Probinsyana Series: BOOK 2 - WHEN YOUR LOVE IS GONE

KABANATA 30

Pagdating ko sa opisina galing sa Bella ay agad akong tumungo sa meeting room upang idiscuss ang napag usapan at napag kasunduan namin ng Bella.

"Nabawi ko ang kontrata natin sa Bella at gusto kong gawin niyo ang lahat ng makakaya niyo upang mabawi natin ang tiwala nila," seryosong saad ko sa kanila.

"Narito na po ang presentation na hinihingi niyo Sir Lucio," sambit ni Marga sabay abot ng isang flash disk. , "Ayan po ang soft copy ng photoshoot natin sa product ng Bella at ipapakita ko naman po sa inyo thru presentation ang mga magaganda at pinasa naming litrato sa kanila."

Ipinakita ni Marga ang mga litrato na nakuha nila sa produkto ng Bella at masasabi kong wala namang problema dito ngunit ang nakakapag taka lang ay bakit hindi ito nagustuhan ng Bella.

"Bukas na bukas ay itutuloy na natin ang photoshoot sa Bella at gusto ko gawin niyo ang lahat ng makakaya niyo para hindi na nila alisin ang kanilang investments sa atin. Hayaan niyo na muna ang ibang kompanya na umalis sa atin dahil hindi sila ang ating priority ngayon dahil mas malaking isda ang Bella kumpara sa kanila." paliwanag ko sa kanila.

Tumayo na ako sa kinauupuan ko at hiniling ko na silang bumalik muli sa kanilang kanya-kanyang trabaho.

"Get back to work." utos ko sa kanila.

Madali akong lumabas sa silid upang tumungo sa opisina ko. Sinundan ako ni Emily at tinanong niya ako kung anong naging kasunduan namin ng Bella.

"Kamusta? Bakit ang bilis mong nabawi ang Bella?" nagtatakang tanong niya sa akin.

"Binaba ko yung dignidad ko at nilunok ko ang pride ko para bumalik sila sa atin," paliwanag ko sa kanya.

"Huh? Si Lucio na kilala ko na mayabang at hambog ay nag gaganito na ngayon?" gulat na tanong niya sa akin.

"Anong gagawin ko? Wala na tayong choice dahil sila ang pinaka maimpluwensyang fashion icon ngayon. Kakabalik ko palang Emily kaya gusto ko mabawi ang lahat ng nawala sa akin," seryosong sambit ko sa kanya.

"Asan ka ba kanina at bakit hindi mo sinasagot ang tawag ko?" tanong niya muli sa akin.

"Bumalik na ang alaala ko simula nung nag past out ako pagkatapos ng kasiyahan natin. Bumalik na ang alaalang nawala sa akin at mas lalo akong nabuhayan ng loob ngayon dahil hindi si Gianna ang nasunog sa resort makalipas ang walong taon," sambit ko sa kanya.

"Congrats! Sana tuloy-tuloy ng makarecover ka dahil may pag asa pa na magkita kayo muli ni Gianna dahil hindi siya patay ngunit kung buhay pa siya bakit hindi siya nag papakita sayo?" tanong niya sa akin.

"Yan din ang hindi ko alam kaya ipapahanap ko siya sa pinaka magalit na detective na kilala ko dahil gustong-gusto kong malaman kung bakit ako iniwan ni Gianna ng ganun-ganun lang," sambit ko sa kanya.

"May dahilan kung bakit siya nawala ng parang bula. Bakit hindi mo subukang kontakin muli ang kanyang magulang baka sakaling may alam sila kung nasaan si Gianna?" tanong ni Emily sa akin.

"Magandang idea 'yan pagkatapos ng problema natin sa Bella ay pupunta ako sa bahay nila Gianna sa probinsya para makausap ko ang mga magulang nila," sambit ko.

"Tama 'yan dahil gustong-gusto ko ng makita na buo ang pamilya mo." nakangiting sambit niya sa akin.

Ngumiti ako kay Emily at umupo ako sa upuan ko para mag pahinga.

"Sige na bumalik kana sa pwesto mo at gusto ko munang mag pahinga," utos ko sa kanya.

"Sige." tugon niya sa akin.

Isinandal ko ang katawan ko sa upuan at habang nakasandal ako ay may nakita akong envelope sa gilid ng la-mesa ko kaya agad ko itong kinuha at binuksan. Pagbukas na pagbukas ko dito ay nakita ko ang aming kontrata ni Gianna at ang aming marriage contract na pinadala ni Henry sa amin.