اتجازيني حبا

26.

.
#اتجاريني_حباً
.
.

وانه معذور بـ خدودچ اباوع واصفن هوايه
هوه الـ عنده هيچ خدود هم يحتاج المرآية؟

.
.

............ باقر ...........

.

مرت علينا ايام صعبة من نشوف نفسنا حاملين الهم حمل الجبال وبسبب شخص ما ممكن يكون هو سبب حزن اولاده ...

وضعنا مثير للشفقة ، توصلت الى انه اكو دعوة مظلوم علينا وهي سبب شتاتنا

رغم الي دنعيشه كلنه من ضغوط
لكن نحاول مانعظم الامور ونسايرها
و الاصعب صرنا واحد يهون عالثاني
ولا كأنه احنة في نفس المركب

قررت وية نفسي اسند كرار بكلشي
في سبيل لا يعاني مثلنا

( والحمدلله كلنا صرنا ايد وحدة و حققنا مراد كرار وبلطف الهي شفنا فرحتة بعينة )

بعد ما تحددت مشية الرياجيل
( هو هذا افضل حل انه يضمن البنية الي يحبها )

صبحنا ثاني يوم بتعب
حسيت ساعة ب٧ ونص على ريحة اكل لذيذ
ياويلي بطني بدت تزقزق

نهضت نفسي وطلعت غسلت
رحت للمطبخ لكيت لمياء دتسوي ريوك

باقر : ممممم صباحو ، تدرين الريحة كعدتني

لمياء : صباحو ههههه غير اني مااحجي

باقر : اويلي يابة تفوقين منال العالم صايرة 😂 ولج كبرتي وصرتي تطبخين

لمياء : ههههههه ايي كبرت والحياة علمتني

باقر : شمسوية الله عليج ولج الريحة موتتني بطني كامت تصيح الغوث

لمياء : يااااا هههههه سويت مخلمة خرابيط

كرار دخل للمطبخ : شنوووو 😨

لمياء : بسم الله كول صباح الخير اول

كرار : الريحة سطرتني مثل الأخ

باقر : هههههه يمكن ورة مناكل كلنا ندخل طوارئ بسبب تسمم جماعي

كرار : ههههههههه لا يربك ، ولج شنو مكوناتها !

لمياء نظرتلهم صفح : استهزءوا براحتكم ومن تذوقون راح تتخبلون عالطعم

باقر : اي فعلا نتخبل ههههه ، دكولي شنو مكوناتها

لمياء : بصل وطماطة ولحم وذرة حمستهم وعصرت نارنج عليها وخليت البيض ورشيت زيتون وعليه جبن شيدر وموزريلا ورشة زعتر عالوجه، بين ما دتستوي وسويت خيار وطماطة وزيتون و جاي مهيل وهاي شوفة عينكم ، اكو شي يستدعي التسمم 😒

باقر وكرار : والله مبينة طيبة خوش مكونات ههههه

بين مايكمل الريوك رحت كعدت قيصر
بعدها بدلنا كعدنا نتريك كلنا سوة
صار هواية محرومين من هاي الكعدة