#أتجازيني_حُباً ؟!
.
.
يكلهه...
والله لـ خاطَرج قررت أحب أشياء ؛
عشت طول العُمر ما مقتنع بِيها .
.
.
عذراء :
مرت سنتين ثانيه بغمضه عين
ودعنه ناس و عرفنه ناس
مشت ايامنه بدون ما تنتظر أحد
من سنتين واني ادور بالسر على شي احاول بيه احل معاناتي و الضغط العليه
ادور على دكتور شاطر
دكتور يكدر يرجع قيصر لحيله و عمتي تكف عني بعد
كلفت ياسر تقريبا من مدة يدور وياي
لأن هو دكتور واكيد عندى معارف يسألون وياه
كل دكتور نعرف عنه و نتواصل وياه بس يعتذر عن القدوم و نرجع لنقطه الصفر
هواي بحثت عن حل خلاص
مبقيت موقع يعتب عليه
تندمت بهاللحظه لو مكمله دراستي
جان هسه تخرجت و اكدر اني التزمه
بس حسب اللي دارسته ما اكدر اسوي شي
خبرتي قليله و هم ممتخصصه بعدي 😩
عمتي زادت عليه بإلحاح على سالفه الحمل
احس صارت عندي حاله نفسيه بسببها
كل شهر طبيب شكل
كل شهر اموت و اني احجي سببي للدكتورة و اسوي تحاليل وهميه
كل شهر كورس علاج شكل
و كل شهر انصب عزة و اصيح و الطم و ابجي
و لازم اطلع محد يحس بكل الخراب اللي صار بداخلي
يعني هي خل تحسب و تحس
قابل بس اني تأخر عندي حمل
اكو هواي عالم تمر سنين وماعدهم
ليش ما تحسبني منهم !
قيصر كل ما يعرف حجت بهالموضوع
يجي يقنعني اكوللها الحقيقه
بس ما ارضه لأن اعرف انه اللي يعرفون هو ممقرب لمرته شنو من نظرة عليه تصير
و مرة زهك و كال تعاي حت نخلص
بس رعبني ، ممتخيله نفسي بعلاقه كامله وياه
خفت اكثر و خفت أرفض و گضيتها بجي
بس هو تفهم و هدئني انه هو هيج قرر بس حتى اني اخلص وهو هم ممستعد مثلي
دائما يكولي اني ما أتمنى يصير عدنه اطفال أصلا
لان يشوف نفسه عاجز و ميريد يجون وهو هيج حاله
وهذا السبب الأول اللي خلاني ادور على دكتور
كرهت هذا تفكيرة
اني عندي يقين انه هو رح يرجع لعافيته
رح يرجع واكف على حيله
الله راح يكون وياي و ما يردني اكثر
صار سبع سنوات واني صابرة
حرام هسه أستسلم بعد
عشت هالسنين كلها بألمها
و ايماني بربي ما قل يوم
ماريد هسه اقلله
اعرف هو يسمعني يوميه ادعيه و اناجيه
و حاشاه يرد ايد بيوم نرفعت إله
كملت شغلي و صعدت فتحت فيس ابحث عن دكتور فريد نصحوني بيه
عراقي بس عايش بالسويد و هو شاطر بالعلاج الفيزيائي و كثير ناس متعافين على ايدة
قريت السيرة مالته و عن الجوائز اللي محصلها من خلال المجال مالته
زرع الأمل بداخلي انه رح يتشافه على ايدة قيصر
قويت نفسي و دخلتله خاص و كتبتله مختصر عن حاله قيصر ، لو صار و الله ساعدني
رح يجاوب و ساعتها اقدم التقارير كامله ...
تصرفي هذا و بحثي عن الدكاترة
ثنين بس يعرفون بيه هم ياسر و كرار
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
