اتجازيني حبا

25.

#اتجاريني_حباً!؟
.
.
أبلغ حبيباً في ثنايا القلب منزلهُ
أني وإن كنت لا القاهُ ألقاهُ
وأن طرفي موصولٌ برؤيتهِ
وإن تباعد عن سُكناي سُكناهُ
يا لـيــتـه يعلم أني لست اذكرهُ
و كيف أذكرهُ إذ لـسـتُ أنـسـاهُ
.
.

لمياء :
جانب بسيط من معاناة لمياء بسبب امها🤦🏻‍♀️

.
.

بعد ما تعاركت وية امي كرار نزل اخذني لغرفتي وحاول يهديني بس شيهدي مني واني عبارة عن جمر من نار ، افور اكثر من البركان ، اكو قهرررر كبير بكلبي مااعرف اولة من اخره، وكان جان منتظر موقف حت ينفجر ويطلع بعد

امي دمرتني بكل ما تحمل كلمة ( دمار ) من معنى ..
من كثر دلالها الي صار عندي غرور وتكبر عالناس
من كثر الدلال دراستي تهاونت بيها وماجانت تحثني عليها

من قررت اترك الدراسة وافقت على الرأي بحجة لاتتعبين نفسج بالدراسة خلي تولي

من تزوجت زوجتني لواحد مااعرف اي شي عنة وتالي طلع مو زواج
عذاب
سجن
كذب
اهانة
خيانة

صرت خدامة واني كلشي مااعرف اسوي بالبيت بسبب دلال امي ماعلمتني الله ينطي لعذراء الي علمتني شغلات بسيطة نفعتني بيوم اعين نفسي بيها

وهاي لحد مارجعت لاهلي ورة فترة سيف حاول يرجعني بس مارضيت واخوتي حجو وياية هم مارضيت ارجعلة لان نفس الشي ماكو حل

وحالة قيصر بالنازل وحال ميامن ونفسيتناا انتهت واني التمت كلها على راسي

هه حت من صارت ولادتي وكرار خابر على سيف وكلة لمياء بالمستشفى عدها ولادة تعال رفض يجي ويوصل وبالفعل ابد لا اجة ولا وصل

و الحمدلله جانت عندي نسخة من عقد الزواج ونسخة من هوية سيف وكلنا للمستشفى انه مسافر وكوة مشولنا معاملة البيان

حتى مصرف مايدز لا الي ولا للطفل لو ما اخوتي مامقصرين وياية وكرار الله يسعدة مخصصلي شهرية من المعرض جان الله يعلم بحالي

فكرت بالطلاق بس اخوتي ماناقصين هم
وازيد همهم اكثر
كل هذا ما كفه، لا

امي بدت تتغير وياية وتحسسني ثقيلة عليها
و تعيرني بزواجي وحالي بس اخوتي يصبروني لحد مابعد بدة يفيض عندي كاس القهر والعذاب اشوف اخوتي يتعذبون وامي تتفنن باساليبها وية الكل ومحد خلص من طغيانها
انفجرت بيها و گلبي يكولي كافي سكوت بعد

بعد ساعة ونص تقريبا اندكت باب غرفتي
لمياء : تفضل
كرار : شلونج لولو
لمياء : هلا حبيبي ، مثل مادتشوف 🙂
كرار : ( كعد مقابيلها ) الولد يسلمون عليج
لمياء : وعليكم السلام ، شلونهم ؟!

كرار : الحمدلله عايشين ، عندي خبر راح يفاجئج 😊
لمياء : خير ان شالله ، ههه اذا شي يغث لاتحجي حباب