#اتجازيني_حُباً
.
مليء هاتفي بتفاصيلك، بكلماتك، بصوتك، بملامح وجهك ، لكنني ما زلت أطمع في ان تكون هنا "قربي وبين يدي للأبد "
.
.
قيصر :قيصر : بعد الكلام السمعتة من براق عن عذراء وتبرئها وبالاصح تفتح عيني على اللي غضبي عماني عنة
واليل كلة مانمت افكر بعذراء ودخلت بصراع داخلي عقلي يكلي شفت محادثتهم وكلامهم وقلبي يكلي لا عذراء بريئة
وصلت لنتيجة وهي مستحيل عذراء تخوني واكيد اكو شي مااعرفة رغم غلطتها وكشفت السر بس اعرف عذراء اكثر من روحي مستحيل تخوني
ثاني يوم لما شفتها بالمستشفى الصبح كلش خفت عليها و رتعد گلبي عبالي بيها شي
بس الحمدلله اختها عدها ولادة وحاولت احجي وياها واعتذر منها على اتهامي بس صدتني وانهارت
اخذتها براق لغرفتها ولحكتهم مفكر اهديها واطيب خاطرها بس انصدمت صدمة مامثلها من سمعت كلامها وية براق وتبجي بحرقة كلب كلامها انحفر بذاكرتي وماانساه لاخر لحظة بعمري
(( شلون مااحبة ولج حوالي ١٠ سنين عشت وياه مثل الطفل بيدي اداري واسويلة كلشي يريدة ، ترة هنا ما عندي قلب عندي شي ينبض باسمة واني هم من دم ولحم وهم عندي مشاعر و احاسيس واحب ، بس هالحب دمرني نهاني ))
بلحظتها حسيت اني
ضايع
تايه
محطممن صدمتي خارت كل قوتي حتى رجلي خانتني
راسي طاش وهويت ردت اوكع سندت نفسي بقبضة الباب ثواني واجتني براق تفاجأت من حالتي منهارشافت ما حالتي، اتصلت بباقر واجة يمي يهديني حتى نروح للبيت بعدني كاعد طلعت عذراء من يم براق
وجها احمر وعيونها وارمة من البجي وتمشي بثقل وكأنه من همومها ماتكدر تمشي وبقت نظراتي تلاحقها لحد ماادخلت غرفة اختها
كمنا طلعنا باقر افتر بالشوارع حتى يلهيني شوية والسكوت يم اجواء السيارة لحد ما باقر كسر السكوت
باقر : قيصر يا خوية ليش تاذي نفسك فكر بصحتك منو يفيدك لو فقدتها لصحتك
قيصر : ( بصوت مخنوك ) اني مااستاهل عذراء مااستاهل حبها الي اني سبب كل دموعها و حزنها والمها وعذابهاباقر : صلي على محمد يا خوية شنو هاي ليش هالضعف ترة انت ماتفرق شي بحبك وعشقك عن عذراء انتو عكست وياكم الظروف ويجوز خيرة حتى تعرفون قيمة كل واحد بالنسبة للثاني وتقدرون حبكم لبعضكم
قيصر : باقر اني خسرتها لعذراء
باقر : لاتكول هيجي ثنينكم عايشين الحمدلله ماخسرتو شي خلي عينك بعين الله
قيصر : ونعم باللهوصلنا للبيت ودخلنا وتمددت كلش تعبان واحس ماعندي قوة
غمضت عيوني واني كدامي عذراء من اول لحظة شفتها جانت البسمة ماتفارك وجهة والبراءة
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...