#اتجازيني_حباً ؟!
.
.
سلام ورداتي 🙋 صباحكم عافيه ♥
رجعت من بعد غياب طويل ، حمدلله كملت الإمتحانات على خير و اخذت وقت شويون ارتاح .. بقت النتيجه اليوم 😭 و بعدها تطبيق و هوسه ثانيه 😂 الله يسهل إلي و الكم .
اغلب الجامعات علنت نتائج ، مبروك للي تخرجوا و اللي بعدهم ان شاء الله التفوق العالي و الاكمال يا رب تحققون النجاح .. هي سنه فاول صارت لهذا ان شاء الله نطلع منها بسلام و يارب طلاب السادس هم يخلصون على خير و سلام ..
نرجع نكمل سلسله احداثنه وي عذراء و قيصر و نشوف شنو رح يصير بعد بوسط التعقيد هذا ..
بما أنه غبت هواي ، الأحداث ممكن تكون منسيه ، حاولوا تقرون آخر فقرة من البارت السابق حت تواكبون الأحداث 😁
قراءة ممتعه ♥
.
.
عذراء :
كاعدة بغرفتي ورة شوية اندكت الباب
عذراء : تعالي حب
ياسر فتح الباب : هاي اني ... ادخل !
عذراء : اااي تفضل ( بخوف وحيرة وخجل )
- سحب كرسي وتقرب من عذراء وكعد ...
ياسر : عذراء اول شي اسف لان مديت ايدي عليج عمري ما متخيل امد ايدي على وحدة منكم وخصوصا انتي وتعرفين معزتج شنو .. بس بوقتها انتي استفزيتيني وتستحقين نوعا ما حتى تصحين لنفسج ، وارجع واكرر اعتذاري
عذراء : ياسـ ....
ياسر : لاتقاطعيني اريدج تسمعيني زين وجوابج اريدة من اسالج وياريت تكونين هادئة وبلا خوف وتوتر ماشي ؛
ثانيا : تركتج هالمدة لان اريدج تهدئين والوضع هم مايسمح عدنة مناسبة ،
عذراء تعرفين هاي شنو ؟
عذراء : هاي الحاسبة مالتي !!؟ شجابها اني تركتها
ياسر : ليش تركتيها ؟
عذراء : لان قيصر اشتراها واني ماردت اخذ شي هو جايبة
ياسر : ليش !؟
عذراء : ياسر لو تتذكر اني طلعت بهدومي وجبت وياية ٣ قطع بسسس ، اني قيصر جنت اتحاسب عليه عاد اخذ شي هو جايبة ، عمتي تتهم اكيد لو جايبة غراضي راح تكول باگت ابني اخذت غراضة ، فاي شي منهم مااخذت وشفت بعينك حتى حقي مااخذتة
ياسر : عمتج ماتدري انتي سبب علاج قيصر ؟ وانتي الي دورتي الطبيب وضبطتي كلشي !؟
عذراء : عرفت اني وحجت علية بس الولد كلولها احنة متكفلين بهالموضوع هي بس لان عدهم معارف هي واخوها وتكدر تساعدنا ، وسكتوها لان محملتني اني ذنب الحادث وحالة قيصر فتعتبرني نحس عليهم وماتريد شي مني
ياسر : عذراء ، شلون وصلتي لهزيم ؟؟؟ بهدووووء وبلا عصبية ولا صوت دنتناقش مدنتعارك
عذراء : جنت اريد اي خيط يوصلني للعلاج وخطر ببالي من انت ذكرتة اذا تتذكر مرة كتلي هزيم لو موجود جان فادنا ، اني فكرت بي كلت بالعكس هسة يفيدنا اكثر لان هو ببلد الاطباء وحاولت ابحث عن اسمة ووصلتلة ، وطرحتلة وضع قيصر ووعدني يسعى بالموضوع
وسعى وسأل ونطاني نتيجة بس انت سبقتة وحجزنة وتركت الدكتور الي هو لگاه
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
