#Unicode
"မင်း ဘာလို့ လုယူတာလဲ ဆောင်းဒီခေတ်။မင်းနဲ့မဆိုင်ဘူး။ အခု အဲ့စာပြန်ပေး"
ကျွန်တော်ပြောဆိုနေသော်လည်း သူကခုံမှထရပ်ကာ အနောက်သို့ဆုတ်သွားပြီး စာကိုအော်ဖတ်နေသည်။
"သို့
နှောင်းရိပ်
မမ မင်းကို မနေ့က မပြောဖြစ်လိုက်လို့ စာရေးပြီး ပြောလိုက်ရတာပါ။ မမ နောက်အပတ်က စပြီး သင်တန်း မတက်ဖြစ်တော့ဘူး။
၉တန်းမှာ ကိုယ်ပိုင်ကျောင်း၀င်ခွင့်အောင်ဖို့ ဘာသာစုံလေ့ကျင့်ပေးမယ့် ဆရာမနဲ့ပဲအိမ်မှာ စာသင်တော့မှာ။"
တဲ့။ဒန့်သလွန်သီး ကမျက်နှာပြီတီတီနဲ့အော်ဖတ်နေတာမို့ စာရွက်ကိုအတင်းလိုက်လုသော်လည်းမရ ။ ကျွန်တော်ရှေ့တိုးလာရင်သူကနောက်ဆုတ်ကာ စာကိုင်ပြီးလက်ကိုမြှောက်လိုက်သေးသည်။အရပ်မတိမ်းမယိမ်းလို့ပြော၍ရသော်လည်း သူက ကျွန်တော့်ထက် အနည်းငယ်တော့ ပိုရှည်နေသည်။
ကျွန်တော်ဒေါသထွက်လာကာ
"ဆောင်းဒီခေတ် ...."
သူ့နာမည်ကို ကုန်းအော်လိုက်မှ တစ်ချက်
တွန့်သွားပြီး ကျွန်တော့်ကို ကြောင်ကြည့်နေသည်။
ကျွန်တော်လည်း သူငေးနေတုန်း လက်ထဲကစာရွက်ကိုလုယူလိုက်သည်။သို့သော် သူက စာရွက်ကိုတင်းတင်းကိုင်ထားသည်ထင်
စာရွက်က ကျွန်တော်အားနဲ့ဆွဲယူလိုက်တာကြောင့် ပြဲသွားသည်။
ကျွန်တော်ဒေါသအရမ်းထွက်သွားသည်။ သူလည်း ရုတ်တရက်မို့ အံ့အားသင့်သွားပြီး သူ့လက်ထဲကျန်တဲ့ တစ်ဝက်ကို ကြည့်ကာ"နှောင်းရိပ်မာန် ဘာလို့ အတင်းလာဆွဲတာလဲ အခု စာကပြဲသွားပြီ ဘယ်လိုလုပ်မလဲ"
လို့ အော်ပြောလာသည်။
သူခိုးကလူပြန်ဟစ်နေသော ထိုငနဲကို ကျွန်တော် ပိုပြီးစိတ်တိုလာရသည်။ ပြဲသွားတဲ့ စာရွက်ပိုင်းလေးတွေကို ငုံ့ကြည့်ရင်း တောက် တစ်ချက်ခေါက်ကာ"မင်းက တကယ့်အရှုပ်ထုပ် ပဲ ။မင်းကသူများကိစ္စ တော်တော်၀င်ပါချင်နေတာပဲ။
မင်းအဲ့စာယူဖတ်ရအောင် ပေးတဲ့သူက မင်းအစ်မ မဟုတ်ဘူး။ မင်းအစ်မဆိုတောင် ငါ့ကိုပေးတာမို့ မင်းယူဖတ်စရာအကြောင်းမရှိဘူး။ "
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...