اتجازيني حبا

37.

#اتجازيني_حباً؟!
.
.

عليك الناس تسأل وين ما وين
وعساك بخير عايش يا ضوة العين
هم ترجع؟! هم ترجع وتجمعنه الليالي
واشوفك من صدك كاعد كبالي
وبعد ما ضل صبر و الصبر لي وين؟!
.... عذراء

.

.

عذراء
حسيت الصبح على زينب تكعدني
راسي يموتني كثر ما بجيت بارحه
كوة نهضت نفسي و كمت

زينب : صباح الخير عذورة

عذراء : صباح النور حبيبتي

زينب : شمسج عاليه اليوم يلا كومي حتى حمودي كعد قبلج

عذراء : اي اي كمت، شفت الساعه 11 اوو متأخرة اليوم

كمت غسلت و بدلت
وي ما نزلت دخلت سراء : صبااااح الخيير

الكل : صباح النور

كعدنه بالمطبخ صبيت جاي شربت
البنات هم كعدن وياي يسولفن

سراء : بنات نروح للحضرة نزور مدام جايه بالعباية

زينب : اي والله علواه صار هواي مرايحه

عذراء : ماعندي شي عادي اروح

امي : ديلا لعد كومن تحضرن حتى تصلون الظهر هناك

سراء : اي يلا و اكول لواثق يرجع ياخذنه

زينب : زين لعد

صعدنه بدلنه اني و زينب كملت و نزلت جوة ننتظرها، بابه صاح لأمي راحتله، هممم اليوم مطالع شعجب

نزلت زينب : يلا بنات كملت

سراء : انتظروا شوي بس يجي واثق

طلعت امي من غرفتها عصبيه : خلي ابالك اني مراضيه

اجتي كعدت يمنه ساكته اله من شكلها يوحي شكد عصبيه و دتغلي اني شكيت بالموضوع يجوز نفس الي حجاه ياسر يالله اذا صدك يعني امي واكفة وياية ، بس الله اليستر من الجاي

بقيت بس اباوع لأمي ساعه تباوع عليه وساعه تتحسب و تدير وجهه ، قلقتني حيل حتى البنات فصل عقلي عنهن

أذن الظهر توضيت و صعدت لغرفتي
اجه واثق نازله ... تاخر اوكف اصلي احسن
شفت قيصر دازلي مسج، مفتحته
حجي ياسر بارحه كله رجع أبالي يارب لا تتخلى عني

صليت و كملت يلا اجه، عاد كمنا تحضرنا و طلعنا وصلنا للإمام و التفتيش ازدحام متنه بي

لحد ما طلعنه من التفتيش أحمد موت نفسه
واثق منتظرنه اخذة مني و دخلوا زاروا

احنه هم زرنه و اتفقنه على مكان نلتقي بي

انفصلت عنهم شوي و فصلت اني و الإمام فدوة لاسمه وكعدت ادعي، يا سيدي يا مولاي نخيتك و انت معروف عنك مايوم رديت ايد شخص طالب حاجه، اللهم اقسم عليك باسد بغداد اقسم عليك بقدسيه هذا المكان ان تجبر قلبي، اللهم بالغريب بالمسموم، كمت ابجي بعد تعبت حيل تعبت
سالفه الولد اللي تقدملي ساطرتني من بارحه
يارب توكلت عليك وانت خير المتوكلين