اتجازيني حبا

32.

#اتجاريني_حباً؟!
.
.
البَينُ جَرَّعَني نَقيعَ الحَنظَلِ
وَالبَينُ أَثكَلَني وَإِن لَم أُثكَلِ
ما حَسرَتي أَن كِدتُ أَقضي إِنَّما
حَسَراتُ نَفسي أَنَّني لَم أَفعَلِ

نَقِّل فُؤادَكَ حَيثُ شِئتَ مِنَ الهَوى
ما الحُبُّ إِلّا لِلحَبيبِ الأَوَّلِ
كَم مَنزِلٍ في الأَرضِ يَألَفُهُ الفَتى
وَحَنينُهُ أَبَداً لِأَوَّلِ مَنزِلِ

.
.

لمياء :
مر عرس الولد على خير حمدلله
رغم المضايقات السمعتها والاسئلة الي توجهتلي
عن سبب غياب امي واكو البعض صنفو ومزقو وضحكو

جنت اكتفي بـ( امي مريضة وانضربت جلطة وماكدرت تحضر لاتتعب ، وما قبلت الولد يأجلون عرسهم وفرحتهم ) مالي غير هالعذر

كلمن رجع لبيتة و بقينا بس اني وقيصر بالبيت
بعد يومين انتبهت امي تحت عينها سواد و مصفرة فكرت انه بسبب فقر الدم وهي صايرة ما تاكل

بعدها بديت الاحظ عليها التعب وذبلت وجهة اصفر ، حجيت وياها وسالتها ماتردلي جواب لو تتعارك وياية

بعد ما كدرت اسكت اكثر قررت احجي لقيصر
رجع من المركز و كاعدين نتغدة فتحت وياه الموضوع

لمياء : قيصر اني منتبهة على امي مو زينة

قيصر : شلون يعني مو زينة !

لمياء : شوفها قيصر صفرة صايرة وشوف جوة عينها و تتعب بسرعة ومرات حتى تدوخ

قيصر : ليش مدتاخذ دواها ؟

لمياء : مااعرف ، هي حتى الاكل مدتاكل من اوديلها هي تاكل بكيفها لبن وجبن وهالسوالف هاي مو تغذية ماتفيدها مو !

قيصر : اكيد ماتفيدها بس المهم تاكل ، راقبيها وخلي عينج عليها

لمياء : اني مو طول الوقت هنا النهار بالمعرض ومرات بليل هم من عندي شغل

قيصر : ممممم الله كريم ان شالله ماكو شي

ضل بالي من كلام لمياء بقيت افكر بامي وتذكرت صار هواية ماجبتلها دوة

عرفت لو امي مخلصة الدوة ومااشترت لو تركتة ، وووووف هسة هي كبيرة مو صغيرة حتى نبقى نركض وراها

للعصر مريت لعذراء اشوفهم ، وصلت لبابهم سمعت صوت ضحكات حمادة دكيت الباب اجاني صوت محبوبتي

عذراء : منو ؟!

قيصر : اني ابو احمد

تعمدت اسوي نفسي عود ما عرفتها ، شوية وفتحت الباب لابسة عباية ابتسمت بوجهة وحجيت بصوت خافت

قيصر : فدوة اروح للعباية

عذراء : وتالي وياك ترة عيب هالحجي