#اتجاريني_حباً؟!
.
.
وما الحبّ إلا رزق فلا تستعجلوه ولا تتصنعوه.
.
.
قيصر :
كعدنه تغدينا وكملنا والولد يسولفون بينهم
اني فاصل عنهم فكري كله بعذراء وكلامها وحركة كلبها على ابنها وهو عدها بعدة
هاي اني عود مطمنها انه ما ااذيها بي واخذة
لعد لو صارت صدك شتسوي شيصير بحالها
جابت براق الجاي دااشرب شفته فاهي يرادلة بعد شكر كمت رحت للمطبخ بعدني بالباب و تفاجأت بالسمعته من لمياء شوية والتفتت شافتني واكف سكتت و بقت عينها علية تقربت عليها بهدوء
قيصر : شوكت صار هذا الحجي ؟
لمياء : والله دااريد اكلك بـ....
قيصر : لمياء، جواب لسؤالي شوكت صار هالحجي ؟!
لمياء : اليوم الظهر ورة ما رجعت اني من المعرض
قيصر : هممممم ، مرة ثانية اذا فتحت الموضوع وياج كليلها اسالي قيصر هو ابو الآنة
لمياء : اي طبعا ، هو اني هم نفس الجواب جاوبتها
براق : يعني وبعدين ؟ لمياء تبقى تتهرب وهي ماتفتح الموضوع وياك ! والنهاية شنو ؟! هذيج المسكينه التتأذة
قيصر : ما تشوفيني حاير ، مو هي المشكلة العينتين هم اليوم سوتلي هوسة على تريد تاخذة وهم يجي يوم وتاخذة واني شلوون وكووووة سكتتها وسديت الموضوع
براق : الله يساعدك
لمياء : اسفة قيصر كلة من وراية
قيصر : لا يمعودة بالعكس شوفي هسة اذا ماجبتة لهنا ترة عذرنا ويانة البنية مو عدنا والطفل ابنها، لا تهتمين تنحل ان شالله
براق ولمياء : ان شالله
تركتهم وصعدت لغرفتي
بس حقيقةً اني مسطور من السمعتة
يعني شتريد امي من احمد ليش تلح عليه !
شعجب حست وحنت !
معقولة يعني لان مريضة لو اكو شي براسها ؟!
لو لان عرفت هو ابن عذراء يجوز اكو شي ببالها !
زين معقولة هي حاجية شي وية عذراء
والي تخبلت عذرا علية !؟
اوووووف اوووف ربي شوكت ارتاح
شوكت والله تعبت من هالامتحانات
بقيت افكر واصفن واجمع بين احداث اليوم
اتذكر كلام عذرا وبجيها والحاح امي
دخت كثر التفكير ، راسي احسه يريد ينفجر بعد
من يوم اللي كالتلي واني شايل هذا الهم و التفكير كمت عالتلفون، ماكو غيرة هو اللي راح يكلي شبيها و بلكي عندة حل يساعدني بي
اتصلت رن رن بعدها فتح خط بس اكو هوسه عدهم و لغجه و هو كال : ديلا كتبيلي شنو يحتاج و حضري اخذة وياي، الو هلا ابو احمد
قيصر : هلا بيك اذا مشغول اتصل بعدين
ياسر : لا لا بس عدنا البناات و دا اخذ حمادة وياي نشتري
KAMU SEDANG MEMBACA
اتجازيني حبا
Romansaقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
