန်က ခေါင်းဆောင်ဖူဖာကို စိတ်ခုနေသလို ဖြစ်နေလေသည်။
YOU ARE READING
A Tale Of Thousand stars
Romanceဤဇာတ်လမ်းသည် မကြာသေးမီက LINE TV တွင် ပြသထားသော G-MM tv production မှ ရိုက်ကူးထားသည့် ဇာတ်လမ်းတွဲ ဖြစ်ပါသည်။ ဤဇာတ်လမ်းကို ပြန်လည်ပြီး ထိုဇာတ်လမ်းအတိုင်း ရေးထားခြင်း ဖြစ်ပါသည်။ ကြယ်တစ်ထောင် ပုံပြင် A Tale Of 1000 stars ဇာတ်လမ်း အကျဉ်း...