ពន្លឺព្រះអាទិត្យបានលូតឡើងសន្សឹមៗរបស់ដល់បណ្តែតខ្លួនលើអាកាសវេហារហូតដល់នឹងថ្កល់ ។
« ឯងរៀបចំខ្លួនហើយឬនៅ?? » ជុងហ្គុកក៏តបទៅថេយ៉ុងដែលទើបនឹងដើរចេញពីបន្ទប់ទឹក
« រួចរាល់ហើយ »
« បើអញ្ចឹងទៅ យើងទៅៗ »
« បាទ៎ » គ្រាន់តែថេយ៉ុងពោលចប់ភ្លាម ជុងហ្គុកក៏រំកិលដៃខ្លួនស្រាក់ដៃមាំសុទ្ធតែសរសៃរវាម ទៅនឹងដៃស្រឡូនរបស់គេ មុននឹងនាំគេចេញពីបន្ទប់ ។
« ជុង បងចង់នាំថេយ៉ុងទៅណាឬ?? » គ្រាន់តែពួកគេទាំងពីរដើរចុះមកដល់មិនទាន់ទាំងបានមួយជំហានស្រួលបួលផង នាងក្រមុំដែលកំពុងអង្គុយនៅសាឡុង ក៏រត់មកបញ្ច្រៀតនៅចន្លោះកណ្ដាលនៃពួកគេទាំងពីរយ៉ាងរហ័ស កាត់ផ្ដាច់ដៃដូចបន្លាក្រូចរបស់ថេយ៉ុងពីដៃរបស់នាយ ដោយជំនួសមកវិញនូវដៃសខ្ចីទាំងគូរបស់នាងក្រមុំវិញ ។ ថេយ៉ុងថយចេញពីពួកគេទាំងពីរបន្តិច
« ជុងសម្រាកពីការងារហើយ កំដរអូនបន្តិចបានទេ?? » នាងញញឹមឡើង នាងមិនខ្វល់ថាចម្លើយរបស់នាយសង្ហារជាអ្វីទេ សំខាន់នាងចង់បំបែកពួកគេទាំងពីរ ចង់រារាំងគ្រប់វិធីដើម្បីកុំអោយពួកគេបាននៅជាមួយគ្នា
« បងកំដរជូមិនបានទេ »
« ណា៎ណាៗ ជុង៎ បងមិនមានពេលអោយអូនទេឬយ៉ាងមិច?? ពួកយើងជាសង្សារនឹងគ្នាណា៎ » នាងអង្រួនដៃជុងហ្គុកតិចៗហាក់កំពុងតែអង្វរកគេ ដើម្បីបំពេញបំណងអោយនាយផ្ដល់ពេលវេលានៅជាមួយខ្លួន ។ ជុងហ្គុកហាក់មុីងមាំងមិនដឹងសម្រេចចិត្តយ៉ាងមិច ម្ខាងប្រពន្ធ ម្ខាងសង្សារ នេះ!! ចង់អោយគេបែងភាគជាពីរឬយ៉ាងមិច??!!
« មិនអីទេបងប្រុស ខ្ញុំអាចទៅតែឯងបាន » ក្រោយឃើញទឹកមុខនាយម្ចាស់ភូមិគ្រឹះហាក់កំពុងស្មុគស្មាញចិត្ត មិនដឹងត្រូវយកជម្រើសមួយណា ថេយ៉ុងក៏សម្រេចចិត្តតបឡើង គេចង់នៅជាមួយនាងជាង បែបនេះមិនអីទេ គេអាចទៅតែឯងបាន ព្រោះគេមិនចង់បង្ខិតបង្ខំនាយអោយជូនខ្លួនទីដោយនៅក្នុងចិត្តនៅអាល័យគូសង្សារបណ្ដូលចិត្តម្នាក់នេះទេ ។
« មិនបានទេ គ្រោះថ្នាក់ណាស់ ចាំខ្ញុំជូនទៅល្អជាង »
« មិនអីទេបងប្រុស កុំអោយមានអារម្មណ៍ថាទើសទាស់អី ខ្ញុំអាចទៅម្នាក់ឯងបានពិតមែន »
YOU ARE READING
អេតាសុីវិលលក្ខខណ្ឌ( ចប់ )
Fanfictionស្នេហាដែលកើតឡើងដោយការរៀបចំ ! ពួកគេសុទ្ធតែមិនដឹងខ្លួនដូចគ្នា ។ « កូនត្រូវតែរៀបការជាមួយក្មេងម្នាក់នោះ ព្រោះគេមានចៅរបស់ម៉ាក់ » #ការរងចាំមនុស្សដែលខ្លួនឯងស្រលាញ់ត្រឡប់មកវិញ ទាំងដែលមិនគិតថាគេស្រលាញ់ខ្លួនវិញ 02 / 05 ~ 16 / 07 / 2021 #អេត ម៉ារីរដ្ឋា(ថេ-ថ...
