اتجازيني حبا

34.

#اتجازيني_حباً؟!
.
.

اليوم، غداً وللأبد
للمرّة الثانية والعاشِرة والألف
أنتَ تخصّني ذهبتَ أم لم تذهب
مُت أم لم تمُت
أحببت أمرأة أخرى
أم لم تفعل، تشاجرنا
أعاندك، تعاندني
نذبح بعضنا البعض
للأبد ورغماً عن أنفِ العالم والمسافات
والعادات وثوب المستحيل
أنت تخصُّني 🧡 .......  عذراء
.
.

لو إنّ كلَّ عُصَاراتِ الربيع
دَخلت في أليافِ جِذعيَّ الهرِم
لِتجعلهُ يُزهِرُ مرةً أخرىٰ لما عوفيتُ
مِثلما أُعافىٰ حين أنظرُ إليكِ 🧡..... قيصر

.

قيصر .....
على اعصابي بقيت كاعد لا يكون اتهور واحجي شي مو وقتة هسة جبرتني اعصب عليها بس يكون كل الصار يجيب نتيجة وياها ، شوية طلعت منهم بالباب التفتت على ياسر

قيصر : ااا ياسر اكو شغلة صارت اريد اكلك عليها حتى يكون عندك علم تحسباً اخاف يصير شي يعني حتى انت عندك علم بيها

ياسر : خير ان شالله

قيصر : ممم امي ماتدري بوجود احمد اساساً ، و قبل عمليتها بساعة عصبية و زلة لسان مني كشفت وجود احمد كدام امي وبقت تحجي و تسال وينة ومن هالامور بصراحة اني ما عرفت اجاوبها بس لمياء تدخلت وكلتلها لامي احمد يكون ابن عذراء ، لان لو عرفت راح تصر انه ارجعة للبيت واني ما أريد علمود عذراء اولا حرام علية احرمها من احمد  بعد ما تعلقت بي وهم علمود وصية المرحومة

ياسر بحيرة : والله ماادري شكلك قيصر بس اعتقد هالشي غلط ويجي يوم وينكشف هالموضوع

قيصر : اذا انكشف اني اتحمل مسؤوليتة وان شالله ما ينكشف لان الحقيقة عذراء ام احمد هي الي ربت وسهرت وتعبت مو غيرها

ياسر : ان شالله خير ، زين سويت كتلي حتى يصير ما يصير يكون عدنا علم

قيصر : اي هو هذا رأيي هم، واني افضل عذراء ماتعرف عن هالموضوع

ياسر : اكيد الافضل ماتعرف ، ولا يهمك

قيصر : تمام، يلا حبيب مع السلامة

ودعت ياسر وطلعت رحت للبيت دخلت تلكتني لمياء

لمياء : الله يساعدك عيني

قيصر : هلا ليمونة ، ويساعدج ، شلونها امي

لمياء : الحمدلله برحمة الله ، ممم قيصر اريد اكلك شي بس لا تتحسس وتضوج بس من خوفي عليك .. انت صاير تسوق هواية وهذا غلط

قيصر : اي صح مايصير بس تطمني مااسوق سرعة حدي ٥٠ ولا اجتاز والعب بمروريات الطريق

لمياء : اي فدوة اروحلك والله من تطلع لحد ماترجع بالي يمك