បន្ទាប់ពីងូតទឹកសម្អាតកាយស្លៀកពាក់ហើយរួចរាល់ថេយ៉ុងក៏មកអង្គុយនៅសាឡុងរងចាំនាយបន្ត ត្របកភ្នែកចាប់ផ្ដើមទន់ទម្លាក់ចុះឡើងតិចៗ កែវភ្នែកខ្មៅក្រឹបសម្លឹងទៅមើលទ្វារសញ្ចឹងគិតតើពេលណាគេចូលមក ក្នុងចិត្តកំពុងតែខឹងលាយងក់ងរ
៚ ក្រាក ៚
សម្លេងរបើកទ្វារក៏ឮឡើង ថេយ៉ុងរហ័សស្ទុះរត់ទៅទម្រេតខ្លួនគេងដណ្ដប់ភួយសំងំជាបិទភ្នែកភ្លែត ។ ជុងហ្គុកដើរមកកាន់តែកៀកដើម្បីពិនិត្យមើលថាគេគេងលក់ហើយទើបក៏សម្រេចចិត្តដើរចូលបន្ទប់ទឹកសម្អាតកាយ ។
<< ឈូ...!!! >> សម្លេងបើកទឹកក៏ឮឡើង ថេយ៉ុងបើកភ្នែកឡើងព្រោះស្វាងអស់ងងុយតាំងពីទ្វារបន្ទប់របើកមកម្លេះ!!! គេនៅសំងំគេងតែបើកភ្នែករាងមួយសន្ទុះទើបជុងហ្គុកចេញមកវិញ ។
« អូនភ្ញាក់ហើយឬ?? » ជុងហ្គុកលោមុខទៅថើបថ្ពាល់គេ តែគេបែរងាកមុខទៅម្ខាងទៅវិញ ជុងហ្គុកស្រាប់តែចងចញ្ចើមមកម្តងទៀត មុននឹងដើរមកគេងក្បែរគេ ទាញគេអោយបែរមកខ្លួនវិញ ។
« ហឹស!! » គេបញ្ចេញសម្លេងងក់ងរមកបន្តិច ស្រវេស្រវ៉ាទាញភួយមកគ្របផុតក្បាល
« ថេយ៍អូនកើតអីឬ?? »
« ... » ស្ងាត់មិនឮប្រយោគតបត ជុងហ្គុកលូកដៃទាញភួយចេញពីខ្លួនគេ ទាញគេមកអោបក្នុងរង្វង់ដៃ តែទោះយ៉ាងណាគេនៅរក្សាភាពស្ងៀមស្ងាត់មិនសម្លឹងរកគេវិញដដែល ។
« កើតអីអញ្ចេះ?? »
« ហ្អឹម » ថេយ៉ុងមិនឆ្លើយតែក៏គេងបែរចេញពីនាយបិទភ្នែកសំងំគេងមិនខ្វល់ពីគេអីបន្តិច
« គេងក៏គេង » ដោយឃើញគេបិទភ្នែក ជុងហ្គុកក៏បន្លឺស្រដីមក សឹមអោនថើបសក់របស់គេបន្តិច ។
ជាច្រើនថ្ងៃកន្លងផុតទៅ ថេយ៉ុងមិនសូវជាបាននិយាយស្ដីជាមួយជុងហ្គុកច្រើនណាស់ណាទេ ជាហេតុធ្វើអោយគេឆ្ងល់ដូចជាប្រងើយៗយ៉ាងមិចមិនដឹងទេ ។
ជុងហ្គុកដើរចុះមកផឹកទឹកក៏ជួបនឹងរាងចំណាស់ដែលបម្រុងនឹងដើរចេញពីផ្ទះបាយល្មម ។
« ជុងមិនទាន់គេងទៀតឬ?? »
« បាទប៉ា ខ្ញុំទើបតែបង្ហើយការងារ ចង់ចុះមករកអីផឹកបន្តិចរួចចាំត្រឡប់ទៅបន្ទប់គេងវិញ »
YOU ARE READING
អេតាសុីវិលលក្ខខណ្ឌ( ចប់ )
Fanfictionស្នេហាដែលកើតឡើងដោយការរៀបចំ ! ពួកគេសុទ្ធតែមិនដឹងខ្លួនដូចគ្នា ។ « កូនត្រូវតែរៀបការជាមួយក្មេងម្នាក់នោះ ព្រោះគេមានចៅរបស់ម៉ាក់ » #ការរងចាំមនុស្សដែលខ្លួនឯងស្រលាញ់ត្រឡប់មកវិញ ទាំងដែលមិនគិតថាគេស្រលាញ់ខ្លួនវិញ 02 / 05 ~ 16 / 07 / 2021 #អេត ម៉ារីរដ្ឋា(ថេ-ថ...
