#Unicode
ဒီမနက်ကျောင်းလာရသည်မှာ အခြားနေ့တွေလို
တက်ကြွမှု မရှိလှ။ အခြားသူများနှင့်မဆုံစေရန် ကျောင်းသို့ အစောကြီးထွက်လာလိုက်သည်။အတန်းထဲတွင် အသင်းလုပ်ဖို့ စောရောက်နေသူတွေလည်းရှိလေတော့ သူတို့ ဘယ်လိုမျက်လုံးမျိုးနဲ့ကြည့်နေမလဲဆိုတာ သူရင်မဆိုင်နိုင်စွာ ခေါင်းငုံ့လျက် အတန်းထဲ၀င်ပြီးနေရာ၌သာ၀င်ထိုင်လိုက်သည်။
သူတို့တွေပြောနေသောစကားများကိုလည်းမကြားချင်ယောင်ဆောင်ဖို့လည်းမမေ့ခဲ့။"နှောင်းရိပ်မာန် မင်းDခန်းကတစ်ယောက်နဲ့တွဲနေတယ်ဆို"
သူမကြားချင်ဆုံးသောစကားကိုပြောလာသော
ပြီတီတီမျက်နှာထားနဲ့ ဘေးကကောင်ကို ခုချိန်ဂုတ်ကနေဆွဲမ ပြီး ပြတင်းပေါက်ကနေ ပစ်ချလိုက်ချင်သည်။
သို့သော် ပျက်သွားသော မျက်နှာထားကို ချက်ချင်းပြင်လိုက်ပြီးပုံမှန်တည်ငြိမ်တဲ့မျက်နှာထားမျိုးနဲ့"မင်း ဘယ်က အခြေမြစ်မရှိတဲ့ တစ်ရာဖိုး၁၀ပုဒ်တန် သတင်းတွေကြားလာလည်း မသိပေမယ့် မင်းလို
ဦးနှောက်ရှိတဲ့သူက ယုံတတ်လိမ့်မယ်လို့ ငါ မထင်ထားဘူးကွ"လို့လှောင်ပြောင်သည့် အသံမျိုးနဲ့ စကားကိုခပ်ထေ့ထေ့ပြန်ပြောပေးလိုက်တော့ ငါးရှဥ့် ဆားပတ်သလိုလို ထွန့်ထွန့်လူးသွားကာ မျက်နှာကြီးနီရဲ ဒေါသထွက်ကာ ထွက်သွားတော့သည်။
သူ့အကြောင်း မကောင်းပြောချင်၊လှောင်ပြောင်ချင်လို့ လာမေးမှန်းသိနေ၍ပညာသားပါပါ ကန်ထုတ်ပစ်လိုက်တယ် ။ညကခန့်ကိုဆီ ဖုန်းဆက်ပြီး သူအပြောခံနေရတာတွေကိုပြောပြတော့ သူ့ကိုလည်းသူ့အတန်းသားတွေက ထိုသို့မေးနေကြသည်တဲ့။နှစ်ယောက်သားဘယ်လိုဖြေရှင်း
ရမှန်းမသိ စိတ်ညစ်ကြရသည်။
နောက်ဆုံးတော့ သူတို့နှစ်ယောက်ကျောင်းတွင် အခေါ်အပြောမလုပ်ဘဲ မပတ်သက်ကြဖို့ ဆုံးဖြတ်လိုက်ကြသည် ။
သူတို့နှစ်ယောက်ကို အတူတွဲမတွေ့ရင် နောက်ထပ်သတင်းတွေ ထပ်ထွက်မလာနိုင်သလို ခုသတင်းတွေလည်း ကြာရင်မေ့သွားကြမှာပါလို့တွေးလိုက်သည်။
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...