#Unicode
ပိတောက်ပင်ခြေအောက်က ခုံတန်းလေးက ဒီနေ့မှအေးစက်ကာ ခြောက်ကပ်နေသယောင်။
ပုံမှန်ရေပက်မ၀င် စ နောက်စကားပြောသံတွေက ဒီနေ့တော့ အလျင်းမရှိ တိတ်ဆိတ်လျက်။ကျွန်တော်မနေ့က အစ်မ၀မ်းကွဲအိမ်မှာအိပ်ပြီး မနက်စောစောမှအိမ်ပြန်အ၀တ်စားလဲပြီးကျောင်းသို့လာခဲ့လိုက်တယ်။
ကိုယ့်ကိုကိုယ်လက်ခံဖို့ တွန့်ဆုတ်နေပေမယ့် မမရဲ့ အားပေးစကားတွေမှာ တုန်လှုပ်ခြောက်ခြားမှုတွေပျောက်ကွယ်ခဲ့ရတယ်။*ကျွန်တော်သူ့ကို ချစ်တယ်။ သူ မသိလည်းဖြစ်ပါတယ် ကျွန်တော်ရဲ့ ပထမဆုံးရင်ခုန်သံဟာ သူဖြစ်နေခဲ့တယ် ဆိုတာကိုပေါ့*
နေ့လည်ထမင်းစားနားတော့ ပုံမှန်အတိုင်း ပိတောက်ပင်အောက်ကခုံလေးမှာ ဆုံနေကြပေမယ့် ဘယ်သူကမှစကား စ မလာ။
ကျွန်တော်လည်း စိတ်ဆိုးနေတာမဟုတ်ပေမယ့် ၀မ်းနည်းစိတ်လေးကတော့ ကျန်နေသေးတယ်။
ကိုယ်ကသူ့အတွက် ကာကွယ်ခဲ့ပေမယ့် ကိုယ့်ကာကွယ်ပေးမှုကို မလိုအပ်ဘူးဆိုတဲ့ အမှန်တရားကလည်း ခါးသက်တာမို့ နာကျင်ရသည်။
သူ့ကိုထမင်းစားရင်းလှမ်းကြည့်လိုက်တော့ ခေါင်လေးငုံ့ကာ ထမင်းစားနေသည်။ တစ်ခုခုပြောလိုက်ချင်ပေမယ့် ဘာစကားမှထွက်မလာခဲ့။ကိုယ်ဖြစ်နေတဲ့ပုံစံကိုဘေးကနေကြည့်ပြီး သက်ပြင်းတစ်ချက်ချကာ အေးစက်နေတဲ့လေထုကို စတင်ဖြိုခွဲလိုက်တာက သော်တာယံ
"နှောင်းရိပ် ဒီခေတ် မင်းတို့ ဒီလိုပဲစကားမပြောဘဲနေတော့မှာလား"
ကျွန်တော်က ပုခုံးတစ်ချက်တွန့်ပြကာ ဒီခေတ်ကို
လှမ်းကြည့်လိုက်တော့ ကျွန်တော့်ကိုပြန်ငေးကြည့်နေတဲ့ စူးရှတဲ့မျက်၀န်းတစ်စုံမှာ မျက်ခမ်းစပ်လေးတွေ ရဲနေခဲ့တာ ကိုယ်ပဲ စိတ်ထင်လို့လားမသိ။"ပြောစရာမရှိလို့ မပြောတာလေ..."
ဆိုကာ မျက်နှာလွှဲရင်း ဆူတူတူ နှုတ်ခမ်းပါးတစ်စုံနဲ့ မျက်စောင်းတစ်ချက်က သူစိတ်ကောက်နေပါတယ်လို့
အသံတိတ် ပြောလိုက်တာပင်။
အသံမထွက်ဘဲ ပွစိပွစိ ရေရွတ်နေတာလေးက တကယ် အသည်းယားစရာလေး။
ခပ်ချေချေ မျက်နှာထားလေးကို ဖြတ်ရိုက်ချင်စရာလေး ဖြစ်နေတာက ချွင်းချက်ပေါ့လေ။
ŞİMDİ OKUDUĞUN
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romantizmစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...