اتجازيني حبا

17.

#أتجازيني_حباً ؟!
.
.
.

- إنه لمن المروع، أن تشعر أحيانًا بكونك مساهم في هذا الضياع الذي حل بك
.
.

عذراء :
قررت لازم اواجه القدر ويكون عندي اصرار بقراري واعيش لنفسي ولذاتي وكرامتي وشيصير خلي يصير مااظن يصير شي اكبر واتعس واصعب من الصار بحياتي

اااااه اتمنى لو يرجع بية الوقت لعشر سنين وارفض قيصر واصير لهزيم جان كل هالالم والحزن والاهانة ماتعرضتلها ولا تعذبت بحياتي واحلى ايام عمري راحت واني قسمتي لهزيم اول وتالي

( للحظة استوقفت كل افكارها وكلامها وكأن شخص يكلمها ويوعيها ) ليش عشر سنوات عذراء !! ليش ماتكولين لوراجع بية الوقت للسفرة
لو يرجع الوقت مااخلي يسافر

مو للعشر سنوات
العشر سنوات ما راحت هباء
ما راحت بحسرة
عشتي بيها ايام ماتتعوض ولا تتكرر مهما عشتي سعيدة الحب الاول ما ينسي لو مر دهر عليه ولو صادفتي الف حب غيرة وتعيشين الحب بس الحب الاول هو وبس
تتذكرين شلون حبيتي
وشلون عشقتي
وشلون عبرتو كل هالحدود والمراحل بالحب
نسيتي ايام الحسرات الي بكلبج تتمنين لو تعيشين الحب بالجسد والروح مو فقط روح

حبيتي هالشخص
لدرجة كسرتي كلمة ابوج علمود هالشخص !
لدرجة بعدتي عن اهلج وناسج علمود هالشخص !
تركتي مستقبلج ودراستج وحلمج علمود هالشخص !
تحملتي انواع المحاربات والاهانات من اهلة
امة واختة واخو علمود هالشخص
عشر سنوات قضيتيها بالدعاء حتى يتشافى ويتعافى ويرجعلج بحيلة مثل قبل واحسن
نسيتي كل هذا الشي ؟

عذراء : ما نسيت ولحد الان قيصر بكلبي وروحي بس هو ماقدرني وحافظ علية ويريد يغطي غلطة كعد يحاسبني ، ويلومني ، مانطيتة فرصة ! ماانتظرت يكشف الحقيقة ! ويتهمني بالخيانة هذا الشخص الحبيتة سببلي كل هذا الالم ليييييييش ما فكر بية يريدني بس اني افكر بي 😭

ليييييش ما ينطيني عذر وتهمني بالخيانة وهو ما يعترف خاني وكسرني 😭 ظليت ابجي وكلام قصير مديفارقني ، احس نفسي داخل دوامة كبيرة ومالها نهاية ربي رحمتك والله بكل صفاء نية جنت اتصرف وانت العالم بالروح والبال مو انت اقرب للانسان من حبل الوريد انطيني الصبر واهديني للطريق الصحيح الي يرضيك ، و خليه يعرف اني مخنته .. يا ربي انت الوحيد الشاهد على كل شي جرى

بقيت قافلة على روحي وابجي وادعي واناجي رب العالمين

دك تلفوني شفتة هزيم
مااعرف شنو المنعني ما رديت عليه
ظل يتصل لحد ما فتحت خط

هزيم : عذر......
عذراء : كاااااافي تعبت من هالحالة مااريد اي شي منك بعد لا تتصل ولا اريد اشوفك
هزيم : شصاير فهميني
عذراء : انت سبب الي اني وصلتلة اني هسة بنظر قيصر وياسر اني خاينة وما صنت زوجي وما حافظت على سمعتة وعرضة وابوية اكيد حيعرف وكل اهلي محد يصدكني اني جنت اصدك لان من الاساس اني غلطانة لان بيت على تواصل وياك وانت تحجي بمشاعرك ولان عرفت سر حياتي
هزيمً: عذراء عذراء بس اسمعيني انطيني مهلة احجي بس اهدئي واسمع...
عذراء : قاطعتة ، مااريد اسمع شي تعبت من كل شي بهالحياة
هزيم : بس اني اريدج وشاريج ومستعد انتظرج لاخر لحظة بعمري
عذراء : دكتور هزيم هي كلمة وحدة عندي لا غير ( سلمتك لرب العالمين اذا مقسوملي او لا رب العالمين يختار )
هزيم : ونعم بالله وارجع واكلج ابقى انتظ...
عذراء : من رخصتك لازم اغلق الخط