#Unicode
နှစ်ထပ်တိုက်အဖြူရောင်လေးကနေ ခြံစည်းရိုးနားထိလျှောက်လမ်းဘေးတစ်ဖက်တစ်ချက် အပြည့်နေရာယူထားတဲ့ နှင်းဆီပန်းပင်တွေနဲ့ အေးချမ်းလှတဲ့ ဒီခေတ်တို့အိမ်ရှေ့ ရောက်တော့ စက်ဘီးကိုဘရိတ်အုပ်ခြေထောက်နှစ်ဖက်မြေပေါ်ချပြီးရပ်လိုက်သည်။
" ကယ် သခင်လေး ရောက်ပါပြီဗျ "
လို့နောက်ကသူ့ကိုအသိပေးလိုက်သည်။
စက်ဘီလေးပေါ်၀န်တစ်ခုလျော့သွားခြင်းနှင့်အတူ
သူကျွန်တော့်ဘေးရပ်လာသည်မို့ သူ့ကိုကြည့်လိုက်သည်။" ငါက မင်းကို အလုပ်သမားလို့ မသတ်မှတ်ပါဘူးကွာ
ဒါပေမယ့်မင်းက ငါ့ကို သခင်လေး လိုဆက်ဆံချင်တယ်ဆိုလည်း မင်းသဘောပေါ့...ဟီးးးး"ရုပ်ကိုက စပ်ဖြီးဖြီးနဲ့ ကျွန်တော်ရွဲ့ပြောလိုက်တာကို စကားနာပြန်ထိုးနေသည်။ တကယ်ပါ ဒီကောင် နဲ့စကားပြိုင်ပြောဖို့ဆိုတာ တော်တော် ခက်ခဲသည့်အလုပ်။
"သေလိုက်လေ ငါက ရွဲ့ပြောတာ ဒီလောက်ထိငါ့ကို ခိုင်းစားနေလို့လေ"
ကျွန်တော်ပြန်ပြောလိုက်တော့သူ့ရဲ့အစွယ်လေးပေါ်တဲ့အထိပြုံးပြကာ
"သားကြီးကလည်း မင်းကငါ့သူငယ်ချင်းမို့ အကူညီတောင်းတာပါ ခိုင်းစားတာမဟုတ်ပါဘူး ။မင်းအကူညီလိုလည်းပြော ငါကကူညီမှာပဲ။ "
လို့ ကျွန်တော့်ပုခုံးတစ်ဖက်ပေါ် လက်လှမ်းတင်ရင်း ပြောလာတော့ ကျွန်တော် ပြုံးလိုက်မိကာ
"အပြောကတော့ကောင်းပ။ ခုလိုသူ့၀က်ကိုယ်ကြီးတင်နင်းရတာတောင် ရေလေးဘာလေး သောက်ပါအုံး မပြောတဲ့ကောင်ကများ"
လို့ ခပ်ရွဲ့ရွဲ့ဆိုမိသည်။
"အာ မင်းကရောက်ကတည်းကပြောဆိုနေတာလေ။ လာလာ အိမ်ထဲ၀င်အုန်း ရေတော့မတိုက်ပါဘူးကွာ သံပုရာရည်ဖျော်တိုက်မယ်"
ကျွန်တော့်အပြောကို အတည်ယူကာ အိမ်ထဲလိုက်ဖို့ ခေါ်တဲ့ ဆောင်းဒီခေတ်က အဲ့လိုလေးလည်း အူတူတူ နိုင်ပါသေးတယ်။
BẠN ĐANG ĐỌC
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Lãng mạnစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...