✨️ᴡʜᴀᴛ'ꜱ ᴡʀᴏɴɢ ᴡɪᴛʜ ᴍʏ ʙᴏꜱꜱ || TRANSLATION [💜️💚TAEKOOK💚💜️]✨️

✨️Chapter 10✨️

ටේ හ්යොන්ග් සිටියේ දැඩි ලෙස වෙහෙසට පත්වයි. ඔහුට අධි නිදිමතක් පැවතියා. ඔහු සැරින් සැරේ ඔහුගේ පියවෙමින් තිබූ ඇස් අත් වලින් පිරිමැද්දා. ටේ හ්යොන්ග්ට කලන්ත ගතියක් දැනීගෙන ආවා. ඔහුට ලියකියවිලි වල තිබූ අකුරු පවා බොඳ වීගෙන යන බවක් දැනිනි. බිත්ති ඔරලෝසුවේ වේලාව පාන්දර එක වදින විට ඔහු අවසාන ෆයිල් කවරය වසා දමා ඔහුගේ විඩාවට පත් හිස පුටුවේ පසුපස ඇන්දට බරකරගෙන දෑස් පියාගත්තේ කුඩා විවේකයක් ලබා ගැනීමටයි. නමුත් ඔහුට එකවර සිහිවූ යමක් නිසා ඔහු අකුණක වේගයෙන් පුටුවෙන් නැගී සිටියා. ඔහුගේ මව ඔහු එනතුරු නිවසට වී බලාසිටින බව ඔහුට එකවරම සිහිවිය. ඔහු අපහසුවෙන් වුවත් ඉතා ඉක්මනින්ම කාර්යාලයෙන් පිටවිය.

කාර්යාල ගේට්ටුව අසළ මුරකුටියේ සිටි ආරක්ෂකයා ටේ හ්යොන්ග් හට නුරුස්සන සුළු බැල්මක් හෙලුවේ ටේ හ්යොන්ග් ඔහුව ඔහුගේ කෙටි නින්දෙන් ඇහරවූ නිසාවෙනි. ඔහු බස් නැවතුම් ස්ථානයට පැමිණෙන විට ඔහුට යාමට පැවති අන්තිම බසයද පිටත්ව ඇති බන් දැනගත් ටේ හ්යොන්ග් අඩිය පොළොවේ හප්පමින් කුඩා දරුවෙකු මෙන් කෑ ගැසුවා.

ඔහුට ඉක්මනින්ම නිවස කරා යාමට තව ක්‍රම දෙකක් ඉතිරිව පැවතියා. එක, කුලී රියකින් යාම, නමුත් ඒ සඳහා ඔහුගේ සතියකම බස් ගාස්තු වැය කිරීමට සිදුවෙන බව ඔහු දැන සිටියා. දෙක ගඟ හරහා තිබූ පාලමින් ගමන් කර දුම්රිය බාවිතය. ඔහු දෙවැනි ක්‍රමය තෝරාගත්තා.

මීටර දාහකටත් වඩා දිගින් වැඩි වූ එල්ලෙන පාලම සෝල් නගරයේ ප්‍රධානම පාලමක් විය. එමතින් ගමන් කරද්දි හන් ගංගාවේ අලංකාරවත් දර්ශනය මනාව දිස් විය. ටේ හ්යොන්ග් ඔහුගේ කමීසයේ බොත්තම් ඉහලටම දමාගෙන අත් ශරීරයටම තද කරගත්තේ හන් ගංගාව පිසගෙන හමා එන රාත්‍රී සුළඟේ ශීතලින් ආරක්ෂා වීමටයි.

ඔහුගේ ගමන නැතුනේ පාලමේ අඩි හතරක් පමණ උස පැති බැම්ම මත නැග සිටි මිනිසෙකු නෙත ගැටීම නිසාවෙනි. ඔහු බිය නොමැතිව එම ස්ථානයේ සිටගෙන සිටියා. ඒ අවස්ථාවේ ඇවිදින මංතීරුව සම්පූර්ණයෙන්ම පාහේ හිස්ව පැවතියා. මාර්ගයේ වාහන කිහිපයක් ගමන් කරමින් තිබුණත් ඒවා පාලම කෙළවර සිටගෙන සිටි මිනිසාට අවධානයක් යොමු නොකරා. එම තරුණයා තමාගේම වයසේ අයෙකු බව ටේ හ්යොන්ග්ටපෙනී ගියා. ඔහු නියෝන් printed jacket එකක් පැළඳ සිටි ඔහුගේ අවුල් වී ගිය කොණ්ඩේ පසුපසට කර රඳවා තිබුණේ කලු පැහැති Bandana එකකිනි. ඔහුගේ ගෙලෙහි මිල අඩු සිල්වර් පැහැති chain කිහිපයක්ම එල්ලෙමින් පැවතුනා.