اتجازيني حبا

8.

#أتُجازيني_حُباً ؟!

.
.

شگد چبیره من تحس
كلشي بحياتك
صار ضدك حتى گلبك
عافك لخاطر ظفیره🖤

.
.

سراء :

تحضرت للدوام اول مرة رح ادخلها وي واثق بعد غيابه هذا
حتى عاجبني اليوم رح ادخل و ايدي بيدة
ادخل و أنظر بعين كل شخص كالي تركج
و اولهم استاذة فتون اللي استغلت غيابه و رسبتني بمادتها و بالف يا علي دگيت دراسه و طلعت الدرجه من نص عينها غصب عنها

وحق الحق اليوم اذا ما ادخل غرفتها و لازمه ايدة ما اكون اني سراء و حتى هم مستعدة ابوسه كدامها .. والله اذا ما احرگ گلبها خل تنتظر

تجهزت و نزلت هو كاعد بالمطبخ وي ابويه يشرب جاي و يحجيله سبب غيابه
دخلت بقه صافن عليه گصني كص من فوك لجوة وترني
نظرت لنفسي اذا اكو شي غلط بس لا عادي هذا لبسي المعتاد ممغيرته
بس يمكن تفاجأ من ستايلي الجديد
صار سنتين متبعته لان غيرت الفساتين

لابسه بلوفر للركبه و بنطرون و شيله
و الجنطه صفح لابستها
نظارات على راسي و مكياجي هو نفسه مالعبت بيه لأن احبه هادئ بس الحمرة شوي مطوختها حتى وي البلوفر ، و ها حذاء رياضي بدل الكعب
اذا صدمه هذا ف انطيه الحق لأني جنت مستحيل اطلع البيت اذا مو كعب بس مليت بعد

سراء : جاهزة ، نطلع
واثق : لا طبعا ما نطلع لان هسه رح تصعدين تغيرين هذا الضيم كله و تمسحين المكياج هذا ساعتها اقرر تطلعين لو لا

سراء : شلت النظارة من على راسي و كتله
ماراح اسمع كلامك لان بكل بساطه بابه هذا كدامك كاعد و لو لبسي بيه خلل جان كالي

واثق : من بعد اذن عمي بس هسه اني هنا و كلمتي التمشي لان حضرتج زوجتي يعني اني بعدين بابه ماشي

سراء : ضربت رجلي بالارض عصبت عليه
بابه عفيه كوله معليه هو شنو هيج يسوي

ابويه : والله كلامه صح واني ساكت اكول تزوجت بس طالما إجه ارفع ايدي بعد سمعي كلام بابه هو لو ما خايف عليج و يريدلج الستر و الحشمه و لا يحجي حرف مو هيج عمي

ناد براسه اي و ضحك لان ايد كلامه

سراء : انظرله بعصبيه اوف لو وحدنه جان راويته شخصيتي عدل و اندمه
عود من باجر اسمع كلمه حضرتك لان تأخرت

واثق : وحق الله لو طلعتي ابطلج و تعرفين اسويها

سراء : انت ليش هيج ؟ مو هستوك رجعت مفروض تكون حنون حتى ارضى عليك

واثق : راضيه انتي اول تالي 😉

كام على حيله و جرني من ايدي لفوك
دخل غرفتي و فتح الكنتور بكل سهوله
دور بين الفساتين و اختار واحد بعدة جديد طبعا
طلعه نظرله كله مبطن لان مال حجاب
التفتلي و خلاه كدامي عود قاسه عليه
بيه طول شوي لان بعدني حتى هم ممقصرته شوي بيه طول اصبعين تقريبا