اتجازيني حبا

36.

#اتجازيني_حباً؟!
.
.

الحبّ ..
- هو هديَّة الله التي لا تقدَّر بـ ثمن
الحبّ حالةٌ روحانيَّة ، حالةٌ تجعلنا
نتسامى إلى أبعد حدّ ، نتسامى إلى
حيث لا نعرف ، في الحبّ نشعر أنَّنا
مبارَكون .. مبارَكون للغاية ، نشعر أنَّ
هالةً من البياض تحيط بنا ، بأنَّ الله
يحتضننا بـ شدَّة ، بأنَّ الحياة أجمل
من أن تكون مجرَّد محطَّة .. !
.

و بـ غزل عراقي ..
أنطيك من عيني دمع
ومن صدري ضلع
وأنطيك كل عمري شلع
شتريد بعد گُلي..!      _ قيصر

.

عذراء
كاعدين الظهريه ومثل كل يوم روتين طبيعي الفرق بس هو كلشوي صايحين عذراء كومي على أحمد

هههه صاير جني صغيرون
كلشوي ينس و يختفي و تصيح امي ابنج كومي عليه و اروح الكاه مبدع بالزعابيل مالته

كملنه غدة و رتبت المطبخ و عدلت كلشي
من بارحه زينب عد اهلها راحت و ضايجه مكانها خالي جانت كل أربعاء و خميس تبقى بالبيت و نكعد سوة ندردش و نكتل وكتنه هالاسبوع صادفت روحه اهلها

كعدت حمادة بين العابه و اني مددت بفراشي
و اكلب بالفيس شفت منشور بكروب منزلين <شكد اطول مدة رحتي لاهلج زعلانه بيها> و براق معلقه صار أسبوع و باقر مجاوبها 😒 ملصق

طلعت من الفيس دكيت عليها ماكو رد

دزيتلها رساله تجيني من تطلع من الدوام
ضايجه عليهم بعدهم بالبدايه
و هيج لو يكملون العمر كله شلون
حبهم و مشاعرهم لبعض معقول
ما تخليهم شوي يتنازلون

كمت اتصلت على قيصر اشوفه وينه اليوم ولا دكلي
تعودت عليه صار كم يوم كل ساعتين يتصل
دك قريب ما يفصل اجاني صوته

قيصر : ها حبيبي

عذراء : ها عيني وينك عني اليوم

قيصر : تعبان اليوم مدا اكدر اتحرك، كلت اتحاشى الرزاله و ما ادك

عذراء : خلف الله عليك لو مخايفه عليك شكو احجي يعني

قيصر : ههه والله ادري بيج

عذراء : وهسه شلونك

قيصر : اخذت مسكنات منتظر باقر يجي اروح وياه للمركز، المعالج الفيزيائي كال تعال ضروري

عذراء : اي عفيه، هممم باقر شلونه

قيصر : زين، اله صارله أسبوع عدنه رجع مثل أول اللي يريد يحجي وياه لازم ياخذ موعد و حجوزات ههه توقعي حتى وي امي مسموحلها تكعد وياه ساعه وحدة و من يصعد بعد ممنوع تحجي وياه لان خلصت ساعته

عذراء : ياااا مو بطلها، شدعوة هيج متشدد

قيصر : اذا مرته مسويتله حضر