#أتجازيني_حُباً ؟!
ّ.
.
.
- مرات تحصل بالصدف نظرات بيني وبينه
واصفن ، واحير ، وارتبك
- يا لون هذا بعينـه ؟!
.
.
عذراء :
بالطريق دا ارجع لأهلي
فكري ياخذ و يرد شنو اطلعلهم عذر
صافنه عالطريق و داخلي يحترك
باقر : عذراء
عذراء : نعم
باقر : اني احجي وياهم عود
عذراء : منو اهم !؟
باقر : اهلج
عذراء : لا تهتم ، ادبر نفسي
باقر : اعرف امي تاذيج من تحجي عالاطفال
عذراء : تعودت باقر لا تهتم ما شيل بگلبي على احد
باقر : اعرف ، مجربج ... سبق واذيتج بس أنتي بقيتي طبيعيه وياي
عذراء : باقر .. فدوة داري قيصر بغيابي
باقر : تدللين ، اخونه اكيد نداريه
عذراء : هسه ادزلكم اوقات دواه ، لا تخلوه يتركهن
باقر : حبيتيه مو !
عذراء : غير رجلي ، طبعا احبه
باقر : تدرين من حبيت يلا فهمت اللي يحب شكثر يضحي و يتحميل
عذراء : شلون حبيتها يعني وانتو بس تتعاركون
باقر : الحب العميق ، دائما بدايته كره
عذراء : بهاي اشهدلك ، انتو مغناطيس بأقطاب متنافرة
باقر : و هسه تغيرن صارن اقطاب متجاذبه ؟
عذراء : اذا الله قاسمها إلك ، حافظ عليها باقر .. صدك هي جارت الدنيا عليها من صغرها ، امها و اخوها توفوا و هسه ابوها ، مبقالها بس كاظم
باقر : الله موجود وياها
عذراء : اكيد بس هم من تلاكي اللي يدعمها و يحبها و يحترمها تكون طاقتها أعلى و عدها هدف للحياة أكثر
باقر : يصير خير ، نشوف وين نوصل .. يلا وصلنه
وصلت بيت اهلي و نزلت
نزل الجنطه و دك الباب
شوي و فتح الباب ياسر
رحب بينه و دخلنه
شاف وياي جنطتي بهت بوجهي
ياسر : تفضلوا تفضلوا
عذراء : الكل هنا !
ياسر : اي بيت خالي هم
عذراء : ماشي ، التفتت على باقر تشكرته و دخلت
ياسر : خير باقر خو ماكو شي
باقر : انشالله ماكو شي ، عذراء تعبت و جبناها ترتاح اسبوع و اجي عليها
ياسر : رجلها وين
باقر : بالبيت طبعا
ياسر : باقر ! عذراء بيها شي
باقر : لا والله لا تخاف ، يلا اروح سلم على الوالد
ياسر : ادخل ويانه شوي
باقر : لا اروح ارتاح شوي وعندي شغل الجامعه
ياسر : براحتك بس المرة الثانيه تبقى
باقر : تدلل ، يلا سلاام
سديت الباب وراه ودخلت افكر بعذراء
متأكد بيها شي اللي إجت هي ولا تقبل تبات
دخلت كاعدة وي البنات
اشرتلها و صعدت فوك
عذراء : اصعد غراضي و ارجعلكم
براء : ماشي حياتي
زينب : لتطولين شوي و اروح ترة
عذراء : ماشي
صعدت ورة ياسر خليت جنطتي بالغرفة ورحتله
كاعج ينتضرني بغرفته
كعدت يمه و فتحت حجابي
عذراء : كول يسوري شنو تريد
ياسر : ليش تباتين !
عذراء : اذا متقبل أرجع عادي
ياسر : مو هذا قصدي ، عذراء صاير شي ؟
عذراء : لتخاف حبيبي كله تمام
ياسر : بغلاة ابونه
عذراء : ياسر لا تحلف بأحد
ياسر : اي شوفي يعني صاير شي وياج لان انتي ابد ما تتركين رجلج و تجين تباتين
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
